İslomi peyğombəri(s) jimon iyən şəxsiyyət

İslomi peyğombəri(s) jimon iyən şəxsiyyət

İslomi əzizə peyğombəri(s) Həzrəte Muhəmməd-Mustəfa(s) vilodəti sorəqardışi əzəmətinə rujonədə vəhdət və hamrayəti ətır çı har qıləy mısılmınon con iyən dıli nəvaziş doydə.vəhdəti haftə jıqo bızın Xıdo-Rəsuli(s) tərəfiku bə İslomi umməti qıləy səfərbərəti vanq heste ta əvon təfrığə və ixtilofon bə kəno bınon və vəhdətofəyə mehvəron kəno həmdıləti iyən həmrayətişon bıbu.Rəbiyul-Əvvələ manqi donzəminə rujiku de tobə havdəminə rujon yəni bə əhlı-sınnət iyən şiyə torıxi əsos peyğombəri(s) təvəlludi ım əzəmətinə rujonədə dəvomış heste və İron İslom Respublikə təsisəkə İmom Xomeyni(r)  ım həftəş bo mısılmınon miyono ibemon iyən vəhdəti icod kardero de “vəhdəti haftə” nomi elonış karde.

Har qıləy ğələm və təsvir Xıdo-Rəsuli(s) şəxsiyyəti əzəmət və yolyəti həxədə bəyonko,ocize. Kərimə-Ğıron Xıdo-Rəsuli(s) barzə əxloği dərəcəon iyən çə həzrəti bo qırd aləmi məxloğati bıə hevujə rəhməti təğdım kardedə.

Xıdoye-Mutəal de qıləy roy ki,həzrəte Muhəmmədi(s) jimoni hissəonku təğdır kardedə,çı Xıdo-Rəsuli(s) ruhi iyən əxloği şəxsiyyəti çı hırdənətiku jıqo tərbiyəş vinde ta çı hidoyəti iyən nıbuvvəti yolə bo bəştə duşi peqətey bızıno.ə həzrət ıştə hırdənəti zəmoniku de saxti,renc iyən əziyyəton oşno be.çə həzrəti buzurquvarə pı nom Əbdullah bə qıləy rəvoyəti çı peyğombəri(s) vilodəti bənav və bə coqlə rəvoyəti əsos,çə həzrəti vilodəti çandə manq bədiqə,çı dınyoku şıə və ə həzrət ıştə pı vindedəni.bə zəmon bıə Ərəbıstoni şərofətin və əslə xıyzonon adəti əsos,ıştə fərzəndon  bə nəcib iyən pokə jenon aspardedəbin.ım əzizə hırdənışon bə Həlimə nomo qıləy əsil və pokdovnə jenişon asparde.əv həzrəte Muhəmmədış(s) ıştə ğəbilə miyono de tosə çəy şəş sinnəti yolış karde,bəyış şıt doe və tərbiyəş karde və jıləvoni peyğombər(s) səhroədə tərbiyəş vinde və yol be.qahi zəmon ım hırdəni çəy moə Amənə palu vardedəbe ta əy bıvindo.şəş sori bədiqə ki,ə həzrət cismoni cəhəto zumand.reçin,zırənq və səmərənin be və həmçinin rufi cəhəto mətin,səbrəkə.xoşəxloğ,xoşrəftor be və de qıləy ojə nəzə persəse,ıştə moə iyən xıyzoni palu oqarde.peşo çın hırdəni inə əvış deştə bə Yəsrib bardeşe ta ıştə pı Əbdullah ğəbi ziyorətko və çəyu oqardə zəmonədə Əbva nomo qıləy məkonədə çı dınyoku şe və həzrəte Muhəmməd(s) həm pı və həmən inə cəhəto yətim mande və çəy yolyəti və ğəyyuməti bə ə həzrəti buzurquvarə cəddi  yəni bə Əbdulmutəllibi ehdə noey beydə.demiyən,çın hırdəni ruf ki,ayəndə və vəomədə ğərole dınyo bə vohidə Xıdopərəstəti iyən ruşinəti səmt hidoyət bəkarde,rujbəruj ozavziye və ruşdış pəydu karde.....

Həzrəte Muhəmməd(s) cıvonəti zəmonədə bənə qıləy vavriski doə qevhəri be ki,çı cəholət və xorafati qardı-ğobari miyono səbarz beşe və bə fəziləti ğulləon rəse.həmonə cıvonəti vaxtonədə bəy Məhəmməd Əmin ləğəbışon noe və millət boəvon əhəmiyyətin bıə har qıləy çi,bə ə həzrəti dast dəspardedəbin və xotırcəm bin ki,əv qırd ım əmonəton solim bəvon obəqordıne.hətto ə həzrət dini İslomi dəvəti bino kardey bədiqə və Ğureyş de ə həzrəti deşmınəti kardə zəmonədə həm,ijən əvon ıştə mol-əmvoli çə həzrəti ixtiyorədə ğərol doydəbin və bəy doydəbin.liza,çoko ki, Peyğombəre-Əkrəm(s) çı Məkkəku bə Mədinə şəhri hicrətış karde,həzrət Əli(ə) Məkkədəş haşte ta çı milləti əmonəton bəvon oqordıno.ə həzrət jıqo pokdovnə şəxs be ki,Ərəbıstoni çı İslomi bənav bıə əxloği cəhəto fosidə muhitədə və həmonə cıvonəti vaxtədə,deştə iffət,həyo və pokdovnəti məşhur be və həmməkəson ımi ğəbul kardedəbin ki,Muhəmməd(s) hiçvaxti bə beiffəti iyən beəxloğəti dıço nıbe. ....