Ilahi Rəhbəron-101

Ilahi Rəhbəron-101

De qırd ımon bə ico,İmom(ə) deştə nizom-intizomış bəyənde qıniyə ləşkəri hərəkətış karde və Mədayini şəhri kəno Bisabat nomo qıləy məntəğədə mandin və şəvışon əyo dəvordıne.çun zəmon ome rəse,həzrəte İmom Həsəni(ə) bə ğərol ome ta təğribən ço həzo mığdorədə bıə ıştə əmandə ləşkərış qırdəko və ıştə həyğiyə duston iyən çəvon bəfodorəti məlumko.de ın məğsədi ə həzrəti qıləy xutbəş hande və hamyeşe:”şık bə Xıdo,çoko ki,şukrəkəyon çəy dərqoyədə şık kardedən.şoydəti doydəm ki,ğərəz Xıdovəndi co qıləy pərvərdıqor ni.şoydəti kardedəm ki, Muhəmməd(s) Xıdo bandə və vığandə peyğombəre ki,əvış de həxə ayini bə risolətış məbus karde və ıştə vəhyi əminış ğərol doe.əmmo,bəəd,bə Yolə Xıdo ğəssəm,az hejo umudəvom Ğadir, Mutəalə Xıdo sıtoyişkom və Xıdovəndi boçəy bandəon həmməysə xeyrxahə bandə bıbum.az hiçvaxti ıştə dılədə qıləy mısılmoni kin-kudurətım perosnəmni və hiçvaxti bo hiçkəsi bədi iyən fitnəm piyəmni.aqah bıbənən ki,ibemon iyən vohidəti,çı təfrığə iyən coətiku vey çoke.mı şımə xeyrım şımə fik kardə çiysə vey,nəzədəm heste və binobərin bə çımı fərmoni pemandənən. vohidə Xıdo mı iyən şıməni bəştə lutf iyən baxşeşi şomilko və əməni bəştə piyə çiyon və roziyəti tərəf hidoyətko və ro nışon bıdo.çoko ki,İmom Həsəni(ə) həkimonə iyən dıləsutə sıxanon bə oxo rəse,əyo hozzı bıə kəson bə iyande diyəşon karde və çı iyandeyku dəparseydəbin ki,çəy məğsəd çiçe?çəvonku kali qıləyni voteşone:bə Xıdo ğəssəm, əmə  qımon kardemone ki,əv de muaviyə sazışko iyən hukuməti bəy təslim kardey fikədəy.peşo vanqışon je ki,ım merd səfi bıə.ım dastə həmonə bebəsirətin iyən ıştəni bənə mığəddəsə odəmon nışon doə kəson bin ki,Siffeyni canqədə Həkəmiyyətışon dezzu bə həzrət Əli(ə) ğəbul kardeyışon doe və çəy bədiqə sərəsin ki,deşmınon əvonışon bə dast dənoə,əmmo ijən çı Məsumə İmomi(ə) kufri hukmışon sadir karde……

İmom Həsən Mujtəbo(ə) çəvon ım təcavuzkoronə həmləonku əmonədə mandey xoto,bə qıləy asbi suvar be və deştə çandə qılə bəfodorinə yaro-yavəron hərəkət kardey fikış hestebe ki,xəvariconku qıləyni de xəncər və nizə bə ə həzrəti həmləş karde və ə həzrətışon şiddətinə formədə zəxmin kardeşone.joqo ki, çəxo bə İmomi(ə) astə həm eşe.İmom Həsən Mujtəbo(ə) yaro-yavəron  çə həzrəti yarəjə bədəmışon bə İmom Əli(ə) karquzar Səid ibn Məsud Səğəfi kəşon barde.çımisə əlovə I dastə ğəbilə yolon bə mauviyə qıləy noməşon nıvışte və əvışon təşviğışon karde ta bə İraği səmt hərəkətko və təəhhud kardeşone ki, əvon de muaviyə ləşkəri nez bıey,İmom Həsəni(ə) dastqir bəkardeyn və əy dast bastə holədə bə muaviyə təhvil bədon.muaviyə çın fırsətiku istifodəş karde və de qıləy nomə bə İmom Həsəni(ə) nıvıştey,bə həzrəti voteşe:de bə jıqo fərdson peştıpur kardey,tı çokonə demı canq kardeyro bə meydon daxil biiş?...

Muaviyə zohirədə çı milləti etımod kardə çandə nəfərış,çı İmom Həsəni(ə) palu vığandeşe.ım dastə Mədayini şəhrədə de İmom Həsəni(ə) mıloğat və vindemonışon karde və qıləy zəmon ki,çı İmomi(ə) çoduku xaric bin,çı milləti miyono duyədə voteşone:”Xıdovənd de peyğombəri(s) fərzəndi vositə fitnəş bərtərəf karde və çı canqi otəşış okuşte və Həsən ibn Əli(ə) de muaviyə sulhış karde və milləti xunış hifz karde,oqətışe”.binobərin qıləy şərayitədə ki,çı İmom Həsən Mujtəbo(ə) seqlə dumo yənde de mauviyə təhdid iyən təmi`I bə muaviyə anqıl qınin və de xəvarici nufuzi iyən deçəvon bə İmomi(ə) kufri ittihomi və de çandə qılə ğəbilə bə mauviyə ıştə bəfodorəti elon kardey və ıştəni bənə dusti nışon doə kali deşmınon psixoloji canq,həni çı İmomi(ə) bo sulh kardey co qıləy roş nımande.muaviyə boştə ğudrəti təsbit iyən boştə hədəfon bə həyğət rosnero harçisə həm vey bə qıləy sulhamiz və oromə cuyə ehtiyociş hestebe.bə həmonə dəlili xoto,de ımrujnə təbiri qıləy de sipiyə imzo bıə noməş bə İmom Həsəni(ə) nıvışteşe vığandeşe və bo çə həzrəti qırd şərton ğəbul kardero ıştə hozzıətiş elon karde.İmom Həsən(ə) çın fırsətiku vey çokə formədə bəhrəş barde və həmməysə muhim iyən həssosə mevzuonku bəhsış karde və əvonış iminə dərəcədə ğərolış doe və bəçəy əsos qıləy sulhi sazişış imzo karde və muaviyəku qıləy təəhhudış se ki,əv bə ın sulhi sazişi maddəon rioyət bəkarde..….