Ğıroni bəşorəton- 7

Ğıroni bəşorəton- 7

Bə Kərimə-Ğıroni çandə qılə ayəon əsos çın dınyo hodisə və hərəkətonədə mudaxiləkə amilon hestin ki,çı maddi məlumə amilonku barze.Ğıron çı bəşəri ıştə harujnə jimonədə hiss kardə  amilonku vey barz və bəpeye ki,Kərimə-Ğıroni çı muminonku tələbış kardə bə ğeybi imonışon bıbu və çı mumini jimonədə ğeybi imdodon qıləy yolə təsirış heste.

 Bə ğeybi etığod və imon bıey de ilahi ğeybi imdodon imon pəydu kardey əloğədore.ım ilahi mədəd və imdodon torıxi dırozi de vey çokə şivə və formə bə muminə insonon komək omə və əvonış çı məhv bıeyku səlomətış oqətə.Ğıron bə muminon bın barədə nəyinki,mıjdəvoni doydə,bəlkəm bo imoninə şəxson imoni zumand kardey və boçəvon xotırcəməti pəydu kardey xoto, çandə vırədə jıqo ilahi ğeybi imdodonku nəğl kardedə.min cumlə Ali-İmrani mıborəkə surə 125-126-ə ayəonədə hamyedə:”bəla in təsbiru.....bəle,(ımruj həm) ehanə istiğomət və təğvanin bıbu və deşmın rəyrə bəşmə soyəx booy,-Xıdovənd bəşmə de penc həzo nəfər mələkon ki,çəvon qıləy məxsusə nışonəşon heste,komək bəkarde-əmmo,ımon(həmmə)fəğət boşmə bəşorət və xotırcəməti xotoye və illa səbarzəti fəğət çı zumand,hikməti soybə Xıdovəndi tərəfikuye”.....