Ilahi Rəhbəron-96

Ilahi Rəhbəron-96

Bəle,jıqo qıləy barzə inson şıməku komək tələb kardedə və şıməni bə həxı səmt dəvət kardedə və şıməku tələb kardedə ki,bəy umuj bıqınən ta Cəməli əhd-peymoni darıştəkəson çəvon təcavuzkorə hərəkətonku peşmonko və səbarzəti bəvon nəsibko.həmonə dastə ki,həzrət Əli(ə) loyığinə dustonış kışteşone,çəy karquzaronku intiğom seşone.əvon beytul-molışon ğarət karde və ısət həm şımə mığobilədə səffışon kəşə,mandən.çən,ha məxloğ ha!əmr be məruf iyən nəhy əz munkəri bərpokənən və əyo çı çokə insonon iştiroki zəminə hozzıkənən.qıləy Yolə Xıdo (bın surətədə) ıştə rəhməti bəşmə nozil bəkarde”.

İmom Həsəni(ə)  ruşinəkə sıxanonku və çı Əli(ə) hukuməti iyən xilofəti mıxolifon mahiyyəti ifşo kardeyku əlovə,əvon deştə səhvə təhlilon səy kardedəbin ki,çı İmom Həsəni(ə) dəvəşə sima xərobkon.ə həzrət qıləy şucoətin iyən nıtarsə merd be və hiçvaxti çəy vucudədə qıləy tars və xof mevcud nıbe və İmom Həsən(ə) bo həzrəte Muhəmmədi(s) vardə əslə İslomi təsbit kardero,qıləy yolə şucoətış nışon doe.ə həzrət deştə Xıdo royədə bıə yolə fədokorəti çı Bədr,Uhud iyən Huneyni canqon pəhləvon  bıə həzrət Əli(ə) şıə xəttədə hərəkət kardero,Cəməli canqədə həm cəbhə navnə xəttədə be və bə deşmıni ləşkəri həmlə kardedəbe və bəvon sanqinə zərbəonış enovne.

Siffeyni canqədə həm de muaviyə ləşkəri cihod kardero millətiku bıə dastəon cəm kardero fədokroətiş nışon doe və deştə həyoconinə xutbəon Kufə milləti bə cihodi səmt şovğ doeyro yolə rolış ifo karde….

İmom Həsən(ə) iyən İmom Huseyni(ə) boimomət,din iyən nizomi royədə bıə mıborizəon və bın həxə royədə bıə ıştə coniku dəvardey qıləy həddədə zumand be ki,Siffeyni canqədə tars hestebe ki,əvon hətto bə şəhodəti məğami bırəson və çı peyğombəri(s) ım barzə yodiqornıştə coni bə conon ofəyə Xıdo təslimkon.əve həzrət Əli(ə) bəştə yarop-yavəron hamyeşe ki,çı Həsəneyniku mığət bıbənən ki,ım dıqlə çı Xıdo-Rəsuli(s) fərzəndonin.

İmom Həsən(ə) Mujtəbo Cəməl iyən Siffeyni caqnoədə iştirokiku əlovə,beşək ə həzrət de Nəhrivoni canqi məşhur bıə de Xəvaricon canqədə həm qıləy əsosə rolış ifo karde.həmonə bebəsirətin iyən ıştəni bənə mığəddəsə odəmon nışon doə dastə ki,bə əmr asi hiyləon tori eqınin və bə həzrət Əli(ə) Həkəmiyyəti mevzuşon doe ğəbul karde və çı ğələbə astanədə bıə həxı cəbhəşon de məğlubiyyəti dimbədim kardeşone.məələsəf ım beməxə qrup ki,de ımrujnə bənə DAİŞ təkfiri iyən terroristə dastəon mığoyisə kardey beydə və əvon həm çı İslomi deşmınon dastədə qıləy əbzorin,bənə qıləy inhirofə cərəyoni İmom Həsəsni(ə) zəmonədə nəyinki,bə ə həzrət koməkışon nıkarde,bəlkəm çı İmom Həsəni(ə) bə muaviyə ələyh bıə planon bəyənde jeydəbin və çı deşmıni bə Əhli-beyti(ə0 piyo bıə ğələbə zəminədə hozzı kardeyədə qıləy təsirinə rolışon ifo karde….