Ğıbonə İd mıborək

Ğıbonə İd mıborək

Ğıbonə id de İbreym(ə) iyən İsmoyl(ə) xotırə sənibəton bə yod dənoey,ilahi əmron mığobilədə təsliməti simvoli bəyji kardeye.Ğıbonə idi sınnət və adət həzrəte İbreym(ə)-I kardə əməli zikr kardeye ki,bo ilahi ğurbi pəydu kardero çı təslim iyən rızoyəti pik həddədə ıştə həmməysə vey azizə kəsış bo zibh kardero bı ğıbonqahış barde.

Bənə Fıtrə idi,Məbəs,Ğədir iyən Ğıbonə idon bıə İslomi idon qıləy muhimmə hodisə bəyji kardə holədə,həmçinin təsirin,startejik iyən dərsamizə nuktəonış heste ta çəyku ibrət peqətey bıbu.İd istilohən və termonoloji cəhəto qıləy ruji mənoədəy ki,osmoniyə neməton bə muminon sə rubeydə və nozil beydə.əve bın cəhəto Ğıbonə idi insoni bə ilahi təğərrubi məğami oqardemoni mənoədəy.ın məğam de nəfsani tələbon mıborizə bardey sayədə və çı təhzib iyən ıştəni pok kardey şua jiyədə və çı çokə fırsətonku bəhrə bardey bə dast vardey beydə.Xıdo Kə zayiron ki,bə ziyodə əziyyəton tov vardey iyən dınyəvi dərostə bıə çiyonku pərhiz kardey əy bə oxonə mənzıli rosneydə və həmçinin ə milləton ki,ın rujon ilahi məxsusə rujon hisob kardedən və Ğıbonə İdi id kardedən.bın ruji mısılmınon torıxi dıqlə vohidə Xıdo pərəstə yolə merd yəni de İbreym(ə) iyən İsmoyl(ə) xotırə iyən çəvon ğəhrəmonətiyon sənibəton bə yod dənoey ijən sənibəton ıştə əndişə və təfəkkurədə bəyji kardedə və ıştə bovəon de xudxahəti iyən məniyyəton canq kardey vığandedə ta əsliyə canqədə yəni deştə həvaye-nəfsi ki,bəy cihode-əkbər yəni yolə cihod votedən,meydonədə səbarz və ğalib bıbu…..

 Ğıbonə id de de İbreym(ə) iyən İsmoyl(ə) xotırə sənibəton bəyji kardey,ilahi fərmonon vədə çı təslim iyən tabe bıey simvoli bəyji kardeye və qıləy həyğəti dumo bıə mumin əy bə nımoyiş noydə və bəy omuteydə ki,qıləy rostəvıjə mısılmon nəyinki,bəpe deştə zıvon iyən votemoni Xıdo vəhdaniyyəti və ıştə peyğombəri nıbuvvəti təsdığ kardedə,bəlkəm bəpe deştə qırd vucudi bə həx iyən həyğəti  təslim beydə.həzrəte Əli(ə) ki,tərığəti roy yolə rahnuma və roy nışon doə kəse, Ğıbonə rujon qıləyniyədə dınyoku bezo bıei iyən deəy ıştə rabitəon bırniye barədə hamyedə: ”aqah bıbənən joqo ki,dınyo bə oxo rəse iyən ıştə vidoş elon kardə.çokə çiyonış noməlum mande,de surəti peştış karde,dəbəvarde.çəy sakinon bə məhfəti səmt şıkırneydə və çəy hamsuyəon bə maqi tərəf tojneydən.ha Xıdo bandəon ha!qıləy məkoniku kuçkənən ki,çəy oxo mıhfətiye.məbodə şımə oruzon bəşmə ğələbə pəyduko.(jıqo fik kardedon ki,şımə dırozə umron bəbe)”.

Ğıbonə id bə Xıdovəndi dərqo təğərrub iyən nezəti mənoədəy və ın məno çı dınyəvi norəvoə rabitəonku ıştə dıli bırniyeye.ım yolə idi bə mehribonə Xıdo aşığon ijən təbrik votedəmon…..

Ğıbonə idi ruji bə ilahi təğərrıb iyən nezəti pəydu kardey mənoədəy ki,de qıləy heyvoni zibh kardey nımoyiş doey beydə.boçi ki,ım sınnət və adət həzrəte İbreym(ə)-I əməli yadiqare ki,bo ilahi ğurb və nezəti pəydu kardero çı təslim iyən rızoyəti pik həddədə ıştə həmməysə azizə şəxsi bə ğıbonqo bardedə.Xıdovənd həm de bandəçəti iyən təslimi vindey,bə həzrəte İbreym(ə)-I səmt bo zibhiro qıləy pəsış vığande.