Həşi məhzərədə

Həşi məhzərədə

İslom İnğılobi Yolə Rəhbər həzrət ayətullah Xameneyi çı Xıdo-Rəsuli(s) pokə nəvəonku bıə İmom Mosə ibn Cəfəri(ə) barədə hamyedə:”sivi penc sornə zəmon(Hicri-Ğəməri-148-183-ə soron) yəni həzrəte Əbil-Həsən Mosə ibni Cəfəri(ə) imoməti devron çı Məsumə İmomon(ə) jimoni həmməysə muhimmə qıləyniye.sivi penc sor mıborizə,mıcohidət,bə zindon şıey,çandə kərə ıştə kəyku dərbədər bıey,qıləy vəhşətnokə muhitədə jimon kardey,de zəhməti ziyodə duston bəştə sə qırdə kardey,ilahi hukmon  çə zəmonə hukuməti şiddətinə təzyiğon jiyədə pevolo kardey və i umr de ın şivə dəvordıney çı Mosə ibni Cəfəri(ə) jimoni muhimmə xısusiyyətonku be”.

Yolə Rəhbəri nəzəku hiç qıləy devron İmom Səccodi(ə) devroni bədiqə bənə çı Mosə ibni Cəfəri(ə) jimoni devroni saxt iyən şiddətin bıəni.çın buzurquvarə İmomi(ə) həyoti devronədə çı Bəni Əbbosi dıqlə həmməysə  zumand sulton yəni Mənsur iyən Haruni zəmonədə və dıqlə həm həmməysə zolımkorə sulton Məhdi iyən Hadi hukuməti zəmonədə jimon kardedəbin.İslomi ərazi de tojə fəthon vositə hevuj bıəbe və ziyodə ğənimət və molon çı Əbbosiyon ğudrəti jiyədə rujbəruj ziyod bıə holədə be.co tərəfiku həm kali fiki iyən əğıdəvi cərəyonon bəştə barzə səviyyə rəsəbin və jıqo qıləy şərayitədə milləti zehn de ziddiyyəton pur bıəbe.ideoloji ziddiyəton ruşd və ozavziye,İslomi huşyorəti iyən milləti siyosi bə ofoti dıço bıəbe.jıqo qıləy şərayitədə ğudrəti soybon və ğudrətmədoron çı milləti sətaponeyku suyi-istifodəşon kardedəbin və ıştə sultə ziyod kardedəbin.İslomi camiyə ım de ğubari aludə bıə fəzo,İmom Mosə Kazımi(ə)  zəmonədə meydon bo İslomi əslə maarifi səhnə ələmdoron və Ələvi dəvəti soybon tanq iyən saxt be.....

Həzrət ayətullah Xameneyi ıştə sıxanon dəvomədə hamyedə:”həmonə zəmonədə hətto şeer və hınə,fiğh,hədis və hətto zohd iyən vərə,çı ğudrəti ərbobon xıdmtədə be.bın devronədə ciddi təhdid xilofəti sarayi lorzıneydə nıbe və xəlifə çı Əhli-Beyt(ə)-i dayimi dəvəti və nığılə cərəyoniku ğafil kardedə nıbe.