Təkfiri cərəyanon
Təkfiri cərəyanon
Təkfiri cərəyanon
Bənə DAİŞ iyən cəbhətun-nusrə bıə təkfiri iyən terroristə dastəon zuhur, bo ğərbi qıləy bemislə fırsətış hozzı karde ta əvon İslomiku qıləy hozi iyən berəhmə çehrə bə nımoyiş bınon.terroriston de bənə Xıdo deşmınon kıştey nomi beqınoə insonon bə ğətl rosneydən və əvoni edom kardə iyən kollektiv surətədə çəvon giy jıə zəmonədə Allahu-Əkbər şuari doydən.qahi vaxti həm de sə bırniyə bıə şəxsi de Kərimə-Ğıroni ayəon bə ico jinıvışt kardedən və sosyal şəbəkəonədə pevolo kardedən.əvon ıştə ım beabruə əməlon bə İslomi dini nisbət doydən ki,boyis bıə ta ğərbi siyosi ədəbiyyotədə islomi dini de xuşunət və hoziyəti bo ico təğdımkon.oxonə da soronədə de ğərbi devlət iyən informasiyə vositəon İslomifobiyə nəzə təhğığ kardey,ruşin iyən məlum beydə ki,əvon əksərən əvon hejo ıştən çəy dumon və əvon islomi bənə qıləy hoziyə dini nomi elon kardeyışon piyedə.çəy nımunə və misolonku qıləyni çəvon bə DAİŞ-i cinoyəton nışon doə reaksiyəy.əvon çı DAİŞ-i barədə sıxan votə zəmonədə ya bəyoniyyə doydən və bə “İslomi Devləti” kəlmə təkid kardedən və ım kəlmə oko doydən ta bə dınyo milləton ilğakon ki,DAİŞ həmonə İslom və çəy siyosi iyən hukuməti nımoyəndəy.ım həyğətədə çı İslomofobiyə siyosəti iqlə baxşe ki,de ğərbi devlət iyən mediyaon vositə təğib kardey beydə....
Ğərbi devlət iyən informasiyə vositəon qıləy holədə jıqo hevujə surətədə bə İslomi dini həmlə kardedən və ım dini bənə qıləy hozi iyən ağliku bə diyəro qıləy din nışon doydən ki,əmmo əslədə dınyoədə çı terroristə hodisəon ğıboni bıə kəson hejo mısılmınon ıştənin.mısılmınon əksəriyyət təşkil oə kişvəronədə hevujə surətədə bıə terroristə hərəkəton mığdor,de ğərbi kişvəronədə bıə terroristə hərəkəton mığdori mığoyisədə i iyən mısovi ni. Bənə DAİŞ iyən cəbhətun-nusrə bıə təkfiri iyən terroristə dastəon iminə hədəf mısılmınonin ki,əvon İslomi ədolət və sulh tələb kardə iyən vohidə Xıdo pərəstış kardedən və bə İslomi təlimonku bə diyəro bıə və əy kəcfamə çın terroritə qrupon mıxolifin iyən əvoni ğəbul kardedənin.
Bənə DAİŞ iyən cəbhətun-nusrə bıə təkfiri iyən terroristə dastəon mısılmonə kişvəronədə həmməysə dıjdə cinoyəton və anti-bəşəri hərəkətonışon bə vırə rosnə.Bənə DAİŞ iyən cəbhətun-nusrə bıə təkfiri iyən terroristə qrupon İslomi imic iyən çehrə təxrib kardeyku əlovə,əvon coqlə dıjdə hədəfon həm təğib kardedən və əv həm çı islomi kişvəronədə mısıılmınon iyən mıxtəlifə məzhəbon miyono təfrığə və dıtirəti eğandon.qıləy hədəf ki,de sultə tələbə Amerkə devləti iyən deçəy Avropədə bıə mıttəfiğon siysoəton həmray iyən həmfike.çəvon dıjdə hədəfonku qıləyni çı şiyə iyən sınni məzhəbon tərəfdoron miyono ixtilof iyən təfrığə eğandeye.əvon səy kardedən İroni bənə çı co mısılmınon mığobilədə bıə cəmyətış veyni şiyə bıə kişvəri ğərol bıdon.əbu musəb zərğavi çı İroni xətər və təhlukə barədə jıqo təsvir kardedə:
