Ilahi Rəhbəron-106

Ilahi Rəhbəron-106

Harçənd İmom Huseyni(ə) ıştə mıborəkə umri fəğət şəş sorış de islomi-peyğombəri(s) dəvordınəşe və həmçinin həmonə zəmoni mığdorədə ıştə inə həzrəte Zəhro(s) qamə vanqoyədə tərbiyəş vinde, perəse. əmmo,çı İmom Huseyni(ə) şəxsiyyəti əsos həmonə bın kırtə zəmonə bə əməl ome və formə dəşe.əv həm qıləy peyğombər ki,çı peyğombəron vıjniyə bıə qıləyniye və çəy inə həm çı hestemoni aləmi sərvər bıə qıləy inəy.qıləy peyğombər ki,Xıdo əvış bo həmmə insonon ulquş ğərol doə və qıləy moə ki,Xıdo-Rəsuli(s) bəy qıləy məxsusə dığğətış hestebe.İmom Xomeyni(r) İmom Huseyni(ə) çı pokə həzrəte Zəhro(s) tərbiyə vırədə yol bıye və perəsey və çə yolə xanımi barədə həxədə jıqo hamyedə:qıləy jen ki,qıləy qədə kə və hucrədə insononış tərbiyə kardeşe ki,çəvon nuron zəminiku de tobə fələkon və çı mılki aləmiku de tosəaliyə mələkuti vavriski doəşone. Xıdovəndi səlom sələvot bə ın hucrə ki,ilahi əzəməti nuri cilvəqo iyən Odəmi əvlodon fərə perəsə vırəy.....

Bəle,İmom Huseyni(ə) jıqo qıləy əzəmətinə mərkəz və vırədə ıştə hırdənəti zəmonış dəvordınə və ə həzrətış qıləy komilə insonış karde və jıqoş perosne ki,qırd bəşəri dınyoş bəştə təsiri jiş dənoe.çımonsə əlovə İmom Huseyni(ə) nevcıvonəti iyən cıvonəti zəmon si sori mıddətədə çı Əmirəlmuminin Əli(ə) kəno dəvardəbe.qıləy həsso iyən tale həlləkə devron ki,bo har qıləy insoni məxsusən torıx soxtə şəxsiyyəton  vəomə jimonədə təyinəkə rolış ifo kardə.əvhəm qıləy pı kəno ki,çı imon,əxloğ,ıştə coniku dəvardey, ibodət və bandəçəti,bə Xıdo bovə kardey iyən Xıdopərəstəti məzhər və simvol be və dayima İlahi mıstəğim iyən sərostə royədə qəmış şode və hiçvaxti çı ədolət iyən insofi çərçivəku xaric nıbe.

Həlbəttə,İmom Huseyn(ə) hırdənətiku bə jıqo tel iyən dardnokə hodisəon şoyd be.İslomi əzizə peyğombəri(s) bəfot iyən qıləy kırtə mıddətədə çəy inə həzrəte Zəhro(s) ıştə cıvonəti zəmonədə şəhodəti məzlumonə şəhodətış mışohidə kardeşe və peşo 25 sor ıştə təbiyi həxıku dəvardə həzrət Əli(ə) kənoyədə mande və qırd ım de etat-petati pur bıə zəmonədə bəştə pı həzrət Əli(ə) fərmonon səş təzim karde və Cəməl,Siffeyn iyən Nəhrivani canqonədə bənə qıləy fədokorə şəxsi ıştə dasto omə şucoətonış nışon doe.....

Kufə  ibodəti mehrobədə Həzrət Əli(ə) şəhodəti bəpeştə,İmom Həsəni(ə) imomət bino be.İmom Huseyn(ə) bın vey saxt və bə xoş nıomə devrononədə çəy əzizə bıvə İmom Həsəni(ə) de muaviyə bıə nomə nıvştey səhnəonon vindedəbe.de tosə qıləy zəmoni ki,sulhi muğavilə bə İmom Həsəni(ə) ətrofədə bıə bebəsirətinə kəson xəyonəti və xəvaric iyən mınofiğon dəlili xoto,ə həzrəti de muaviyə sulhi sazişış imzo karde.İmom Həsən(ə) sulhi muğavilə bədiqə  çı Kufəku bə Mədinə şəhri şe və da sor əyo mande tayin ki,bə şəhodəri məğami rəse.İmom Həsən Mujtəbo(ə) bəfoti bəpeştə həzrət  İmom Huseyn(ə) imoməti zəmon bino be......