Ilahi Rəhbəron-28
Ilahi Rəhbəron-28
Islomi de daxili təhəvvul iyən əvəzon icod kardey,çı ərəbon canqi ğıvvəş bo ilahi iyən insoni erjon mıdofiyə kardeyş,de ”Cihadun fi səbilillah” nomi bə miyonış varde və çəyku qıləy ğudrətış bə vucud varde ki,nəyinki,bo islomi erj və etığodon mıdofiyə kardey ğadir be,bəlkəm qıləy kırtə mıddədətədə Ərəbi cəzirə ətrofədə bıə sərzəminonış həmmə təsxirış karde.islom co tohidi dinonku,osmoniyə kitobon və ıştə sələfə peyğombəronış de vey çokə formə mıdofiyəş karde və bə qırd bəşəriyyəti min cumlə bə ın dinon tərəfdoron tovsiyəş karde ki,Xıdo palu din iqləyniye və vəzifə iyən məntığ tələb kardedə ki,çəvon həmməysə komilə qıləyni bıə islomi ğəbulkon. həlbəttə,nəyinki,de ikroh iyən zu.(Məkarim Şirazi,təfsire-nımunə,2-ə cild,səyfə 204-209)....
Qıləy zəmon ki,Həbəşıstoni podşo Nəccaşi peyğombəri(s) səfir Cəfər ibn Əbi-Tolıbiku Həbəşıstonədə tələbış karde ki,Xıdo-Rəsul(s)-i risoləti mahiyyəti barədə sıxan bıvoto.Cəfəri ıştə sıxanon i baxşədə çı ərəbon nodonəti,vəhşiyəti iyən ğarətgərəti bədiqə jıqo voteşe:bəle,əmə jıləvoni bimon.tosə zəmoni ki,Xıdo çəmə miyono qıləy pəyğombərış boçəmə hidoyətiro vıjniyeşe və vığandeşe.əmə çəy xıyzoni komilə surətədə zıneydəmon.bəçəy rostəvıjəti və sədoğəti imon hestemone və çandə soron əy de əmonotdorəti imtovon kardəmone.çəy pokdovnəti boəmə ruşin be və bəməş əmr kardə ki,əmə həm rostəvıj iyən sədoğətin bıbəmon və əmonəti bəçəy əhli oqordınəmon və çəməku tələbış kardə ki,ıştə nezə odəmon miyono bıə rabitə ğoymkəmon, həromə koon və xun rukardeyku dast bıkəşəmon.əməş çı beiffəti iyən beəxloğətiku nəhyış kardə və bəməş çı du iyən tərviziku bə diyəro mandeyış aspardə və bə rostəvıjəti iyən səfoş tərğib kardə.əməş bə yətimon moli təcavuz kardey və çəvon mirosi hardeyış nəhy kardə və mehribonəti iyən xeyrxahəti və bəçəvon tərbiyədə bıə çokə səyon səmt dəvət kardedə.əməş bə iyənde norəvoə nisbət doey iyən yavə koonədə mıttəhəm kardeyku ozod kardeşe.bəmə əmrış karde ki,fəğət Xıdo pərəstışkəmon,çəy bandə bıbəmon və hiççi boəy şərik ğərol mədəmon.....
Jələvoni islomi qiromiyə peyğombəri vey erjin və muhimmə mirosonku qıləyni,islomi aqahəti və oğoəti baxş kardə məktəb be ki,de vəhyi mələki vositə bə peyğombəri(s) dıli nozil be və ə həzrəti har qıləy sıxanış de Xıdovəndi izni bəştə zıvon cariş karde və bə milləti rosneşe.Xıdo-Rəsul(s) qıləəy dinış varde ki,bə insoni de Xıdo iyən de camiyə rabitə bərğərol kardeyış əmrış karde.
Islom bə insoni təkrimış noe və boəy qıləy hurmət ğayile.hojo çı sıftəku Xıdovəndi ıştə rufiku bəçəy coni puş karde ta çəyku qıləy osmoni iyən mələkutiyə məxloğ icodko.bın cəhətədə vohidə Xıdo osmoniyə kitobon iyən ıştə peyğombəronış vığande ta çəvon rahnuma şua jiyədə inson çı mılki aləmiku bə mələkuti səmt rost bıbu və çı cəholəton toykiyəti ,nəfsoni həvəson və şəytoniyə vəsvəsəon saru suğut nıko,enıqno.
