Ilahi Rəhbəron-99

Ilahi Rəhbəron-99

Muaviyə çı İmom Həsən Mujtəbo(ə) nomə ğəbul kardey bədiqə,bo ə həzrəti qıləy noməş nıvışte və bəvədə səyış karde ıştə iyən ıştə xıyzoni mənfiyə cəhəton nəfy və inkorko.əv ki,çok-çoki zıneydəbe çı Əhli-Beyti(ə) Xıdo bvon əto kardə əxloği,siyosi iyən dini diroyət de hiç kəsi mığoyisə bıənin ni.əve ıştə nomədə bə İmom Həsən Mujtəbo(ə) xitobən nıvışteşe:ıştı noməm ğəbul karde və Xıdo-Rəsuli(s) iyən çəy fəzilıəton həxədə bəyon kardə çiyon dərəsim və zıneydəm ki,əv çı insonon sıftənəku de tosə oxonə qıləyni miyono həmməysə ləyoğətinə şəxs be.ın ummət Xıdo-peyğombəri(s) canişinəti barədə bə ixtilof eqınin.hiçvaxti şımə fəzilət və de Xıdo-Rəsuli(s) nezəti iyən şımə kanə torıxışon çı yodo bekardəni və şımə İslomədə bıə məğamışon inkor kardəni.əmmo,demiyən bə İmomi(ə) dıqlə nımoyəndə voteşe:oqardənən ki, çımı deşmə miyono fəğət şımşi hakiməti bəkarde. ….

İmom Həsən Mujtəbo(ə) de muaviyə miyono ziyodə noməon nıvıştey be ki,çəvon məcmuəku dərəsey beydə ki,İmom Həsən(ə) ıştə qırd cəhdonku okoş doe ta çı canqi vəy bıqəto.əmmo,çoko ki,vindeşe myaviyə qıləy dıjdə ləşkərış hozzı kardə və bə İraği səmt hərəkət kardedə,rəyrə çı Xıdo-Rəsuli(s) məşhurə səhobəonku qıləyni və çı İmom Əli(ə) bəfodorə dust və Əhli-Beyti(ə) tərəfdoronku bıə Hucr ibn Ədiyyış vıjniyeşe və ta bə millət iyən bəştə sərkərdəon xəbə bıdo ki,bo de muaviyə ləşkəri canq kardero hozzı bıbon.co tərəfiku həm de ə həzrəti əmri çəy yaro-yavəronku qıləyni millətiku tələbış karde ta məçitədə cəm bıbon.camaati cəm bıey bədiqə,İmom Həsən Mujtəbo(ə) bəsə minbərisə nışte,binoş karde bo sıxan karde və hamyeşe:”vohidə Xıdo cihodış boştə bandəonış vocibış kardə və əvış bə xoş nıomə çiş elon kardə.peşo aqah bıbənən ha millət ha!şımə bəştə piyə çiyon dast pəydu nibəkardiyon illa ki,çı bədbəxtiyon mığobilədə səbrkon.bəmı xəbə doey bıə ki,muaviyə de qıləy ləşkəri bə İraği səmt hərəkətış kardə.mı şıməku piyedəme ki,deçəy ləşkəri canq kardey iyən çəvon bşəmə sərzəmini daxil bıey vəy qəteyro,bə İslomi ləşkəri səmt hərkətkənən”….

Məələsəf məçitədə hozzı bıə kəson de betafutinə holi sukutışon ixtiyor karde və bə İmom Həsən Mujtəbo(ə) hiç qıləy cəvobışon nıdoe.Udey  ibn Hatəm bəsə səpoysə əhışte və de şiddətinə norohətçəti ıştə dimış qəte bə milləti və voteşe:”bə Xıdo pənoh bardedəm şımə çı vey yavə rəftoron heste.aya həxı tələb kardey və bəştə imom iyən rəhbəri komək kardey nido və sədoon nıməse?şımə çı ilahi ğeyz və ğəzəbiku tarseydəniyon?”peşo bə İmomi(ə) dimış qəte və voteşe:”əmə şımə sıxanımon məse və ıştı əçmri çəş kardedəmon və bəştı nəzə əsos bıə bə har qıləy əmri pemandedəmon.az ısət hozzım ta bə ləşkəri səmt hərəkətkom.çən,hakəsi dılış heste, demı bə ico hərəkətko”.peşo əv çı məçitiku xaric be və bə Kufə nezədə iyən bə şami roy səmt  bıə Nuxeylə tərəf hərəkətış karde.çəy bəpeştə çandə nəfər ıştə vırəku əyşte və millətışon mızəmmət kardeşone və əvonış bo Xıdo royədə cihod kardero təşviğış karde.əmmo,çun kamə insonon bə İmom Həsən Mujtəbo(ə) dəvəti ləbbeykışon vote,ə həzrət noçor mande se ruj ıştə hərəkəti bə təxir eğando və de co qıləy xutbə handey millətiku tələbış karde ta əvon ıştəku sıstəti nışon nıdon və bo de muaviyə canq kardero hozzı bıbon.əmmo,İmom (ə) qırd ım səyon jəqo həm muvəffəğamiz nıbe.çıro ki,əvon həmonə kəson bin ki,Xıdo-Rəsuli(s) bəfoti bəpeştə çoqlə xəlifəşon vindəbe və ısət pencminə xəlifə hukuməti zəmonədə jimon kardedəbin.həmonə camaat ki,ıştə curət və cəsorətışon pəydi kardəbe ta çə navnə çoqlə xəlifə seqlə bıkışton.əvon harçənd zohirədə de İmomi(ə) beyətışon kardəbe,əmmo həssos iyən təhlukəninə zəmonədə deştə zevğ iyən fiki hərəkət kardedəbin.