Ilahi Rəhbəron-93

Ilahi Rəhbəron-93

Bo İmom Həsəni(ə) həmməysə əziz bıə çəy inə Həzrəte Fatmə(s) bəfoti bəpeştə.çə həzrəti həmməysə çokə pənohqo və təsəlli baxş kardə kəs İmom Əli(ə) be ki,bənə qıləy İmom iyən ilahi huccəti və bo bəşəri dınyo ulqu misli,çəy qırd ilhom baxş kardə dərson etat-petatonku ziyodə bəhrəonış barde və çı elm.təğva,kəmol iyən imoni dərəcəonış vey aliyə səviyyədə çə həzrətiku kəsbış karde.ə həzrət deştə pı mislış nıbə bəşəvnəy arifonə və aşığonə razo-niyozi mışohidə kardey,bə Xıdovəndi mığəddəsə zoti qıləy məxsusə dığğətış pəydu karde.joqo ki,çəy təsiron dastnımoj qəteyədə çəy bədəmi uzvon larzeyədə və çə həzrəti dimi raqni əvəz beyədə mışohidə kardey mumkin be.çoko ki,ım mevzu bocokəson sıvol icod kardedəbe və əvon çəy səbəbi dəparseydəbin,ə həzrət jıqo hamyedəbe:”ikəs ki,İlahi əzəməti hiss kardeydə,qıləy zəmon ki,çəy dərqoyədə mandeydə.vey loyığe ki,jıləvoni bıbu.İmom Həsəsni(ə) vistı penc kərə Məkkədə bə Xıdo Kə mışərrəf bıə ki,çın ziyorəton əksərədə ə həzrət piyodə hərəkətış kardə və ın roy de pavuyə lınqi şıə…..

İmom Həsən(ə) ki,çı vəhyi xanedanədə yol bıəbe,de Kərimə-Ğıroniku ilham sıey ki,ha vırədə çı nımoj iyən de Xalıği rabitə bərğərol kardeyku sıxan bə miyon omeydəbe,bilofosilə çı zəkot ya infoğiku yəni de məxloği rabitə bərğərol kardeyku sıxanış votə və de aləmi ofəyə Xıdovəndi razo-niyoz kardey bə ico,bə camiyə ehtiyocinə şəxson və məhrumon komək kardey koyku həm ğafil və bexəbədo mandəni və bəvon koməkış kardə.ə həzrət həmonə Xıdo-Rəsul(s) iyən Əli(ə) çokə siyrə və şıə roş boştə qıləy ulqu və nımunəş ğərol doəbe.əhlı-sınnəti yolə alimonku qıləyni bıə Muhəmməd ibn Yusif Zərəndi “Nəzmu Durərus-Simteyn……..” kitobədə nəğl kardedə ki,qıləy ehtiyocinə şəxs qıləy noməş bə İmom Həsəni(ə) doşe və çəyku koməkış tələb karde.ə həzrət çə həmonə odəmi nomə nıhande bəy hamyeşe:”ıştı ehtiyoc və hocət bə vırə rosney be”.qıləy şəxsi ərzış karde:ha Xıdo-Rəsuli(s) fərzənd ha!.çok əbi ki,şımə çəy nomə oj əkiyon və əzıniyon ki,çəy ehtiyoc çiçe və peşo bəy cəvob ədiyon.İmom Həsən Mujtəbo(ə) bə həmonə odəmi qıləy loyığinə cəvobış doe və hamyeşe:”az tarseydəm ki,bəvədə icod bıə həyo və zılləti təsiron xoto,Xıdo bəmı ğəzəbko”…….

Bəle,joqo Xıdo pəsənd kardə ləyoğətinə əməlon və bə ehtiyocinə fərdon tələbon mısbətə cəvob doey çı qıləy əxloği mesaji rosneysə həm əlovə,ımi bəyon kardedə ki,bə Ğıroni təbiri əsos çı infoğ iyən ehsoni zəmonədə  nəyinki bəpe ım de əzob-əziyyət iyən mınnəti bə ico nıbu,bəlkəm bəpe həmonə çokiyətiyədə çəvon insoni kəromət və şəxsiyyət oqətey bıbu ta əvon hiççurnə zıllət və xarətəi hiss nıkon.qıləy co ruji İmom Həsən(ə)  bə məçit daxil be və vindeşe ki,iqlə ehtiyocinə fərd deştə zohiri bru oqətə holədə bə İlahi dərqo dastış dıroz kardə və votedə:Xıdolim ha! Boştə ehtiyocon bərtərəf kardero bəmı da həzo dirhəm nəsibkə!.İmom Həsən(ə) həmonə kəsi nızınə və xəbəş nıbə holədə çı məçitiku xaric be və bo həmonə ehtiyocinə şəxsi şəxsiyyəti nıdarışteyro,çəy ehtiyociş bıə mığdori həcmədə pulış de cokəsi vositə boəy vığandeşe.çə həzrəti ıştə dasto omə komək və baxşeşi ruhiyyə mığdorədə ım vəs kardedə ki,İslomi metəbər mənbəonədə omə ki, İmom Həsən(ə) ıştə qırd sərvət və molonış se kərə bə dıqlə niməş təğsım kardəşe və Xıdo royədə iyən fəğət boçəy rizoyəti cəlb kardero infoğ və baxş kardəşe…..