Ilahi rəhbəron-22

Ilahi rəhbəron-22

Xıdo-Rəsul(s) ıştə çəşon çın dınyoku vi kardə zəmonədə,Əli(ə)-i hamyeşe:”Xıdo-Rəsuli(s) rehləti mısibət jıqo bəçımı duşi sanqin be ki,qımon kardedəbim ehanə əvım bəsə bandonsə noəmbe,çəvon əy kırney zuşon nıəbi”.Əli(ə) deştə ğəmqinə dıli iyən de arsi pur bıə çəşon bə peyğombər(s)-i pokə bədəmi ğuslış doe.peşo ıştə dimış qəte bə ə həzrəti və voteşe:”çımı pı-mo bəştı fido! Pokə jimonı karde və pok çı dınyoku şiiş.deştı rehləti çı nıbuvvət və peyğombərəti rıştə ğət be ki,de coqlə ənbiya və peyğombəron rehləti jıqo bıə nıbe.tı anədə qıləy vırə və məğam pəydu karde ki,Xıdovəndi məxsusə səlom və sələvot bətı ayid be və əxtə vusətı pəydu karde ki,qırd millət ıştı mığobilədə i və yeksan bin.çımı pı-mo bəştı ğıbon! Iştə pərvərdıqori palu əməni zikrkə və bıdə əv bəmə məxsusə lutf və inoyətko....

Əli(ə) Nəhcul-Bəlağədə jıqo hamyedə:”Xıdo-Rəsul(s) qıləy holədə ki,səş çımı sinə səpe be,çın dınyoku şe və çımı daston sape conış doe və mı(peyğombəri(s) çəy sape con doə dastonım bəştə dimi kəşeme və çə həzrəti ğuslım bəştə ehdə peqəte.məlayikon bə koyədə bəmı koməkışon karde.jıqo bızın qırd kə-bə bəmeydəbe və nolə jeydəbin.firiştəonku idastə omeydəbe və idastə həm bəpe rost beydəbin və çəvon bə ə həzrəti bıə nımoji zumzumə iləzə həm ğət beydənıbe tainki,ə həzrətımon çəy orom bıə vırədə ğərolımon doe”.

Həzrət Əli(ə) peyğombər(s)-i pokə bədəmi dəf kardə holədə,de bəmə çəşon hamyeşone:”səbr kardey çoke,əmmo nəyinki,ıştı barədə.tov nıvardey çok ni,əmmo nəyinki,ıştı firağədə.bəştıku co bıey xoto bə dıl nıştə ğəmqinəti vey dıjde”.....