Ilahi Rəhbəron-73

Ilahi Rəhbəron-73

In ayə ıştə çandə qılə nuktə ehtivo kardedə:əvvəl ıme ki,Xıdovənde-Aləm hamyedəki,ımruj kofiron şımə diniku məyus mandin və dıminə nuktə ıme ki,Xıdovənd hamyedə:islomi dinım boşıməm vıjniye iyən pəsəndım karde”...

İslomi alimon iyən muhəğğiğonku veyni bə Ğədiri vağiyə ın muhimmə nuktəon dığğət kardə holədə jıqo hisob kardedən ki,ehanə Ğədirədə bə İlahi fərmoni əsos,Əli(ə) bo peyğombəron inğılobi dəvom doey iyən İslom iyən Ğıroni muhafizədə bə peyğombəri(s) canişinəti məğamsi mənsub bıə nıəbe,İslomi din noğis əmandi bəştə oxonə kəmoli nıərəsi.əmmo,de İlahi tale həlləkə fərmoni sadir bıey,Xıdovəndi ıştə nemətış  nəyinki,bə İslomi camiyə  bəlkəm,bə qırd bəşəri camiyə təmomış karde.

De Xıdovəndi ım roziyəti ibzori,kofiron ratədə nıştəbin ki,de nıbuvvəti devroni bə oxo rəsey, islomi jimon baxş kardə nuri okuşeyku məyus mandin.məxsusən ki,Yolə Xıdo hejo ıştə risoləti sıftədə Xıdo-Rəsuli(s)mıjdəvoniş doə be ki,”əv ikəse ki,ıştə peyğombərış de həxə dini hidoyəti vığandəşe ta bə har qıləy dini səbarz bıbu,harçənd(ım) bə mışrikon xoş həm nıvoy”.(Tobə-33, Fət-28,Saf-9)…

Ğədiri əzəmətinə mərosimi bəpeştə de peyğombəri(s) əmri həmmə mısılmınon de şoyvonəti holəti de Əli(ə) beyətış karde.Umər ibn Xəttabi de umum mısılmonə cəmyəti bə ico Ğədirədə bə Xıdo-Rəsuli(s) xıdmət rəse və Əli(ə) bə peyğombəri(s) canişinəti iyən İmomət məğami vıjniye xoto,təbrikış vote.de ın tərtibi mısılmınon deştə dılon oruzu və bə qıləy ruşinə vəomə bəştə şəhr və diyoron oqardin.əvon çı Ğədiri tale həlləkə mesaj və xəbəon bə İslomi diyəroə məmləkəton rosneşone.

Əmmo,hələ çın şinə xotırəku çandə ləzə dəvardə nıbe ki,peyğombəri(s) telə noxəşəti xəbə Mədinə şəhri fəzoədə pevolo be.Xıdo-Rəsul(s) ki,çok-çoki zıneydəbe fırsət tələbə dastəon bə ilahi fərmoni əks,çı camiyə imomət iyən rəhbərəti dayirəku xarickon.əve ə həzrət           qıləy tədbirış vinde İslomi ləşkərış de cıvonə Usamə rəhbərəti təchizış karde və əmrış karde ki,əvon həmmə deəy bə ico hərəkətkon.əmmo,ğudrəti təşnədə bıə kəson,bə Xıdo-Rəsuli(s) oşkoə nəssi əsos ki, hamyedə:”bə Xıdo iyən bəçəy peyğombəri itoətkənən-əmri nıpemandin və de peyğombəri(s) noxəşəti bəhonə de Usamə rəhbərəti bıə ləşkəri hərəkətışon nıkarde və əməli surətədə bə Xıdo-Rəsuli(s) nıpemandey pərçəmışon rost nıkarde.şe-şe Xıdo-Rəsuli(s) noxəşəti vəzyət bevəc beydəbe.peyğombər(s) bo Ğədiri ğəhrəmonəti bəyji kardey iyən çı mıxolifon məkrinə planon vəy qəteyro,bə Əli(ə) əmrış karde ta qıləy ğələm iyən koğəz biyəy və oxonəminə kərə çı Əli(ə) imomət, viloyət iyən canişinəti bo de sənəd roy əbədi bəhaşto.əmmo,bın həssosə ləzə və anədə həm I hissə odəmon hay-huy və sər-sədoşon rost karde və bə ğələm iyən koğəzi vardey mane biin.

Demiyən bə Xıdo-Rəsuli(s) nıpemandey tum və donə peşandey be və bə islomi umməti miyono şək-şubhəon pevolo bıey boyis be və çı İslomi camiyə rəhbərəti əkəson bəştə dastışon qəte ki, bənə Əli(ə) fəzilət iyən kəromətonışon nıbe.(Səhihe-Buxari)……

Qıləy holədə ki,həmmə kəs Xıdo-Rəsuli(s) ətrofədə norohət bin,bın zəmon peyğombəri(s) ıştə çəşonış oj karde və hamyeşe:”çımı bıvə sədo bıjənən ta booy çımı kənoyədə bınışto.həmmə kəs çok-çoki zıneydəbin ki,çə həzrəti məğsəd ğərəz Əli(ə) cokəs ni.Əli(ə) rəyrə ıştənış bə Xıdo-Rəsuli(s) rosneşe.əmmo,hissış karde ki,peyğombəri(s) dılış heste ıştə vırəku bəhışto.Əli(ə) ə həzrətış çəy vırəkuş rost karde və bəştə sinəş dəçoknoşe.çandə zəmon dəvardə nıbe ki,çı maqi əsər-əlomət Xıdo-Rəsuli(s) vucudədə oşko be və ə həzrəti ıştə conış çı həzrəti Əli(ə) ağuşədə bəştə pərvərdıqori təslimış karde.