Ilahi Rəhbəron-32
Ilahi Rəhbəron-32
Peyğombər(s) de cokəson min cumlə de yəhudiyon rabitə bə çokə hamsuyəti iyən sulhamizə rabitəon əsos be və çəvon insoni hurməton oqəteydəbe.peyğombər(s) çı yəhudiyon bədə rəftoron mığobilədə səbr kardedəbe və çəvon mınofiğə hərkəton sape çəş vi kardedəbe.ə həzrət əvoni de mısılmınon I səviyyədə qəteydəbe və bəçəvon adət və ğanunon hurmət noydəbe.peyğombər(s) bə de yəhudiyon bastə əhdi rioyət kardedəbe və ehanə yəhudiyonku ikəs bəştə əhd-peymoni əks həm rəftor kardeyədə, fəğət bəy cəzo doydəbe və cokəson bəçəy qıno xoto,qəteydə nıbe.çoko ki,bə mısılmınon xəyonət kardə çı Kə`b ibn Əşrəfi və Səlam bin Əbi Həğiği barədə jıqoş karde və həni bə co yəhudiyon etırozış nıkarde. həyğətədə,peyğombər(s)-I de yəhudiyon rəftor de bə Ğureyşi milləti iyən de co ğəbiləon nisbətən vey mulayim be . …
Xıdo-Rəsul(s) norohətçəti insoni bə hərəbaxtəti iyən barzə noxtəon rosney be.Kərimə-Ğıronədə omə: ”
Həyğətən,bəşmə tərəf qıləy peyğombər oməki,bəşmə əziyyət kardə çiyon(şımə cəholət,fəğrəti,fəlokət və pərişonəti) boəy qon omeydə.boşmə hidoyətiro (de hərisəti)dıl sutunedə və bə mominon ələyh mərhəmətin iyən mehribone”.(Tobə 128).
Əv boəvon pokə xorəkonış həlol iyən mırdol iyən mənfurə hardəninə çiyonış həromış zıne və çı milləti duşonku qonə boonış peqəte və zəncironış çəvon qıyonku ojış karde və əvonış ozod karde.ım bəçəy xotoye ki,dini islom insoni çı məxloaöti həmməyzə əşrəf və barzə qıləyni hisob kardedə və əy de mərıfəti soybi nomi elon təğdım kardedə.islomi prizmaku qıləy kəromətinə inson fəğət Xıdovəndi boştə sıtoyiş və pərəstışiro loyığ bıvindo və hestemoni aləmi xılğəti koyədə ğərəz əv co hiçki rəbb zıney nıbu və ibodət kardey nıbu.yəni qıləy Xıdo zınə inson bəpe tağutə rejimon və hakimon nəfy və inkorko və çı hiç qıləy imperiyalistə ğudrəton mığobilədə sə təzim nıko və çoko ki,Xıdo-Rəsul(s) hamyedə ki,bo ğərəz Xıdo har nev bandəçəti ğəbil bıənin ni. :və la yəttəxiz... ,ğərəz Xıdo cokəson pərəstış məkəmon və hiççi bəy şərik ğərol mədəmon iyən çəməno kali qıləy co qıləyni Xıdo əvəzi ərbob(rəbb) səçın nıkəy…….
Qıləy inson ki,ilahi ruf bəy pu kardey beydə,əv bə ilahi barzə xəlifə məğami oruc və rost bıey və çı Xıdovəndi cəmol sıfəton nışon doə ovəynə bıey bəzıne.jıqo qıləy inson çun Xıdovəndi ıştə mailk iyən soyb zıneydə,bəştə icozə doydə ki,boştə vucudi harcurnə soybətiko.əv xudxah və eqosit ni,Xıdoxah və Xıdotərəfdore.qıləy Xıdo pərəstış kardedə ki,aləmon ofəyə Xalığe və həmmə koon tədbiri vindedə. əmmo,bə mərıfəti ım mərhələ rəseyro,bə təzkiyə və ıştə nəfsi pok kardey ehtiyociş heste. həyğətədə, ıştəni zıney və ıştə nəfsi sape koy kardey çı insoni de Xıdovəndi bıə rabitə parde.peyğombər(s) və ilahi co ovliyaon de ın royku dəvarde bə Xıdovəndi pokə zoti marzi roşon pəydu kardə və ıştənışon ıştə nəfsi zindonədə həbsışon kardəni.
