Sıə Irfon-3
Sıə Irfon-3
Sıə Irfon-3
Islomi fərhənqədə niyyət çı insoni ibodi əməlon erj iyən ğeyməti təyin kardedə.həyğətədə,çı əməli məğz iyən ruf,əy bə vırə rosney niyyəte və ım çı Subhonə-Xıdo sınnət və adəte ki,ehanə çəy bandə qıləy xeyə əməli əncom doey ğəsd və niyyətış bıbu iyən xolisonə və de iştiyoği,həmonə çokə ko tələbko,həmonə salehə əməli səvob çəy əməli pərvəndə və dosyeədə ğeyd kardey bəbe və axırətədə çı səvabiku bəhrə bəbardeyn,harçənd əy bə vırə rosney həm nızıno.ım mətləb Subhonə-Xıdo bəştə bandəon kardə vey yolə luitfi nışon doydə.bəçəy xotoye ki,rəvoyətədə omə:”ikəs ki,sadiğonə Xıdoku şəhodət tələbko,Xıdovənd əy bə şuhəda iyən şəhidon məğami bərosne,harçənd ıştə yonquyədə həm bımardo”....
De ın tərtibi co fərdon ğərəz Xıdo royədə kışteysə əlovə həm çı şəhidon hukmədəy və deəvon şərike. demiyən bə ın nuktə dığğət kardey zəruriye ki,Xıdo royədə cihod kardey,bə Əmirəl-Muminin Əli(ə)-i hamye əsos:”cihod çı vəhışti bəonku qıləy bəy ki,Xıdovəndi əvış boştə məxsusə duston ojış kardə”. Əmirəl-Muminin Əli(ə)-iku hamyə kəlomiku ım bə dast omeydə ki,hakəsi ləyoğətış nıbu,cihodi bə boəy oj bıbu,yəni har qıləy fərd bo mıcohid bıeyro ləyoğətış ni və Xıdovənd ım bə fəğət bəştə xass və məxsusə duston dimi oj kardedə....
Xıdovənde-Xalığ Nisa mıborkə surə 69-ə şərifə ayədə Şuhəda de ənbiya,sıddiğon iyən salehon iqlə cərqədə zikr kardedə və əvoni həmməysə çokə rəfiğ,dust iyən həmdəm elon kardedə və çəvon həmdəməti şərti bə Xıdo iyən bəçəy Rəsuli(s) itoət və pemandey ğeyd kardedə və hamyedə:”və mən.....və ikəs ki,Xıdo iyən bəçəy peyğombəri pemando,(ğıyoməti ruji) de əkəson həmnişin bəbeyn ki, Xıdo ıştə nemətış bəvon təmom kardə. Peyğombəron, sıddiğon,şəhidon iyən salehon və əvon çokə rəfiğonin”.
İyo bə ın nuktə dığğət krdey zəruriye ki,Xıdo royədə canq iyən mıhoribədə bə şəhodət məğami rəsə şəhidon,çəvon unikal və fəğət bəvon xass bıə xıslətonışon heste.min cumlə ıme ki,deçəvon xuni iminə ğətrə rubey,çəy qırd qınoon baxşey bəbe,çəy bədəmi bə ğusl iyən kəfəni ehtiyociş ni.boəvon bəmey, çəvon hədəfi bəyji oqətey və çəvon roon dəvom doey,qıləy ğəhrəmonəti ofəyedə və həmən bə bəmə kəson qınon əvf iyən bəçəvon botıni səfoəti boyis bəbe.....
