Ilahi Rəhbəron-92

Ilahi Rəhbəron-92

Xıdo-Rəsuli(s) bə İmom Həsəsni(ə) ziyodə məhəbbət nışon doydəbe və hamyedəbe:”Xıdolim ha! Mı əvım piyedə və tı həm əy bıpyi”.Səhih-Buxari kitobədə İbn Əbbosiku nəğl qıləy hədisədə omə ki,Rəsuli-Əkrəm(s) Həsənış bəştə duşış peqətebe.qıləy holədə ki,hərəkət kardedəbe,qıləy merdi ım səhnəş vinde və voteşe:ha qədə zoə ha! Iştı çokə mərkəbı heste.peyğombəri(s) hamyeşe:”çəy həm çokə rakibı və suvar bıə kəsış heste.Xıdo-Rəsuli(s) səhobəonku qıləyni votedə:”çı muminon qıləyni kəyədə bo xorək hardeyro dəvət kardey bıəbimon.roy nimədə vindeme ki,peyğombər(s) de Həsəni hənək kardey koy məşğul be.peyğombər(s) çı milləti çəşi mığobilədə de dastpoçəti bə tərəf-bın tərəf şeydəbe və ıştə dastonış oj karde və Həsən bın tərəf-bətərəf vitedəbe və Xıdo-Rəsul(s) həm sıreydəbe tayinki,peyğombəri(s) əvış bəştə vanqo qəte, pusəş je və peşo hamyeşe:”Həsən mıku və mı çəykum.Xıdo bıpyişe hakəs ki,Həsəni bıpo”. həmçinin rəvoyət bıə ki,peyğombər(s) çandə kərə bə İmom Həsəni(ə) xitobən hamyeşe:”tı əxloğ iyən xılğəti cəhəto bənə mış”……

Xıdo-Rəsuli(s) səhobənku qıləyni nəğl kardedə:mı Həsənım vinde ki,omeydəbe və qıləy holədə ki,Xıdo-Rəsul(s) səjdə holətədə be,bəsə ə həzrəti gərdənisə nışte və bəy suvar be.peyğombər(s) ıştə səjdəş tuloni və dırozış karde ta əv saru etato.bın zəminədə ziyodə nəğl və rəvoyəton mevcude ki,nışon doydə ki.Xıdo-Rəsul(s) hejo cəhd kardedəbe ıştə xanedani barzə məğami bə milləti nışon bıdo ta əvon ıştə imom iyən rəhbəri vıjniyədə bə inhirofə roon səmt dim nıqəton. məsələn,bə Təthir,Məvəddət,mubahilə İyən İnson surəon işorə kardey bəbe ki,İmom Həsəsn(ə) çın aşmardə bıə misolon nımunəonku qıləyniye.əmmo,İmom Həsəsn(ə) ıştə cəddi tale həllkə və izzətofəyə devroniku çı haft soriku ziyodə bəhrəş bardey nızıne və peyğombəri(s) mələkutiyə rehləti bəpeştə de ə hzəri bıə fəğət ıştə hırdənəti zəmoni nəvazişon və xoşə xotırəonış oqətəbe. peyğombəri(s)telə rehləti xotırə çı İmom Həsəsni(ə) zehniku pok bıənıbe ki,de qıləy kırtə mıddəti dəvardey,çə həzrəti əziz qıromiyə inə həm Fatməye-Zəhro(s) həm ki,ıştə əhdi darıştə çı ğudrəti dumo bıə şəxson ziyodə cəfo və ziyonon nəticədə bə həxı dəvəti ləbbeykış vote və ıştə conış bə conon ofəyə Xıdo aspardışe….

İmom Həsəsni(ə) həmməysə inə Həzrəte Fatmə(s) bəfoti bəpeştə.çə həzrəti həmməysə çokə pənohqo və təsəlli baxş kardə kəs İmom Əli(ə) be ki,bənə qıləy İmom iyən ilahi huccəti və bo bəşəri dınyo ulqu misli,çəy qırd ilhom baxş kardə dərson etat-petatonku ziyodə bəhrəonış barde və çı elm.təğva,kəmol iyən imoni dərəcəonış vey aliyə səviyyədə çə həzrətiku kəsbış karde.ə həzrət deştə pı mislış nıbə bəşəvnəy arifonə və aşığonə razo-niyozi mışohidə kardey,bə Xıdovəndi mığəddəsə zoti qıləy məxsusə dığğətış pəydu karde.joqo ki,çəy təsiron dastnımoj qəteyədə çəy bədəmi uzvon larzeyədə və çə həzrəti dimi raqni əvəz beyədə mışohidə kardey mumkin be.çoko ki,ım mevzu bocokəson sıvol icod kardedəbe və əvon çəy səbəbi dəparseydəbin,ə həzrət jıqo hamyedəbe:”ikəs ki,İlahi əzəməti hiss kardeydə,qıləy zəmon ki,çəy dərqoyədə mandeydə.vey loyığe ki,jıləvoni bıbu.İmom Həsəsni(ə) vistı pebc kərə Məkkədə bə Xıdo Kə mışərrəf bıə ki,çın ziyorəton əksərədə ə həzrət piyodə hərəkətış kardə və ın roy de pavuyə lınqi şıə…..