Sıə Irfon-6

Sıə Irfon-6

İslomi dinədə şəhodəti barzə məğami və Xıdovəndi palu ım mahbubə əməli erjin zıney təhğığ kardero,bəpe bə şəhodəti fitri bıey işorə kardey bıbu.muhimmə fitriyə koonku qıləyni,bə hestemoni aləmi Xalıği bənə qıləy məbudi pərəstış iyən etığod kardey ehtiyoc baxş bıə.deşmınon həm hejo torıxi dırozi bə ım bovə və etığodon hucunışon bardə və ıştə xusumət iyən deşmınətiku dastışon kəşəni.bəşəriyyət həm bə ıştə baxtəvərəti iyən kəmoli bın bovəonədə zıney dəlili xoto, çı pojənəti kardə deşmınon mığobilədə bo ın həyğəton real kardero mandedən və mığovimət nışon doydən.binobərin şəhodət və şəhodət tələb kardey,min cumlə çı bəşəri fitri koonku qıləyniye və həyğətədə qıləy mıdofiyə vositəy ki,bəşər deçəy vositə ıştə erj və ğeyməton mıdofiyə kardedə.

Kərimə-Ğıron bo insonə həxon mıdofiyə kardero və bə qıləy həyğiyə jimoni rəseyro,bə muminon Xıdo iyən çəy rəsuli dəvəti ğəbul kardey barədə təzəkkur iyən nəsyət doydə və İnfali mıborəkə surə 24-ə şərifə ayədə hamyedə:”ya əyyuhəlləzinə….ha imon vardə kəson ha! Xıdo iyən çəy dəvəti icobətkənən.qıləy zəmon ki,şıməni bə qıləy çi səmt vanq jeydə ki,bəşmə həyot baxş kardedə və bızınən Xıdovənd çı inson iyən çəy ğəlbi miyono hayil beydə və şımə həmmə (ğıyomətədə) çəy nəzdədə qırdə kardey bəbiyon”.Xıdovənd bın ayədə cihod iyən ğıtol ki, muminon bəçəy səmt dəvət bıən,çəvon bəyjiəkəyon zıney bıə.ım bın mənoədəy ki,Xıdo royədə ğitol iyən cihod həmonə inonə həxon mıdofiyə kardey və nəhoyətədə çı insonon tohidi fitrəti pəydu kardey və çəvon bə həlokət,şırk iyən zəloləti eqıney vəy qəteyroye.