Ilahi Rəhbəron-38
Ilahi Rəhbəron-38
İslomi ali-ğədrə peyğombər(s) hərbi ərəsədə həm qıləy zumand iyən mudrikə mudir be.ə həzrət de dığğəti çı deşmıni mevğıyyəti təhğığ kardedəbe və de ğıvvə ezom kardey iyən vığandey,əvon de deşmınon ğıvvəku məlumoton cəm kardey koy məşğul beydəbin.cihod iyən mıborizə meydononədə həm de bə Xıdo təvəkkul kardey iyən de şucoəti və hiç qıləy qədə vohimə və tars nıbə holədə canq kardedəbe.joqo ki,Əli(ə) hamyedə:”əmə havaxti ki,canqədə xətər və təhlukə hiss kardedə bimon,bəvədə bə Xıdo-Rəsuli(s) pənoh bardedəbimon və dəviteydəbimon.Xıdo-Rəsul(s) vistı haft qılə ğəzvədə yəni bə yolə canqonədə ki,çı Ğureyşi yol və əyon-əşrafon bə mısılmınon təhmilış kardəbe,ə həzrət şəxsən iyən sərostə formədə çə canqon komandirəti bəştə ehdə peqətedəbe və de ilahi niyyət və həvəsi iyən de bə əxloği iyən humanistə usul və prinsipon rioyət kardə holədə bə canq iyən mıborizə dəvom doydəbe....
Həzrəte Fatiməye-Zəhro(s) qıləy xıyzoni mərkəzədə perəse ki,çəy barzə ğullədə ilahi hidoyəti nuroniyə həşi yəni islomi əzizə peyğombər(s) dəvəşeydə.Xıdovəndi qırd ərsə və əsrədə bo bəşəri camiyə ulqu bıə və qırd əxloği fəziləton ıştədə ehtivo kardə qıləy pıəku əvış bə dınyo varde və ə həzrəti həm bo həzrəte Zəhro(s)-I tərbiyə iyən perəsey koyədə qıləy təsirin iyən təyinəkə rolış ifo kardə.çə həzrəti əzizə mo,çı islomi əzizə peyğombəri(s) jimoni həmro həzrəte Xədicə(s) be.həmonə yolə banu çı Ğureyşi qıləy əsil və şərofətinə aylədə bə dınyo çəşış oj kardəbe və tərbiyəş vindəbe.qıləy xıyzon ki,çəy əhl həmmə alim, fədokor və ğoymə usulon rioyət kardə şəxson və bə tohidi dini bovə kardə kəson bin.həzrəte Xədicə(s) ə cumlə çə kəsonku be ki,de Yəməni podşo Həcərul-Əsvədi çı Məscidul-Həramiku bə Yəməni bardey koy mıxolifətış karde və çəy ğərolon mığobilədə de ğətiyyəti mande və əvış çın ğəroliku oqəteşe və ın ko boyis be ta həmonə mığəddəsə sığ hiç qıləy əvəz nıbə holədə ıştə məğamədə mande…..
Həzrəte Xədicə(s) cədd,Əsəd bin ƏbdulĞəri çı “Alicənobon Mığovilə”(Həlful-Fuzul) məşhurə uzvonku qıləyni be.ım mığovilə çı ədolət tələb kardə iyən yolə şəxsiyyəti soyb bıə idastə merdon peymon be ta bə sıtəm vində məzlumon koməkkon.Xıdo-Rəsul(s) həm bə qrupi anqıl qıniye ta çəvon kənoyədə de zılmkoron mıborizə bardedəbe ta çı məzlumon həxon çəvonku bıstəno.Həzrəte Xədicə(s) amuyəzo Vərəğə ibn Nofəl həm qıləy alim iyən ağılmandə şəxsonku be ki,Peyğombər(s)-I besəti bədiqə Məscidul-Həramədə bə ə həzrəti huzur şərəfyob be,rəse və çə həzrətiku tələbış karde ki,bəy çı firiştə və mələkon nozil bıə zəmonədə ıştə mışohidə kardə çiyon,boəy bəyonko.Peyğombər(s)-I çı vəhyi mələk Cəbrəyili omey iyən çəy risoləti rosney cərəyoni bəyon kardey bədiqə,Vərəğə ibzorış karde ki,bə Xıdo ğəssəm tı pəyğombəriş və həmonə mələk ki,bə Mosə(ə) və İsa(ə)-I nozil bıə,bətı həm nozil bıə.aqah bıbi ki,tıni təkzib iyən əziyyət bəkardeyn.tı ıştə vətəniku bekardey bəbeyş və əvon detı canq bəkardeyn.ehanə az həmonə rujonədə bəyji bıbum,bə Xıdo dini komək bəkardem.peşo əy çı həzrəti peyğombəri(s) mıborəkə səş maçə karde və de ə həzrəti Xıdohafizış karde…
Binobərin,Xıdo-Rəsul(s) de qıləy banu və xanımi izdivacış karde ki,qıləy əsil iyən əxloği fəzilətin soyb bıə xıyzonədə perəsəbe və ıştənış de insoni barzə xısləton dərostəşbe.de həzrəte Xədicə(s) haruj ziyod bıə barzə xısləton ,çı həzrəte peyğombər(s)-I bə ım banu bıə eşğ iyən məhəbbət rujbəruj ziyod beydəbe. islomi rəvoyətonədə çın buzurquvar iyən yolə xanımi barzə keyfiyyəton həxədə omə ki,”Cəbrəyil har zəmon bə peyğombəri nozil beydəbe,ərz kardedəbe:Xıdo səlomi bə Xədicə bıroson…”.
