Rəhbəriyyəti nəzə

Rəhbəriyyəti nəzə

Təlim-tərbiyə ilahi ənbiya və peyğombəron əsliyə koonku bıə.qıləy komilə insoni hozzı kardey,aliyə tərbiyə sayədə bə həyğət rəseydə.ilahi peyğombəron həm bo ın cəhəto məbus bıə və bə peyğombərəti məğami vıjniyə bıən ta de ilahi təlimon bəşəriyyətışon de barzə maarif və təlimon oşnoşon kardə və çı hərəbaxtəti roonış bo bəşəri ğərolış doə.ə buzurquvaron de səbr,istiğamət,quzəşt,fədokorəti iyən de benəhoyətə məhəbbəti və de co çandə sa qılə əxloği fəziləton insoni vey ğəşənqə rəftoronışon bə təsvir kəşə ta çı komilə insoni əməli ulquon bə bəşəri nışon bıdo.

Həzrəte  Muhəmməd-Mustəfo(s) ıştən hamyedə:”bə peyğombərəti məbus bıəm ta həmməysə vey çokə xısləton iyən həmməysə vey ğəşənqə əxloğiyyati komilkom”.ÇƏ HƏZRƏTİ BƏPEŞTƏ HƏM Əli(ə),həzrəte Zəhro(s) və çəvon nəsliku bıə imomon(ə) ilahi hukmon  və dini maarifon və çokə əxloğiyyoton hevujışon karde ta çı inson perosneyku iborət bıə xılğəti hədəfi çı viro nıbekardo.....

Təlim iyən tərbiyə çı çı sıftəku bə ilahi dinon iyən məzhəbon dığğət kardey əsliyə məsələonku bıə.ısətnə dınyoədə ım muhimmə məsələ çı dini yolon,filosofn,iştimoyi iyən əxloği muslohon və insoni iyən humanitar elmon alimon dılonədə mevcude.bə xıyzon iyən mellimon roli dığğət kardey və çı təlim-tərbiyə təşkiloton dıjdə rolon həm yolə insonon bə ərsə rəseyədə məlumə məsələy.

İroni İslomi İnğılobi Yolə Rəhbər Həzrət Ayətullah Xameneyi  çın muhimmə onemonon funksiya çok kardey cəhətədə hejo əsos və muhimmə nuktəonış bə kişvəri təlim-tərbiyə mərkəzi yolon nışonış doə.

Ə həzrət ıştə de Təlim-Tərbiyə Vəzərotxonə vəzir,muavinon iyən co yolon de videokonfransi vositə bıə oxonə iclosədə bə İmom Huseyn(ə)  və Kərbəlo vağiyə şəhidon əzodorəti mərosimon de bə səhiyyəvi protokolon rioyət kardə holədə dəvordıneyış ıştə səmimi təşəkkuri rosney bədiqə,bə təlim-tərbiyə mərkəzi əsos iyən muhimmə vəzifəonış işorəş karde.....

İnğılobi Yolə Rəhbəri norohət kardə əsosə məsələonku qıləyni  ləyoğətinə insoni perosney məsələy ki, bəpe təlim-tərbiyə mərkəzi məsul şəxson bəy məxsusə dığğətkon.ə həzrət bın barədə jıqo hamyedə:” məsələn xomə maddə bıə şəş iyən haft sornə hırdən,bə qıləy karxonə daxil beydə və bın fabrikədə donzə sor bın tərəf bə tərəf doey beydə və bənə qıləy məjsuli çın karxonəku xaric bıbu.ə bə kəno bekardəninə çi kom çiku iborəte?qıləy ləyoğətinə inson.əmmo,mıxtəlifə məktəbon,mıxtəlifə təfəkkuron,mıxtəlifə kişvəron,mıxtəlifə camiyəonədə  ləyoğətinə inson mıxtəlife.həmmə kəs ləyoğətinə insonon  i formədə zıneydənin.boçəy xotoye ki,mıxtəlifə cəmyətonədə bıə təlim iyən perosney i formədə ni.əmə islomi Respublikədə həmonə hədəfi dumomon. əmə dılomon heste bın donzə sornə kompleksədə inson tərbiyə bıvindo və perəso”.

Həzrət ayətullah Xameneyi İroni nizom iyən fərhənqədə jıqo qıləy ləyoğətinə insoni xısləton bəyoni dəvomədə hamyeşone:”əmə piyedəmone bın dıjdə maşin iyən aparatiku beşə çiyon,bə islomi iyən insoni təfəkkuri əsos bıbu.yəni de ın xısləton bə ico bıbu.əvvəla,mumin bıbu.imon iminə şərte.saniyən ağılmand bıbu.yəni ıştə ağliku oko bıdo.”ləəlləkum təğilun”(ta ağılmand bıbon).Ğıronədə bıvindənən çanədə ım cumlə mevcude.salisən fik-fam iyən təfəkkurkon.yəni fikkon.ağl fəğət bo jimoni əməli roon pəydu kardero ni.çəy umdə bo fik iyən əndişə kardeyroe ki,ım çı alim bıeysə həm vey muhimme.mıcohid iyən çı əməli əhl bıbu.yəni ıştə nıştey,sıxan kardey və sırfən fik kardey və vey sıxan jıey kifoyət kardedəni. mıcohidonə əməl həm lozıme həmonə əməl ki,islomi mığəddəsə şəri urfədə bəy cohod votey beydə ki, çın cihodi vaxt iyo “Cihadun fi səbilillah və şəryəti rəğbətədə bıə cihode.qıləy insofin,qıləy nəzminə inson bə əməl booy ki,de islomi əxloği ıştəni dərostıno.ımon çəmə təvəğğomon bıə insoni xıslətonin və şımə təlim doə və perosnə  mərkəzonədə bəpe jıqo qıləy inson bə vucud booy”....