Təkfiri cərəyanon
Təkfiri cərəyanon
Təkfiri cərəyanon
Torıxədə omə ki,İmom Əli(ə) hakimiyyəti zəmonədə şami ləşkər bə islomi xilofəti sərzəminonku qıləy noxtə həmləşon karde və çə ləşkəri uzvonku qıləyni çı həzrət Əmirəl-Muminini(ə) hukuməti pənohədə jiyə qıləy yəhudiyə jeni xalxal,quşvə,qiyozə iyən dastinəş dezzu çəykuş se.Əmirəl-Muminini(ə) çın macəraku xəbədo bıey bədiqə,veu norohət və ğəmqin be və hamyeşe:”ehanə har qıləy mısılmon çın rısvoyəti bəpeştə çı ğəmiku bımardo,boəy hiç qıləy mızəmmət ni.bəlkəm maq çəy nəzədə ləyoğətine ”. İslomi dini rəhbəron çı mısılmınon pənohədə jiyə bəştə bəşəri həmnevi jıqo barzə səviyyədə bıə humansitə nəzə nışon doydə.DAİŞ terroristə qrupon de jenon bıə jıqo təhğıramizə rəftoron de İslomi dini kom qıləy rəhbəron əməl və rəftoron mıtobiğ iyən i omeydə?....
Vəhhabi iyən təkfiri cərəyonon hejo çı jenonku de mıxtəlifə formə suyi-istifodəşon kardə.ə cumlə təkfiriyon əvoni bəştə təşkilot iyən onemonon uzv kardedən və çəvonku terroristi iyən tıpemoni koonədə oko doydən.terroritə vəhhabiyon de jenon rəftori barədə bə mısılmon iyən ğeyri-mısılmonə jenon zidd şiddətinə məhdudiyyəton,boəvon ğəddorə ğanunon bekardey,jenon insoni iyən iştimoyi həxonku məhrum kardey,əvoni de bənə icbori izdivoc,cihodi nikah,cinsi nokəçəti iyən de təcavuzi roy bıə de mıxtəlifə roon vositə cinsi istismor kardey işorə kardey bəbe.Vəhhabi iyən təkfiri dastəon bə jenon bıə ım nəzə,çı həzrəte Muhəmmədi(s) besəti bənav bıə cohiliyyə ərəbon nəzə şivəy.bə de təkfiri cərəyonon həmfik və həm nəzə bıə bəçəvon muftiyon fikon nəzə kardeyədə,çın mınhərifə qrupi muftiyon kəcfamey barzə noxtə və çəvon cohili nəzə nışon doydə.əvon de tafutinə fətvoon doey jeni şəxsiyyəti jıqo bəyon kardedən:jeni qırd vucud şərre,jen şəytone və jen çı şəytoni toronkuye.ehanə jen,siyuə sıpə iyən ulağ ya hə çı nımojəvoti vəyku dəvardo,çəy nımoj botıle.bəçəvon fətvoon əsos bəpe bo jenon olət sıey nıbu və əvoni belibos oqətey lozıme ta əvon məcburən kədə bımandon.bo merdon həmməysə zərərinə çeşmə jenonin.çı hırdənon ağlon çı jenon ağlisə ziyode.qıləy zəmon ki,jen ofəyə be,şəyton vey xoşhol iyən şo be.bo jenon maşin romey hərom evə bəpe maşin romə jen bımardo.merdon de iqlə mesaji vositə jenon təloğ doey bəzıneyn.bo jenon internetiku oko doey hərome illa ki,çəy qıləy məhrəm çəy palu bıbu və çəy kəno bınışto.bə divo kəlmə muzəkkər iyən merdi cinsədə bıey xoto,jenon çı divo kəno hıtey hərome.qıləy kinə deştə pı bə ico qıləy xəlvətə vırədə mandey hərome.həmonə kəçdərəsə muftiyon Suriyədə çı təkfiriyon behron soxtey macəra bədiqə,insoni deştə məhrəmi izdivac kardey fətvo icozəşon sadir kardə.vəhhabi muftiyonku bıə nasir əlumər bə Suriyədə usyonəkəyon çı cihodi nikohi barədə icozəş doəbe ki,ehanə qıləy noməhrəm pəydu nıbe,inson jəqoədə deştə məhrəmon həm cihodi nikohi kardey bəzıne.....
Cihodi nikohi de terroristə təkfiriyon dastə bə Suriyə otəş jıey bədiqə,bə meydon beşe.kali vəhhabi muftiyon bo mısılmonə kinə iyən jenon cəzb kardero və bəvon təcavuz kardeyro, cihodi kəlməşon bo təkfiri terroriston cinsi tələbon təmin kardey xoto,sadir kardeşone ki,ımon bə islom təlim iyən hukmon əks qıləy fətvoonin.DAİŞ təkfiri iyən terroristə qrupon çəvon şəytoniyə tələbon mığobilədə mığovimət nışon doə har qıləy jeni qərdəni jeydəbin və əvoni edom kardedəbin.çandə da qılə mısılmon iyən ğeyri-mısılmonə kinə iyən jenonış de ın tərtibi bə ğətl rosnəşone.bə təkfiriyon ğeyri-əğlani iyən nodırıstə nəzəon əks,islomi bə jenon bıə nəzə,komilən lətif iyən insoni qıləy nəzəy.de islomi dəvəşə həşi pemey,ım humanistə din de cohiliyyə zəmonədə çı jenon baərədə bıə qırd adət və ğanunon mıborizə bardedə.qıləy zəmon ki,bə dınyo omə kinə toyfəon bəyji-bəyji bə qur kardedəbin və jenon bənə qıləy inso i ne,bəlkəm əvoni bəsə har qıləy məxloğatonsə həm saru qəteydəbin və əvoni təhğır kardedəbin.islomi jenış bənə qıləy govhəri insonış hisob karde bə əvış de merdon i səviyyədə qətışe.Kərimə-Ğıron bə jeni de merdi insoni cəhəti mısovi bıey işorə kardə holədə Nisa mıborəkə surə 1-ə şərifə ayədə hamyedə:”ya əyyuhəl....ha məxloğ ha! Iştə pərvərdıqoriku bıtarsənən,əkəs ki,şıməş iqlə nəfsiku(coniku)ofəyəşe və şımə jimoni həmroonış həm şımə(cinsiku) ofəyəşe və çə dıqləku ziyodə merdon iyən jenonş mıntəşir iyən pevolo kardəşe”.....
