Ilahi Rəhbəron-70

Ilahi Rəhbəron-70

Peşo Xıdo-Rəsul(s) bo həmmə kəsi dimi harcurnə mıxolifəti roy bastey xoto,de təhdidamizə iborəti hamyeşe:”Xıdo rəhmətiku bə diyəro bıbu,Xıdo ğəzəb boəkəsi bıbu ki,çımı sıxanon ğəbul nıko və de Əli(ə) imoməti rozi nıbu”.əmmo Xıdo-Rəsul(s) de Əli(ə) dustəti iyən deşmınəti kardey məsələ sərost iyən mıstəğimə formədə de Xıdovəndi mığəddəsə zoti irtibot və rabitə bıey nışon doeyro,hamyeşe:”aqah bıbənən həyğətən,Cəbrəyili(ə) bəmı xəbəş doe ki,barzə məğami soyb bıə Xıdo hamyəşe:hakəs Əli(ə) deşımon bızıno və çəy viloyəti ğəbul nıko,çımə lənət iyən ğəzəb bəy bıbu”.nəyinki,de İmom Əli(ə) imomət iyən viloyəti deşmınəti iyən mıxolifət nıkardey rişə vəhyədəy,bəlkəm deəy dustəti kardey həm bə osmoniyə vəhyi əsose və Xıdo-Rəsul(s) Ğədiri xutbə coqlə hissədə de bə ın əmri təkid kardey, hamyeşe:”çəy rəhbrəti iyən imomət Əzzə və Cəllə Xıdovəndi tərəfiku bəmı vəhy bıə”...

Xıdovəndi ğəti iyən umu baxş kardə və`dəonku qıləyni,mumin iyən salehə bandəon bə əbədiyə vəhışt daxil kardeye və Xıdovəndi ım vədə həmməysə barziə nımunəonku ıme ki,bə vəhışt behisob varid bıə kəson ə kəsonin ki,əvon bə Xıdo-Rəsuli(s) eşğ və məhəbbətışon heste və çəvon dılon de ilahi ın usvə və ulquon məhəbbəti pure.həmonə kəson ki,Xıdovəndi çəvon məhəbbətış ıştə peyğombəri risoləti əcrış elon kardə və Şura mıborəkə surə 23-ə şərifə ayədə hamyedə:”ğul la.....vuji:mı ıştə risoləti mığobilədə şıməku ğərəz bəçımı nezə odəmon məhəbbət iyən dustəti nışon doeysə co çi tələb kardedənim”.

Səba mıborəkə surə 47-ə şərifə ayədə həm hamyedə:”ğul ma...bıvot:çımı şıməku piyə mıkofot bəşmə (ıştən) xeyriye(və illah)çımı əcr iyən mıkofot fəğət bə Xıdovəndi ehdəy”.əve İslomi azizə peyğombər(s) ıştə Ğədiri torıxiyə xutbədə ım ko şərh kardedə və de barzə vanqi hamyedə:”aqah bıbənən,çəvon(Əhli-Beyti) duston ə kəsonin ki,de səlomət iyən əmniyyəti bə vəhışt varid bəbeyn və firiştəon təslim bıə holədə(və de ehtıromi) bəçəvon vindemoni bəşeyn və bəvoteyn:”səlom bıbu bəşmə ki,şımə pok iyən təmiziyon. çən,behisob bə əbədiyə vəhışti daxil bıbənən”.binobərin bo peyğombəri(s) şıə ro və çəy hidoyət və rəhbərəti dəvom doeyro bəpe bə “zulğurba” çanq jıey bıbu və çəvon rəhbərətiku komək sıey bıbu.bə ım nuktə həm dığğət kardey lozıme ki,məhəbbət bo tabe bıey iyən pemandero qıləy təsirinə amile.çoko ki,Ali-İmrani mıborəkə surə 31-ə şərifə ayədə handedəmon:”ğul in kuntum.....vuji:ehanə şımə Xıdoon piyedə,bəmı tabe bıbənənşboçi ki,mı çəy fərmoni təblığəkəm”.....

Umumən de ikəsi məhəbbəti peyvəndi bastey,insoni bə məhbub iyən bəçəy tələbon səmt bardedə və çandə çı məhəbbəti rıştə və rismon vey zumand bıbu,ım cozibə vey zumand bəbe.məxsusən qıləy məhəbbət ki,çəy niyyət və motiv kəmolitələb kardedə.

Bə Ğədiri xutbə qıləy kulliyə nəzə kardeyədə,məlum beydə ki,Ğədir fəğət qıləy hodisə bıəni,bəlkəm qıləy cərəyone ki,bəşəri torıxi dırozi dəvomış heste.çıro ki,çı insonon oxonə tale və sərnıvışt de imomət iyən de camiyə rəhbərəti mevzu qıləy rabitəş heste.beşək ehanə Əli(ə) Xıdovəndi boə ə həzrəti təğdır kardə barzə məğamədə ğərolış qətəbe və həzrət İslomi azizə peyğombəri(s) rehləti bəpeştə çı camiyə rəhbərəti iyən hidoyəti məsuliyyətış bəştə ehdə peqətəbe,nəyinki,İslomi ummət,bəlkəm qırd ınyo milləton de siratəl mustəğim iyən rostə royədə hərəkət kardey,haruj hərəbaxtəti iyən kəmoli royədə ğəəm şoədin.