Ilahi Rəhbəron-31

Ilahi Rəhbəron-31

İslomi dini hevujə surətədə pevolo bıey coqlə muhimmə imtiyozonku qıləyni həm,çəy de surəti bə ğəlbon nufuz kardey iyən mısılmınon miyono bıvəti iyən ibemoni icod kardey bıe.islomi hədəf bəşəri camiyə miyono insoni xoşbəxtəti,ədolət iyən ozodəti icod kardey bıə.bo ın hədəfon real kardey cəhətədə de peyğombər(s)-i ozoditələbəkə iyən sulhamizə hərəkəti,dini islom vey rə ozavziye və pevolo be.həzrəte Rəsule-Əkrəm(s) de insoni kəroməti nomi bə ozodi bıə ehtırom, çə həzrəti bemisl iyən dəvəşə şəxsiyyəti həxədə siyrə nıvıştə alimon ziyodə kitobonədə vazeh və oşkoye.Əlhəsəni ıştə siyrə kitobədə jıqo nıvışteydə:”peyğombər(s) hiçvaxti hiç qıləy zəmonədə hiçkəsış boştə dini vadoey xoto məcburış nıkarde”.Əllamə Şeyx Muhəmməd Huseyn Kaşiful-Ğıta bın barədə nıvıştedə:”peyğombər(s) de əkəson canqış karde ki,ıştə ıhdışon darıştəbe və ya de ə həzrəti tohidi pevolo kardey koyədə mıborizə bardedəbin.əsosən ım canqon de islomi ikroh və məcburi məsələ hiç qıləy rabitəş nıbe”.......

Peyğombəre-Əzimi(s) insoni kəroməton ətrofədə bıə əndişə ....bıə çiyon  həmməkəson nəzə cəlb kardedə,çə həzrəti insoni kəroməton ....bıə xətəron ətrofədə çəşnaviyone.liza  bə ın əsos həzrət ğəflət,xudbini iyən şehrət və şəhəvatədə ğərğ bıey və maddiyyati dılədə tasey,bə insoni kəroməton muhimmə zərəlon jeydə ki,inson bəpe ıştə kəromət və şərofəti oqətey cəhətədə mığət bıbu.Pəsuli-Giromi(s) hamyedə:”Xıdovəndi nəzdədə hiççi bəsə insonisə vey giromi ni. peyğombər(s)-iku dəparseşone?hətto firiştə və mələkon həm?həzrəti hamyeşe:bəle,çun mələkon bənə həşi iyən ovşımi məcburin,əmmo inson muxtar ofəyə bıə”.....

Islomi torıxədə vey omə ki,mısılmınon şəhron fəth kardə zəmonədə bə co dinon tərəfdoron bənə mısılmınon ozodətiyon doydəbin və ehanə de “cizyə” nomi qıləy mıxtəsərə maliyyat çəvonku sıey beydəbe,bə əmniyyəti təmin kardey və hərbi xarcon xoto be.zira,çəvon con,mol iyən namus çı islomi pənohədə hifz beydəbe və hətto əvon ıştə ibodi mərosimon həm ozodonə şikilədə dəvordıneydəbin.de islomi dini koşon bıə qırd kəson ın həyğətonku aqahin və hətto məsihiyon ki,islomi həxədə kitobışon nıvıştə,bə ın mevzu etırofışon kardə.məsələn,”islom iyən ərəbi mədəniyyət” kitobədə handedəmon:”mısılmınon de co cəmyəton rəftor anədə mıloyim be ki, çəvon məzhəbon rəyison icozəşon hestebe ki,boştə məzhəbi məclison təşkil bıdon” və torıxədə nəğl bıə ki,məsihi iyən xristiyanonku i dastə bo hisobot iyən təhğiğaton bə peyğombəri nışon doeyro bə peyğombər(s)-i xıdmət rəsəbin,ıştə məzhəbi mərosimon ozodonə formədə Mədinədə peyğombər(s)-i məçitədə bə vırə rosneşone.(Təfsire-Nımunə,ayətullah Məkarim Şirazi2-ə cild,s-327)....