Təkfiri cərəyonon
Təkfiri cərəyonon
Peyğombər(s)-i sınnət və siyrə bə terrori ğədəğən bıey təkid kardedə.Peyğombər(s) hiçvaxti ıştə deşmınonış terror nıkarde və bə hiçkəsi jıqo qıləy koy icozəş nıde.demiyən fərdon ənəxəbədə kıştey və terror kardey ğədəğəne.ikəs ki,qıləy fərdi kuçə və xiyobonədə terrorko ya çı camaati dəvardə royədə bombə bıno ya de kamikadze roy vositə vıjor,məçit və co iştimoyi məkanonədə idastə beqınoə odəmon bıkışto ımon həmmə çı terrori oşkoə mənoku bə hisob omeydə.islom qırd ım hərəkəton de şiddəti məhkum və rədd karadedə.ım ko bə vırə rosnə kəson həm ğatil,cinoyətkor və canqəkə zıneydə
Islomədə har nev ğətl ki,de terrori roy bə əməl omeydə,ğədəğəne və çəy qıləy şiddətinə əzobış heste. bəpe bə milləti əmniyyəti de hozi iyən silohinə hərəkəti bəyənde jıə təkfiri terroriston icozə doey nıbu ki,əvon ozodə şikilədə şəhr və kişvəronədə rohət şıe-omeykon və umumən jıqo fərdon bəpe qıləy əmniyyətışon nıbu.çıro ki,çı terroriston ozodəti iyən əmniyyət çı umum milləti ozodəti iyən əmniyyəti çəvon dastiku sıey mənoədəy və bə həmonə dəlili xoto,Ğıron de əvon ğətiyyətinə şikilədə rəftor kardey tələb kardedə....
Təkfiri dastəon cinoyətonku qıləyni həm çəvon ıştə mıxolifon işkəncə kardey və çəvon bədəmi uzvon bırniyeye.ım cinoyəton həm de şiddəti dini islomədə nəhy bıə.islomi fiğhədə çı işkəncə və əzob-əziyyəti barədə əksərən “tə`zib”-i kəlməku oko doey bıə.bə islomi ayini əsos hiçkəsi həxış ni bə coqlə insoni və əy bə əzob-əziyyəti məruz bəhaşto və ımko ğədəğəne.Xıdovənde-Aləm Kərimə-Ğıronədə Buruci mıborəkə surə 4-ə şərifə ayədə bə muminon əzob-əziyyət iyən işkəncə yavəti iyən çəvon bə Xıdovəndi ğəzəbi dıço bıey nışon doeyro,hamyedə:”ğutilə əshabul-uxdud” bə(otəşi)çolə odəmon işkəncə doəkəson bımardo”. 10-ə ayədə həm bə jıqo curm iyən cinoyəti mırtəkib bıə kəson barədə həm hamyedə:”əlləzinə ğətəlu... əkəson ki,bə muminə merd və jenon işkəncə doydən,peşo tobəşon nıkarde,çən,boəvon cəhəndımi əzob və sutunə otəş heste”.həmçinin Əhzabi mıborəkə surə 58-ə şərifə ayədə bə mısılmınon əzob-əziyyət doey qıləy oşkoə qıno hisob kardedə.joqo ki,hamyedə:”vəlləzinə yuzunə.......və əkəson ki, bə hiç qıləy xətoə ko əncom nıdoə muminə merd və jenon əziyyət doydən,beşək qıləy oşkoə behton iyən qıno (boşon) bəştə qıy peqətəşone”.qıləy camaat ki, bə təkfiri terroriston həmlə məruz mandən,hiç qıləy qınoşon bə vırə rosnəni ki,jıqo bə ım cinoyətkorə dastəon qırd işkəncəon məruz bımandon.ın ayə de qıləy məxsusə təbiri bə muminə merdı-jeni işkəncə və əzob-əziyyət doydən,de şiddəti mızəmmət bıə....
Islomi-peyğombər(s) bın barədə hamyedə:”innəllahə.....Xıdovənd ğıyoməti ruji dınyoədə bə milləti əzob (işkəncə)kardə kəson,əzob bəkarde”.şiyə məzhəbi rəyis İmom Sadığ(ə) Peyğombər(s)-iku nəğl kardedə ki, ə həzrəti hamyəşe::bə Xıdo nisbtədə həmməysə tuğyongər ə kəse ki,qıləy ğatil nıbə kəsi bıkışto və hiçkəsi nıjənə kəsi bıjəno.”.həmçinin İmom Sadığ(ə) hamyedə:”ehanə ikəs bə ikəsi qıləy taziyonə bıjəno, Xıdovənd həm əy de otəşiku bıə taziyonə bəjəne”.
Təkfiri terroritə qrupon cinoyətonku qıləyni həm çı insonon sə,dast iyən poon bırniye və əvoni muslə kardeye.ım cinoyət həm de şiddəti islomədə məhkum iyən mızəmmət bıə.həzrəte Muhəmməd(s) hamyedə:”iyyakum....muslə kardeyku pərhizkənən,harçənd qıləy zərəl rosnə sıpə barədə həm bıbu”. Islomi-peyğombər(s) islomi ləşkəri bə canqi cəbhəon ezom kardə və vığandə zəmonədə bəvon i hissə zərifə nuktəon rosnedəbe ta çı kali ğeyri-rasional və anti-insoni hərəkəton vəy bıqəto.joqo ki, hamyedəbe:”ha millət ha! kofiron kıştey bədiqə muslə məkənən...hırdənon,jenon,piyə merd və piyə jenon iyən çəvon rahibon məkıştənən.çəvon ddon lozım nıbə holədə məbırnənən və şıməku ikəs bə qıləy mışriki əmon doeyədə,çəy əmoni mehtərəm bızınən və bəy əmon bıdənən tayinki,həmonə mışrik Xıdo kəlomi bıməso.ha mıslmınon ha! hiçvaxti plantasiyə iyən xımo boğon məsutnənən,ikəsi ovədə ğərğ məkənən,miyvə doon çı rəğ-rişəku məkandənən,bəçəvon ziraət və məhsulon otəş məjənən və həlol qujdə heyvonon ğərəz lozım bıə məsrəfi mığdorədə çəvon səon məbırnənən və çı miyoniku məbənən”. ısət çı təkfiri və vəhhabi dastəon vəhşətnokə əməlon de peyğombər(s) –i kardə tevsiyyəon dəyğə şikilədə mığoyisəkənən.ımi həm zikr kardey lozıme ki,mısılmonə alim və nəzə soybon nəzəku,insonon muslə kardey ısət çı canqi meydonədə bıbu ya coqlə vırədə.fərğ kardedəni har qıləy vırədə həm bıbu,hərom və ğədəğəne.....
