Ilahi Rəhbəron-90
Ilahi Rəhbəron-90
Ilahi Rəhbəron-90
Əli(ə) hartərəfin və komil bıey fəğət bə Nəhcul-Bəlağə məxsus ni və nəyinki,əxloği,iştimoyi, siyosi fərhəngi etığodon usulədə və həmçinin kəlomi iyıən fəlsəfi bəhsonədə,bəlkəm irfoni,dıvo iyən mınocoti məsələonədə həm ım hartərfinəti oşkoə formədə məlum beydə.çəy sıxanon barzə məzmun iyən nığləti bə fərdi və iştimoyi koon və bənə mənəvi fəzo iyən ğəməri manqon şomil beydə.məxsusən bə Rəcəb,Şəban iyən Rəməzonə manqi və hətto bə qırd rujon şomil beydə. bo ın mevzu isbot kardero,bə həzrət Əli(ə) coqlə əbədi mandə əsəri yəni bə “Səyfəye Ələviyyə” əsəri işorə kardey bəbe ki,ımon çə həzrəti handə dıvoonku iborəte.ım nəfisə məcmuə və kolleksiyə de Əbdullah ibn Saleh Səmahiçi nomo qıləy şiyə yolə alimi vositə Hicri-Ğəməri daminə əsrədə qırdə kardey və təlif kardey bıə.ım erjinə kitob bənə qıləy metəbərə sənədi çı muhəddisə alimon nəzəş bəştə cəlb kardə və nəzə soybon çəy barədə ıştə nəzə və rayonışon doə.ım məcmuə sa pencosə həm veyə dıvoku iborəte və bəçəy hartərəfinəti dəlili xoto bəy çı dıvoon mənşur iyən məromnomə votey bəbe.hətto kali nəzə soybon əvışon de Çominə İmomi(ə) Səyfəye –Səccodiyyə kitobi mığoyisəşon kardə.ımi həm zikr kardey lozıme ki,yolə ehtırom iyən ğədri soyb bıə alim məşhurə kitob “Mustədrəkul-Vəsayili” soyb mərhum Muhəddis Nəbəvi(r) ım boho ğeymətinə əsəri təkmilədə de “Səyfəye Saniyə Ələvi”nomi coqılə məcmuəş tərtibış kardə və ım çı “Səyfəye Ələviyyə” əsəri elmi iyən rəvoyi məğami nışon doydə….
Həzrət Əli(ə) bə irs noə sanqinə coqlə mirasonku qıləyni “Ğurəri-Hikəmi” (həmməysə barzə hikməti) və “Durərul-Kəlimi”(bənə mirvaridi sıxanon) kitobone.bın erjinə əsərədə həzrət Əmirəl-Mumininiku(ə) bə yonzə həzo nezi hədison qırdə kardey bıə.çın erjinə məcmuə muəllif Əbul-Fəth Nsihudduin Əbdulvahid ibn Muhəmməd Amidi (tırkiyə Kurdıstoni Diyarbəkirədə)Amidi şəhri muhəddis iyən ğazi be və Hicri-Ğəməri pencminə əsrədə jiyə alimonkuye.əv İslomi elm iyən maarifi nəzəku çı ziyodə alimon tərəfiku təsdığ bıə və bın kitobədə veyə rəvoyətonış nəğlış kardə.çın kitobi sanqinəti həxədə ım vəs kardedə ki,çəy çandə qılə xətti nusxəon bənə metəbərə Rəzəvi Ğudsi Hərəmədə,İslomi Şura Məclisədə,Şəhid Mutəhhəri Ali Mədrəsədə, Hidıston, Tırkiyə,İngiliston və Fransədə mevcude.ım haft cildinə kolleksiyə,çandə kərə İron, Bompey, Seyda,Misr və Suriyədə bə çap rəsə.ərəbi zıvoniku əlovə, ım kitob bə farsi,ordu zıvonon tərcumə bıə və təşəyyu dınyo yol və məşhurə alimonku qıləyni Cəmaluddin Muhəmməd Xansari deçəy şərhi nıvıştey koy məşğul bıə.ım sanqinə irs 91-ə fəslədə de əlifba hərfon tərtibi etığodi,əxloği, elmi iyən iştimoyi mevzuonədə tərtib kardey bıə.mutaliyə,təhğiğ,xutbə və noməon komilə surətədə faxirə və bemislə kəlməon elmi,fərhənqi iyən mədəni mərkəzonədə qıləy vey zəruriyə koye ta de Xıdovəndi koməki və de həmmkəsi məsuliyyət hiss kardey,həzrət Əli(ə) elmi nəzəon bə ədoləti təşnə bıə qırd dınyo milləton quşon rosney bıbu.oşkoye ki,Ələvi hukuməti komilə təzahur ilahi ehtiyotədə haştə oxonə İmomi həzrəte Məhdi(əc) zuhuri zəmonədə bə ilahi məşiyyət və və`də əsos,real bəbe və bə həyğət bərəse.
