Avropədə İslomofobiyə nuyə ləpə
Avropədə İslomofobiyə nuyə ləpə
Avropədə İslomofobiyə nuyə ləpə
De Koronovirusi pandemiya pevolo bıey bə izəmon Avropədə İslomofobiyə nuyə ləpə bino bıə.fransəvıjə ihonət kardə jurnal şarli hebdu ijən islomi peyğombəri(s) təhğıramizə karikaturəş tikrorış karde.parisədə çap bıə satirk jurnal bıə şarli-hebdu 2015-ə sori çın nəşriyyə ofisədə qullə ğandey hodisədə dastışon və mıttəhəm bıə 13 nəfəri dosye rəsey məhkəmə i ruj bənav,bə Peyğombəre-Əkrəmi(s) təhğiramizə karikaturəş ijən nəşrış karde.çın çın nom bardə bıə nəşriyyə sərməğolə ənıvşıt de islomi peyğombəri(s) təhğiramizə karikaturə ijən nəşr kardey nıvışteşe:”ım təsviron bə torıxi ayide və torıxi nə ijən sənibəton nıvıştey bəbe və nə əy pok kardey bəbe”.bə Peyğombəre-Əkrəmi(s) təhğiramizə karikaturə ijən sənibəton nəşr kardey,isveçədə bə Kərimə-Ğıroni otəş jıey i haftə bədiqə bə əməl ome.isveçi malmo şəhri i dastə rostə radikalə odəmon bə mısılmınon muğəddəsaton ihonət kardə holədə Ğıroni iqlə nusxəşon sutunə və bəy otəşışon jıə.çəvon ım təhğıramizə hərəkət de reaksiyəon dimbədim omə.
Misri Ələzhər universteti şeyx Əhməd Əttəyyib ıştə feysbuk səyfədə nıvıştəşe:behurməti kardə iyən bə Kərimə-Ğıroni nusxəon otəş jıey cinoyəti mırtəkib bıə kəson bızınon ki,ım cinoyəton qıləy terroristi iyən vəhşiyonə hərəkətonin”.əy əlovəş karde ki,çəvon ım hərəkəton nəyinki,sırfən qıləy rasist iyən irğçiyə hərəkəte,bəlkəm terroristə otəşi sape ezım ekardeye ki,həm şərğ və həmən ğərb çəyku əziyyət kəşeydə. Ələzhər universteti şeyx Əhməd Əttəyyibi həmçinin nıvışteşe:”şəkk ni ki,ım cinoyət bə nifrəti hissi icod bey boyis bəbe və çı camiyə əmniyyəti təzif bəkarde və çı dinon iyən mədəniyyəton miyono diyaloqi umu çı miyoniku bəbarde”.Pokistoni insonə həxon vəzir Şirin Məzari ıştə tvitter səyfədə jıqoş nıvışte:”isveçi malmo iyən norveçi oslo şəhronədə bə mığəddəsə Ğıroni otəş jıə kəson bo ın kişvəron umdə msılımonə şəhrvandon təhrik kardey xotoye”.ın hərəkət de fransəvıjə ihonət kardə şarli hebdu jurnali təhğıramizə karikaturə vositə ijən dəvomış pəydu karde.bə nəzə rəseydə ki, Avropədə İslomofobiyə hiç qıləy kontrol nıbə holədə ziyiod bıə holədəy”.ın mevzu İron İslom Respublikədə həm de ziyodə əks-sədo bə ico bıə. Ğomi Elmiyyə Hovzəon Mudərrison Cəmyəti de qıləy bəyoniyyə sadir kardey çı şarli hebdu ım təhğıramizə karikaturəşon məhkum karde və elonışon karde:”İslomi ummət və həmçinin har qıləy ozod iyən mutəfəkkirə inson ım hərəkəti məhkum kardedə və deəy alimonə iyən nığılə mıborizə bəbarde”. ğərbədə İslomi təhğırəkəyon bə islomi mığəddəsaton kardə ım ihonəton çı sıxan və bəyoni ozodəti çərçivədə elon kardedə.əvon çı dı milyard mısılmınon bə ım təhğıron nıışon doə reaksiyaon radikalizm tevsif kardəşone.ğərbi devlətmerdon həm məələsəf bə islomi kardə bıə ım təhığronışon himoyə kardəşone.fransə prezdent makron bə Livan bıə səfərədə bo şarli hebdo ım hərəkəti bəhonə vardə holədə iddioş karde ki,fransə kişvərədə sıxani ozodəti mevcude vəö əv çı şarli hebdo ın hərəkəti barədə hiççi mıhokimə kardey məğamədə ni....
