Ilahi Rəhbəron-56

Ilahi Rəhbəron-56

Bın barədə qıləy məşhurə hədis mevcude ki,sınni iyən şiyə alimon veyni ımışon nəğl kardə. həmonə torıxi şəvədə Xıdovəndi bə Cəbrəyil iyən Mikayili xitobış karde və hamyeşe:”mı şıməm de iyande bıvəm ğərol doe və şımə iqləyni umrım bəsə coqləynisə dırozım karde.ısət şıməku kom qıləyni umri bəsə coqləynisə vey dırozkəm və kom qıləyni maqi rə ğəbul kardedə iyən ki ıştə jimoni bə coqləyni fido bəkarde?.çəvonku hiç qıləyni rə mardeyışon ğəbulışon nıkarde. Xıdovəndi bəvon hamyeşe ki,bəsə zəmini dimisə etatən və bişən bıvindənən ki,Əli(ə) çokonə maqış hıriye və ıştənış bə peyğombər(s)-I fədoş karde.əvon bəsə zəmini dimisə etatin və Əli(ə)-I yonqu kəmo omin və əvışon çı deşmınonku hifzışon karde,oqəte və Mikayil çə həzrəti po kəno mande və Cəbrəyil çəy sə kəno mande və bə Əli(ə)-I xitob kardə holədə voteşe:”afərin bıbu bətı, kom kəs bənə tıye,ha çı Əbu-Tolıbi zoə ha!Xıdovənd deştı vucudi çı firiştəon miyono fəxr kardedə”….

Mumkine ım sıvol kali zehnonku dəvardo ki,çıro peyğombər(s) Əliş(ə) deştə bə ico nıbardeşe və ə həzrət Məkkədə mande?çımi cəvobədə bəpe votey bıbu ki,Məkkə coyil iyən kin-kudurətinə mışrikon ə həzrəti bə ğətl rosney fikədə bin.ə həzrət boçəvon ım hiyləyon vəy qəteyro bəpe qıləy ağılmandə hərəkət kardənin be və bəpe ıştə lınqi rizi baği nıhaşto ta ıştə plani bə vırə rosney bızıno və deşmıni nokom bıhaşto.bə həmonə dəlili xoto,ə həzrət bəşəvnəy hərəkətış karde ta deşmın çı Xıdo-Rəsuli(s) bəşəvnəy hicrəti proqnoz kardey nızıno.çımisə əlovə islomi azizə peyğombər(s) dılış hestebe bə mısılmınon məxsusən bəştə əshobi əmələn nışonış doe ikəs ki, hozzıye ta ıştə coni qırd ləzə və anonədə və həmmə etat-petatonədə çı peyğombər(s)-I kənoyədə mandə,əv fəğət Əmirəl-Muminin Əliye(ə).həmçinin nəğl bıə ki,çı peyğombəri(s) palu bıə qırd əmonəton bəçəy soybon oqordıneyro və Rəsule-Əkrəm(s) bə cokəson Əli(ə) bəsə cokəsonsə vey xatırcəmə şəxs bıey nışon doeyro,ə həzrətış vıjniye ta Məkkədə bımando və ım vəzifə bə vırə bırosno.

Binobərin hiç qıləy şək və tərdidi vırə ni ki,Əli(ə)-I Məkkədə mandey və çı Xıdo-Rəsuli(s) yonquyədə hıtey,qıləy ağılmand iyən bə plani əsos hərəkət be və çı İslomi əziz-qramiyə peyğombər(s) roli icroyədə və çə həzrəti bə Mədinə şəhir hicrəti koyədə qıləy əsosə rolış hestebe.qıləy hicrət ki,islomi torıxədə qıləy tale həlləkə rolış bıə və de Əli(ə) təklifi dıminə xəlifə zəmonədə çı islomi dınyo məbdə və torıx elon be…..

Peyğombər(s) ki,çı deşmıni bo ə həzrəti bə ğətl rosnero bıə planiku xəbədo be və zıneydəbe ki,əvon çəy ratədən və bəçəvon hərəkəton nəzorət kardedəbe,noçor mande ki,ıştə nezə odəmonku idastə min cumlə Fatmeyi-Zəhro(ə) Məkkədə bıhaşto və ə həzrət ıştən bə Mədinə hicrətko.həlbəttə,ıştə hicrəti kəno bə Əli(ə) qıləy məxsusə məmuriyyət ış asparde və çəyku tələbış karde ki,çəy palu bıə əmonəton bəçəy soybon oqordıno və deçəy nezə odəmon bə ico bə Mədinə boon və bə Xıdo-Rəsuli(s) mulhəğ bıbon.bə həmonə əmri əsos,Əli(ə) de Peyğombəri(s) əhli-beytiku idastə həzrəte Zəhro(s) və çə həzrəti moə Fatmə binti Əsəd çəvon cəmədə be,de idastə de tos ısət hicrət kardey nızınə co mısılmınon bə ico,şəvi nimədə bə Mədinə səmt hərəkətışon karde….