Təkfiri cərəyanon

Təkfiri cərəyanon

Əmə dəvardə bərnoməonədə səy kardemone təkfiri cərəyonon,çokonə de ədolət iyən sulh tələb kardə osmoniyə din bıə əslə İslomi təlimon ziddiyyət təşkil doey barədə de əsnədi bıə məlumotaon bəşmə xıdmət bırosnəmon.bə Kərimə-Ğıron iyən bə həzrəte Muhəmmədi(s) vardə şəryət iyən bə ə həzrəti Əhli-Beyti(ə) şıə roy əsos bıə mənbəon işorə kardemone.

DAIŞ və co təkfiri qrupon islomi dınyoədə həyği iyən təbiiyi tələbonku bə əməl omə cərəyononku zıney nibəbe.bəlkəm,əvon ğeyri-təbiiyi surətədə və bə qıləy əvəz bıə amilon təsiron xoto,bə əməl omə və ruşdışon pəydu kardə.çoko ki,bə bovə kardənin iyən ğoymə sənədon əsos,ım cərəyonon bənə vəhhabiyyəti fırğəon de ğərbi streteqiya baxşi həmohənq,bo İslomi dınyoədə təfrığə iyən ixtilof icod kardero və nəticədə İslomi dınyo coğrafiyədə veyə nufuz pəydu kardero bə əməl omə.çın siyosəti hədəfonku qıləyni mığoviməti mehvəri zəyif kardey,coğrafi marzon əvəz kardey iyən mısılmonə kişvəron  çəvon sultə və mənfəəton cəhətədə hərəkətkon və və seonist rejimi himoyə kardeye.ım qıləy holədəy ki, seonist rejim çı mısılmınon de iyande canq kardey və çəvon miyono ixtilof eğandey,həmməsə vey bə seonist rejimi nəf və xeyriye.təkfiri dastəon  çı ğərbi islomofik siyosətonku ibaxşi roli ifo kardedən.təkfiri dastəon ıştə vəhşi iyən hoziyə hərəkəton dəvom doey,bo ğərbi informasiyə vositəon qıləy istisno fırsəton icodış karde  ta əvon dınyo iştimoiyyəti vədə çı islomi sima və imici xərobkon.əvon de İslomi nomi vəhhabiyon çı beqınoə insonon sə bırniye nışon doey,səy kardedəbin İslomiku qıləy hozi iyən vəhşiyə obrazi bısoxton və de ın roy vositə çəvon islomofobiyə hərkəton komil bıbu.mediya iyən sosyal şəbkəonədə ın ğətlı-amonku i hissə nışon doey,çı DAIŞ-i mediya strateqiyəku ibaxş  be ki,de ın roy vositə əvon de ğərbi təbliğoti strateqiyə həmohənq iyən i cəhətədə be.DAIŞ beməhdud iyən hovujə surətədə çı sosyal şəbəkəonku bəhrə bardedəbe və çəvon de ğərbi informasiyə vositəon bıə nezə robitəon vey oşko məlum be.DAIŞ-i fəoliyyət nışon doə əsosə sahəonku qıləyni həmonə sosyal şəbəkə və informasiyə vositəon bin.deməkə ki,əvon məntıği əhl nıbin,əmmo bə soyal şəbəkə və mediyaku oko doey,ziyodə iştiyoğ və həvəsışon hestebe.ım təkfiri dastəon de istifodəçiş vey bıə kutləvi informasiyə vositəon roy, ıştə radikal və ifroti əndişə və təfəkkuron tərvic kardedəbin.məsələn,əvon Tvitter,feysbuk, və instaqramədə səyfəonışon oj kardəbe ki,əyo ıştə vəhşiyonə cinoyəton və insonon çoko fociyəvi formdə ğətlı-am kardey nışon doydəbin.....

DAIŞ de barzə tiraji bıə qıləy nəşriyyatış çandə qılə zıvonədə mıntəşirişon kardə ki,əvoni ıştə işğal kardə sərzəmini məntəğəonədə pevolo kardedəbin.ım qrupi cinoyətkorə uzvon çı sənədinə filmon soxtə kəson təcrubəonku oko doydən ta qıləy zumand iyən cozibədorə bərnoməon bısoxton.”Şpiqel” haftənomə  qıləy hesobotədə foşış karde ki,avropə şirkəton  de sputniki sistemon vositə bə DAIŞ-i İrağ iyən Suriyədə bıə uzvon bə peyk anteniyaon dast pəydu kardey imkoni hozzı kardeedə.bın hisobotədə omə ki,DAIŞ İrağ iyən Suriyədə çı avropə peyk anteniyə operatori internet xıdmətonku istifodə kardedən.DAIŞ-i işğal kardə məntəğonədə çandə sa qılə çın peyk anteniyə təchizoton onə bıə ki,ım həm bə interneti dast rəse imkonati zəminə boəvon hozzı kardedəbe və əvon ıştə təbliğot iyən məlumaton de ın roy vositə pevolo kardedəbin.bə ın haftənomə hisoboti əsos,DAIŞ-i peyk təsisoton məxsusən de avropə kommunikasiyə şirkəton min cumlə de ingiltərə Avanti Communications və fransə Eutelsat şirkəton rabitəş hestebe.DAIŞ informasiyə vositəon dəhşətinə strateqiyəku ,çı coqlə yavə hədəfon bə vırə rosneydəbin.