İlahi əsma

İlahi əsma

Fəttah ojəkə iyən ojəti mənoədəy.çın şərifə ismi “Fəth” kəlməku və maneyəon və muşkilaton dəf iyən bərtərəf kardey mənoədəy har qıləy maddi iyən mənəviyə ko bə sıvi dəmandə iyən qıləy maneyə bəçəy və beşeyədə,çəy fəth iyən ojbemon deçəy dastiye.ehanə qıləy məsələdə problem bəvə ome və çəy həlli roy bə hiçkəsi ağl iyən ğudrəti nırəso,de ğəmo-ğussə pur bıə dıli bə qıləy giriftorəti dıço beydə.çəy oj kardə kəs Fəttahe ki,əy bə hostonəti təbdil kardedə.bənə bə qıləy fəğır iyən ehtiyocinə şəxsi dəmandə vaxti maliyyə komək kardey bədiqə çəy ğəmo-ğussə və ya qıləy elmi məsələdə həlli roy pəydu kardey iyən çı elm iyən imoni bəon oj kardey...

Har qıləy çiy ki,çəy bədiqə ko bino beydə və hevujəti pəydu kardedə,bəy fatihə votey beydə.Həmdi surə  Kərimə-Ğıroni sıftədə vağe bıə və bə həmonə dəlili xoto,bəy fatihətul-kitab votedən.de kilid iyən de qıləy çi ki,qıləy çi oj kardey beydə,bəy miftah votedən.həmçinin Fəth çı dıqlə merdi miyono hakiməti kardey və həmonə mınoğişə və deşmınəti həll kardey mənoədəy.Xıdovənde-Xalığ Səba mıborəkə surə 26-ə şərifə ayədə de Fəttahi nomi ıştəni tarif  kardedə və hamyedə:”ğul....vuji:çəmə pərvərdıqor,əmə iyən şıməni (ğıyoməti ruji)qırdə bəkarde,peşo çəmə deşmə miyono həxədə mıhokimə bəkarde və əve hakim, əzın”....

Bın ayədə Xıdovənde-Aləm ğıyoməti ruji bənə qıləy hakimi elon kardedə ki,çı milləti miyono hakiməti bəkarde.həyğətədə fəttah milləti miyono hakiməti iyən mıhokimə kardey mənoədəy ki,çı insonon miyono hevujəti icodış kardə və çəvon miyono muşkilat və ixtilofon anqılış oj kardə və həx iyən ədolətış çəvon miyono bərpoş kardə.Ərafi mıborəkə surə 189-ə şərifə ayədə Şueybe-Nəbiyy(ə) Xıdovəndiku tələb kardedə ki,çəy deçəy ğovmi miyono həxədə mıhokiməko və çın hakiməti məğsəd milləti bə Xıdovəndi pokə zoti dığğət doeye.həyğətədə  Şueyb(ə)-i ğovm əvışon təhdid karde ki,ehanə bəçəvon dini səmt nıoqardo,əy çəy şəhriku xaric bəkardeyn.Şueyb(ə) əvoni çəvon ayiniku oqordıneyku məyus bıey bədiqə bə Xıdo ərzış karde:”rəbbəna ....Xıdolim ha!tı çımı de umməti miyono veyçokə hakimətikə və tı həmməysə çokə hakimiş!”....

Xıdovənd hakim iyən əzınə ğaziye ki,deştə xəzinəon və kərəmi bəştə fəzl iyən ədoləti əsos ıştə bandəon koon anqıli oj kardedə.Fatiri mıborəkə surə dıminə şərifə ayədə omə:”ma yəftəhullahu...qıləy bə ki, Xıdovənd ıştə rəhmətiku bə milləti dimi oj kardedə hiçkəs əy bastey əzıni iyən ə bə ki,Xıdovənd əy bıbasto hiçkəs əy oj kardey nibəzıne və əve mislış nıbə hikməti soyb iyən zumandə Xıdovənd”.binobərin ikəs aləmədə bə Xıdovəndi bəştə bandəon doə neməton mane bıey nibəzıne və əgər Xıdo bıpiyişe ikəsi qıləy nemətiku məhrumko,ikəs ni ki,Xıdo əvəzi həmonə neməti bə bandəon bıdo.yəni bo ilahi xəzinəon bəon oj kardero və çə nemətonku bəhrə bardey bə Xıdo fəttah nomi ehtiyociş heste