Ilahi Rəhbəron-36

Ilahi Rəhbəron-36

Fəzilətin iyən barzə ulquon vıjniyedə,insoni zumand iyən zəyifə noxtəon bə miyon omeydə və hədəfinə insonon cəhd kardedən ta deştə vıjniyə ulquku ilhom sıey deştə zumand iyən zəyifə noxtəon muşkili həll kardey koy məşğul bıbu və səy kardedə ki,çanədə vey bəştə ulqu və nımunə vey nez bıbon,anədə vey çoke.jıqo insonon de ziyodə norohətçəti cəhd kardedə ıştə ın inhirof,fırsieyon iyən iştimoyi şəkkon vəy bıqəto ta çı tərəğği iyən kəmoli sırdiku bəpe bışo.əmmo əkəson ki,mənfiyə ulquon vıjniyedən və qıləy səhfə roy qəteydən, hiç qıləy fik və təfəkkur nıkardə holədə və kurkuronə şikilədə hərəkət kardedən və nəhoyətədə bə suğut iyən beəxloğəti səmt şıkırney be və ıştə vəomə xərob kardedə. Yolə Xıdo bo insoni deştə kam və məhdudə elmi bə inhirofi səmt nışey və bəştə rədəvardə həvaye-həvəsi tori iyən bə şəytoni vəsvəsəon nıeqınero,bə bəşəri ehtiyocon har tərəfinə dığğət kardə holədə bo əy həmməysə vey çokə və vey komilə qıləş bo insoni camiyə təğdımış kardə və vığandəşe…. Iminə ulqu həzrəte İbreyme(ə) ki,tohid iyən vohidə Xıdo pərəstəti pərçəmış bə dastış qətəbe ki,Kərimə-Ğıron bın barədə hamyedə:”həyğətən,bo şımə İbreym(ə) və deəy bıə kəson (deəy həm fik) bin,qıləy çokə ulqu və nımunəy.(Mumtəhinə mıborəkə surə-4). De ın tərtibi ləyoğətine ki,har qıləy rostəvıjə mısılmon və har qıləy dərəsə ağılmandə inson ki,hərəbaxtəti tələb kardedə,qırd zəminəonədə islomi-peyğombəri(s) bənə qıləy həmməysə ali iyən komilə ulqu bəy pemandey bıbu və çı inhirofə roonku ozod bıeyro çı islomi əzizə peyğombəri jimoni səpki boştə jimoniro nımunə və ulqu bıvıjno.joqo ki,ın ko islomi zumandəti iyən vəhdəti və çəvon siratəl mustəğimədə mandey təzmin kardedə… Yolə Xıdo bəy təkid kardə coqləyni barzə ulqu,Xıdo-Rəsule(s) ki,həzrəte İbreym(ə) roy dəvom doydə və ım ko ım həyğəti bəyon kardedə ki,həmmə ilahi peyğombəron qıləy mıştərəkə niyyət və hədəfonışon bıə. Kərimə-Ğıron islomi-peyğombər(s)-I həxədə jıləvoni sıxan kardedə:”yəğınən Xıdo-Rəsul(s) boşımə qıləy çok və bə xoş omə ulquye və məxsusən bo əkəsi ki,bə Xıdo iyən oxonə ruji umuş heste və Xıdo ziyod zikr kardedən”.(Əhzab-21). İ dastə Ilahi dərqoyədə bə islomi-peyğombəri(s) barzə və bılındə məğami dığğət kardə holədə,çın sıvoliku bəhs kardedə ki,aya bo insoni qıləy imkon mevcude ki,peyğombər(s)-I boştə ulqu ğərol bıdo və bəy tabe bıbu?... Beşək ehanə qıləy imkon mevcud bıə nıəbe,hikməti soyb iyən alimə Xıdo çı dindor iyən bə ğıyoməti ruji bovə bıə kəsonku tələb nıəkəy ki,Xıdo-Rəsuli(s) boştə ulqu və nımunə bıvıjnon və bəy pemandon.ın nəzə təsdığədə peyğombər(s)-iku qıləy rəvoyət nəğl bıə ki,bə həzrəti məhəbbət nışon doey iddioədə bıə kəsonku tələb kardedə ki,fəğət de dustəti ibroz kardey kifoyət nıkon və əmələdə həm bəçəy əmron pemandon. “ İkəs çəmə eşğ iyən məhəbbəti iddio hesteşe,əmmo bəçəmə sıxan iyən şivə əməl kardedəni,çəməku ni və çəmə həm deəy hiç qıləy rabitəmon ni.aya ımon Ğıronədə ilahi kəlomışon məsəni ki,Xıdo bə peyğombəri fərmon doydə:vuji əgər Xıdo mahbub bıeyon piyedə,çən bəmı pemandənən ta Xıdo şıməni bıpyo”. (bə Deyləmi İraşdul-Ğulubi nəğli əsos)…. Muhimmə nuktə ıme ki,islomi-peyğombəri(s) usvə və ulqu bıeyədə dığğət kardəninə çi ıme ki,Yolə Xıdo Xıdo-Rəsuli(s) qırd zəminədə hiç qıləy kam-ziyod nıbə holədə bo insonon usvə və nımunə təğdım kardedə.ə həzrət vohidə Xıdo pərəstəti təmom məzhər be.çə həzrəti qırd fərdi iyən iştimoyi əməlon Xıdo ranq və bu doə qıləy əməlone.peyğombər(s) ıştəni Xıdo bandə və əbd zıneydəbe və fəğət çı Xıdovəndi dərqoyədə sə təzim kardedəbe və co qırd du ioyən pesoxtə bıə məbudon pərəstışi nəfy iyən inkor kardedəbe.ım ilhom baxş kardə cilvəon Xıdo-Rəsul(s)-I bəşəvnəy arifonə iyən aşığonə nımojonədə mışohidə kardey bəbe.ə həzrət jıqo şəvi nimədə de Xıdo razo-niyozi ko məşğul beydəbe və ıştə çəşi arsi ru kardeydəbe və nolə jeydəbe ki,bo cokəson ım mələkuti iyən osmoniyə fəzo təsəvvır bıənin ni. Kərim-Ğıron çın həyğəton jıqo tərsim kardedə və hamyedə:”bıvot:həyğətən,çımı nımoj,çımı ibodət,çımı jimon iyən maq fəğət bo aləmon pərvərdıqor bıə Xıdovəndiye”.(Ənami mıborəkə surə-162-ə şərifə ayə)…