Rəhbəriyyəti nəzə

Rəhbəriyyəti nəzə

İron İslom İnğılobi Yolə Rəhbər həzrət ayətullah Xameneyi muhimmə vindemononku qıləyni de ğanun noə ğıvvə yəni de İslomi Şurə Məclisi nımoyəndəon vindemon be.İslomi Şurə Məclisi kişvərədə ğanun noə əsliyə orqane və çəy nımoyəndəon ironi milləti vıjniyə deputatonin.əvon ixtixobati bəpeştə ço sori mıddətədə kişvərədə ğanun noey vəzifə və məsuliyyəti bəştə ehdə peqəteydən. Həzrət ayətullah Xameneyi de milləti vıjniyə deputaton bın erjinə vindemonədə ki,de videokonfransi vositə be,bə dığğət kardəninə çandə qılə nuktəon işorə kardey be.ə həzrət de qıləy məxsusə tərifi ın məclisış “çı milləti umu iyən intizori məclisış” hisob karde və de motivasiyə, imon,zumand iyən təhsul vində və səmərəninə cıvonon çı inğılobi mudir iyən kanə veteranonku iborət qıləy vey çok və umubaxş kardə məclisış hisob karde.ə həzrəti hamyeşe:”xoşbaxtanə təşkil bıə ım məclis çı İnğılobi devroni həmməysə zumand iyən vei inğılobi məclisonku qıləyniye.....

İnğılobi Yolə Rəhbəri nəzəku Məclisi nımoyəndəon bo kişvəri de mınosib iyən foydəninə ğanunon noey  bənə qıləy  osonəro noəkəson rolışon heste ki,roy bo kişvəri icraiyyə ğıvvon həmo kardedə.səhihə osonəro noey qıləy səmərənin iyən çəy vırədə bıə ğanun noey mənoədəy ki, de devləti səhihə royədə hərəkət kardey milləti muşkilaton həll kardedə və bəçəy xotoye ki,ğanun noə ğıvvə rol vey əhəmiyyət kəsb kardedə.ayətullah Xameneyi bə nımoyəndəon kişvərədə bıə muhimmə ğabiliyyəton  dığğət kardə holədə çəvonku tələbış karde ki,ğanun noey koyədəbə bə kişvəri imkonaton həm dığğətkon.ə həzrəti çı kişvəri insoni,maddi iyən mənəvi potensiyalonış ğudrəti koyədə bə seqlə muhimmə baxşi təğsımış karde və jıqo hisob kardedən ki,ım imkonaton çı kişvəri sutunonış zumand kardə və de qırd saxtə sanksiyaon, məişəti muşkilaton,milli valyuta erjiku bə kam bıey və co məsələon ijən İslomi İronış səpoysə iyən zumandış oqətəşe.

Həzrət ayətullah Xameneyi çı kişvəri muhimmə imkonaton həxədə jıqo hamyedə:”bə həmonə zərfiyyət və imkonaton xoto,deşmınon bə vucud vardə ixtisodi zəminədə vey şiddətinə sanksiyaon iyən hartərəfinə təzyiğon rəğmən,əmmo ijən bın şərayitədə çandə həzo bə elmi əsos bıə şirkətonış bə vucudış vardə və çandə sa qılə infrastrukturinə planon icod kardey və həmonə bın sanksiya devronədə və de nati ğeyməti kam bıey bənə farsi dıyo astovə emol zəvodi icod kardey qıləy dıjdə hərəkətışon bə vırə rosnə.qırd ım yolə koon və enerji,ov iyən co sahəonədə bıə koon əncom doey bıə.ımon həyğətin.ımon mevcudin.koon bə vırə rosney beydə.hərbi sənaye sahədə həm heyrətamziə koon bə vırə rosney bıə. kosmosi baxşədə həm jıləvoniye.çəmə deşmınon.çəmə mıxolifon həmonə kəsonin ki,qırd ım sanksiyaon bəmə məcburışon kardə və əvon umudəvo bin ki,İroni bə ın sanksiyaon xoto bə zonu bənıştovneyn.ısət əvon ıştən iğror iyən etırof kardedən ki,əvon mıvəffəğ bıənin iyən çəmə kişvər ısət bəsə ıştə poysə mandə.ım ko nışon doydə ki,çı kişvəri əsos iyən fundament vey zumande.