Sıə Irfon-5

Sıə Irfon-5

Kulliyə formadə votey bəbe ki,Kərimə-Ğıronədə çandə qılə ayəon mevcude ki,bo şəhidon iyən şəhodəti məğami tevsif kardero zikr bıə və çandə qıləy məzmuniku iborəte:çəvon Xıdo dərqoyədə bə baxşə iyən rəhm bıə kəson zumrə daxil bıey,çəvon salehə əməlon çı məhf bıeyku oqətey,bə Xıdovəndi yolə əcr və mıkofoti rəsey,Xıdovəndi nəzdədə bə kəromət iyən hərəbaxtəti mənzilon səmt hidoyət pəydu kardey,çəy əməlon de Xıdovəndi tərəfiku məğfırət və qınon əvf kardey bə ico isloh kardey və əvəzi beşey və boçəy vəhıştədə vırə bə vırə kardeyro qıləy ləyoğəti ğəbul kardeye.

De qırd ım dərəcə və xısləton ki,Kərimə-Ğıronədə bo şəhidonro zikr bıə,oşkoə surətədə sabit beydə ki,şəhodət həmməysə yolə fel və hərəkəte ki,insoni bəçəy xılğəti əsosə hədəf və oxonə kəmoli səmt nez kardedə.yəni bə Xıdovəndi ğurb və dərqo nezəti……

Xıdo-Rəsul(s) şəhodtəi məğamış həmməysə barzə təbirış hisob kardə və hamyəşe:”har qıləy çokə koysə bəpe,coqlə çokə əməl heste tayin ki,həmonə şəxs Xıdo royədə kıştey bıbu və çoko ki,əv Xıdo royədə kıştey bıbu,həni çəysə bəpe qıləy çokə əməl mevcud ni”.Əyimmeyi-Əthar(ə)-iku ziyodə rəvoyəton mevcude ki,Xıdo royədə şəhodəti çı qıon əfv amil iyən ım maqi həmməysə barz və şərofətinə maq hisob kardedə.

Kali rəvoyətonədə heste ki,çoko ki,şəhidi xuni ğətrəon bəsə zəminsə rubeydə,əv Xıdovəndi palu həmməysə mahbubə çi zıney beydə.ehanə risoləti şəcərəye-təyyibə sirob kardə şəhidon xunon bıə nıəbe,nə çı islomiku qıləy xəbə əbi və nə İlahi tohid baxş kardə məktəbiku qıləy əsər-əlomət əmandi.Şəhidi mığəddəsə cihod və çəvon Xıdo royədə zəmini dimisə rubə pokə xun,bə insoni camiyə baği mandey və qıləy mığəddəsə erjon dəvomi boyis beydə ki,insoniyyət ,şərofət,ədolət iyən ozodi çəvon şua jiyədə con seydə və dəvom pəydu kardedə.bəçəy xotoye ki,həzrəte Əmirəl-Muminin Əli(ə) dıvo məğamədə Xıdovəndi dərqoyədə çı şəhuidon məğami tələb kardedə.boçi ki,İslomi dinədə şəhodət vey barzə səviyyədə qıləy məhbubiyyətış heste və Subhonə-Xıdo nəzdədə həmməysə çokə əməl bə hisob omeydə ki,ım muhimməti bo şəhodəti erj və ğeyməti isbot kardero kifoyət kardedə…..