Ilahi Rəhbəron-103
Ilahi Rəhbəron-103
Ilahi Rəhbəron-103
Sulhi muğavilə penc qılə bəndış hestebe ki,de tətribi çımonku iborət be:Həsən ibn Əli(ə) çı hukumət və hakimiyyətiku dast kəşeydə,de ın şərti ki,muaviyə bə Məcidə-Ğıron iyən bə peyğombəri(s) sınnət və adəton rioyət bəkarde.muaviyə bədiqə xilofət bə Həsən ibn Əli(ə) məxsus bəbe və ehanə boəy qıləy hodisə bənav beşe,Huseyn ibn Əli(ə) çı mısılmınon koon yolyəti və hukuməti bə dast bəqəte və muaviyə həxış ni boştə qıləy canişin təyinko.bə Əmirəl-Muminin(ə) məçitonədə ihonət kardey ləğv bəbe və ğərəz çokəti ə buzurquvar zikr kardey nıbu.Kufə beytul-malədə mevcud bıə molon bəpe çı muaviyə hukuməti zəbtiku xaric bıbu və çı Həsən ibn Əli(ə) nəzorəti jiyədə və bo mısılmınon məsləhəton xoto xarc kardey bıbu.və həmçinin muaviyə bəpe çı Darabgerdi şəhri maliyyatiku qıləy məbləği çı həzrət Əli(ə) rikab iyən tərəfədə Cəməl iyən Siffeyni şəhid bıə kəson xıyzonon miyono təğsım və baxşko.muaviyə bəpe təəhhudko və bəştə ehdə peqəto ki,qırd milləti ısət çı Şam, İrağ, Hicoz iyən Yəməni millət bıbu,deştə ənmniyyəti ğıvvon təğib nıko və çəvonku hiçkəs bəştə dəvardə fəoliyyəton xoto,de əzob-əziyyəton dimbədim nıvon.çımonsə əlovə,muaviyə bəpe bə həzrət Əli(ə) qırd duston ki,har vırədə həm bıbon, əmon bıdo və bə həzrət Əli(ə) şiəyon ələyh hiç qıləy təcovuzkorəti nıko.əv bəpe çəvon molon mısodirə nıko və həmçinin çı muaviyə iyən çəy karquzaron tərəfiku bo Həsən ibn Əli(ə) iyən bo Huseyn ibn Əli(ə) hiç qıləy xətər və təhdid nıbu…….
In peymon nomə bə oxo rəsey bəpeştə,muaviyə bəştə ehdəş peqəte ki,bəçəy qırd maddəon ehtırom bənoe və dəğiğən bəy əməl bəkarde və bın məslədə Xıdoş şoyd qəte və çı Şami yolon həm əvışon təsdığ karde.çın mığovilə maddəon ımi bəyon kardedə ki,İmom Həsəni(ə) bəştə fərmondoron və duston xəyonəton rəğmən,bın muğavilədə de ğudrəti mevğıyyəti rəftorış karde və ə həzrəti nəyinki,bə muaviyə hiç qıləy qədə imtiyozış nıdoe,bəlkəm çı sulhnomə mətnədə ğeydış karde ki,bə muaviyə hiçvaxti əmirəl-muminin votey nıbu və çəy şoydəti həm ğəbul nıbu.bə həmonə dəlili xoto,çın sulhomə macəra bədiqə muaviyə bə ikkərə hissış karde ki,əv qırd ərsəonədə xəlı-siloh bıə və çəy hiç curnə icro kardey ğudrətış ni.bə həmonə dəlili xoto,de şiddəti peşmon be və bə ğərol ome ki,bən sulhnomə maddəon əməl nıko.əve əv bəştə Nuxeylədə bıə orduqo oqarde və qıləy cımə nımojış bərpo karde və ıştə xutbəonədə voteşe:bə Xıdo ğəssəm bıbu,mı deşmə canqım nıkarde ki,şımə nımoj bıvotən ya rujə bıqətənən.az bəçəy xoto deşmə canqım karde ta bəşmə hukumətkom və Xıdo həm çımı ım tələbş bə vırə rosneşe.harçənd ım bəşmə xoş həm nıvo.aqah bıbən ki,mı de Həsən ibni Əli(ə) və`dəonım doe və de əhd-peymonım baste və ısət həm qırd əvoni ıştə lınqi jiyədə noydəm və bəçəvon hiç qıləyni əməl nibəkardem....
Təbiiye ki,əgər muaviyə bə ım sulhnomə maddəon əməlış kardəbe,tədricən çı İmom Həsəni(ə) hədəfon bə vırə rosney əbi.zira,bə muaviyə nəzə əks, çı İmom Həsəni(ə) bə xilofəti nəzə fəğət ğudrət və hukumət kardey nıbe,bəlkəm çə həzrəti əsliyə hədəf bə İslomi ğanunon icro əsos rəhbərəti kardey bıə ta həzrət Muhəmmədi(s) vardə İslomə dini xosə jimon baxş kardə təlimon camiyədə bərpo bıbu və qıləy nəbəvi idealə nizomi camiyə icod bıbu və çı əməvi qırd yavə təhrif iyən bidəton çı miyoniku bışon.çı İmom Həsəni(ə) şıə ın xətt de ruşinə fiki ımi bəyon kardedə ki,İmom(ə) de qıləy çokə tədbiri ım sulhnoməş imzo kardə.çun ki,ə həzrət çı mauviyə bə ğudrət rəsey həyğiyə mahiyyətiku xəbədo be
