Ilahi Rəhbəron-55

Ilahi Rəhbəron-55

Besətiku se sor bədiqə Xıdo-Rəsul(s) de ilahi fərmoni tohidi dəvət iyən osmoniyə risolətış oşko karde və həmmə kəsonış bə islomi dini səmt iyən boəy ğəbul kardero dəvətış karde.çın ləzəku Ğureyşi əyon-əşraf iyən şırk və kufri yolon bə peyğombəri(s) təzyiğ və təhdidon şiddətin be. Əli(ə) qırd bın saxtə ləzəonədə hejo de peyğombəri(s) bə ico be  ta yinki,Xıdo-Rəsul(s) de ilahi vəhyi roy vositə aqahətiş pəydu karde ki,çəy saxtə deşmınon qıləy şurədə bə ğərol omin ki,ə həzrəti bə ğətl bırosnon və bə həmonə dəlili xoto,de ilahi fərmoni peyğombəri(s) bəşəvnəy Məkkəku bə Mədinə hicrətış karde ta de deşmınon məkrinə planon və hiyləon vəy qətey bə ico,bəştə risoləti dəvom bıdo və çı islomi pevolo bıey zəminə hozzıko……

Xıdo-Rəsul(s) ıştə hərəkəti bənav həmməysə təhlukənin iyən eyni holədə vey həssosə məmuriyyət və koyış bə Əli(ə)  aspardeşe ki,bə zəmon ə həzrət qıləy  cıvonə zoə be. peyğombəri(s) çəyku  tələbış karde ki,çə həzrəti kəyədə bımando və çəy istirohət kardə vırədə bıhıto.Əli(ə)  ki,jıqo qıləy an və ləzə intizorədə be ta ıştə fədokorəti isbotko və bə peyğombəri(s) əmri itoətko,pemoando və icroko.Əli(ə) deməkə ki,zıneydəbe deşmınonku idastə bə peyğombəri(s) kə həmlə bəkardeyn,de qıləy xatırcəməti və hiç qıləy qədə tarsış nıbə holədə de tosə həşi pemey Xıdo-Rəsuli(s) vırədə mande.bın zəmon Xıdo-Rəsuli(s) deşmınon bə ə həzrəti kəşon hucum bardeşone və Əli(ə) de qıləy fevğaladə surəti ıştə vırəku bəsə poysə əhışte və de tijə şımşi bə peyğombəri(s) vırə səmt hərəkət kardə Xalidi səmt vite və şımşiş çəy dasto seyşe.çın deşmınə dastə gic bin mandin və voteşone:çəmə detı komon ni,ıştı dust Məhəmməd kıve? Əli(ə) cəvobış doe:mı çəyku xəbəm ni.əvon çı heyrəti dılədə bin ki,çokonə çəvon bə peyğombər(s) ələyh bıə məkrinə plan iyən hiyləon be nəticə mande iyən bə hədər şe.çən,əvon məğlub iyən məyus bıə holədə peyğombər(s) kəyku xaric bin.Yolə Xıdo həm Əli(ə) fəodokorəti iyən bo peyğombəri(s) coni əmonədə oqəteyro çə həzrəti vırədə hıtey və ıştə coni bə təhlukə eğandey tevsif iyən vəsfədə qıləy ayəş nozil karde.joqo ki,HAMYEDƏ:”millətiku kali qıləyni de Xıdo muamilə kardedə və ıştə coni boçəy rizoyəti xoto bə xətər eğandedə və Xıdo bəştə bandəon (nisbətədə) mehribone”.(Bəğər-207)….

Həzrət Əli(ə)-I ım fədokorə əməl ki,de”leylətul-Məbit” nomi məşhure və İslomi dınyo alimonku veyni bın koyədə Əli(ə)-şon təmcid iyən tarifışon kardə və çı həzrət Əli(ə) yolə fəzilətonku bə hisob omə ım yolə ğəhrəmonətişon ğeydışon kardə və təfsir iyən rorıxi mənbəonədə har qıləy zəmon çın hodisəku sıxanışon votə və zikr bıə ayə nozil bıeyışon çın hodisə barədə ğətişon hisob kardə.həzrəte Əli(ə) ıştən həm  bo ın fədokoronə əməli bə cokəson nomi ğeyd nıkardero və harcurnə təhifi vəy qəteyro,de qıləy şeri handey vositə hamyəşe:”mı deştə coni zəmini dimisə nəvə  həmməysə vey çokə insoni  və həmməysə çokə şəxs ki,Xıdo Kə iyən İsmayli Həcərış(sığ) təvofış kardə,çı xətəriku hifzım karde,oqətıme.çəy şərifə nom Muhəmməde(s).az bə xətərnokə hərəkəti bə zəmon dastım jeme ki,kofiron boçəy ğətliro qıləy planışon kəşəbe.bın zəmon Yolə Xıdo əvış çı məkr iyən hiyləku hifzış karde və mı çəy yonquyədə şəvım bə sıbhi rosneme və çı deşmıni intizorədə bo maq iyən əsorəti hozzı mandə bim”…….