İylep,Amerkə İrağədə mədəni nufuzi strateqiyə

İylep,Amerkə İrağədə mədəni nufuzi strateqiyə

Vəynə bərnomədə votemone ki,Amerkə bın oxonə soronədə mıxtəlifə sahonədə bə İraği de zumandəti nufuz kardero  cəhdonışon kardə.çəvon ım muhimmə hədəfonku qıləyni əyo mıxtəlifə ali mıəssisə və mədəni məkonon ojbemon be.həyğətədə,amerkəvıjon  İraği məmləkətədə çın ali məktəb və mədəni mərkəzonku boştə siyosət və  mevğıyyəton bənav bardero istifodə kardedən.

Bə Amerkəvıjon nəzə əsos,İrağədə ın ali mıəssisəon bəpe bə çın kişvəri zəruri ğısməton nufuzkon və çəvon siyosəton demokratik bıkon və əvoni bə qıləy mədəni camiyə təbdil bıbu.çəvon nəzəku İraği unversteton bə çın kişvərimsiyosi iyən sosyal məsələon və ziddiyyəton komək kardey potensiyalışon heste.bə həmonə dəlili xoto bo ali tədris mıəssiəon iyən tələbəon fırsəton icod kardedən ta ıvon bənə qıləy əvəzəkəyon nımoyəndə zohir bıbon.əvon 2003-ə soriku bədiqə ıştə təblığotədə  bımi təkid kardedəbin ki,unverstet və təlili iyən fərhənqi mıəssiəon İrağədə dəvominə sulhi icod kardeyədə rəhbər rol ifo kardedən.

Məsələn,təlimi sektor vey muhimmə baxş be ki,qıləy yolə səviyyədə İraği camiyə de budcə və təşkilotçəti problemi dimbədim be.Amerkə bə İraği həmlə bədiqə təğribən zıney beydəbe ki,İraği devlət təlimi sektorədə bə minimum i milyard  200 milyon dollari ciddiyə ehtiyociş heste.əmmo,jıqo qıləy məbləğ eyni və fakitiki ərsədə mevcud ni. Hətto 2003-ə sori Madridədə dəvordınə bıə İraği sənibəton soxtey konfransədə boçın kişvəri universtet iyən təlimi sektori hiç qıləy budcə və maliyyə koməkon co kardey nıbe.

Milodi 2004-ə sori əvəsorədə qıləy zəmon ki,Amürkə Konqres  bo İraği sənibəton soxteyro qıləy yolə rəğəmədə budcəş co karde,CAP-i yəni koalisiyə mıvəğğətə rəsmi şəxson bo çın kişvəri ali tədris mıəssisəon sektori 8 milyon dollarışon ğəbul karde.ım şərayit çımiku hikoyət kardedə ki,İraği ali tədris məktəbonədə Amerkə tərəfiku ruşinə cəhdon bə vırə rosney bıə ki.çəvon əksər sırfən de tələbon əloğədore,nəyinki,de infrastrukturon inkişofi və ozavzovney.bın cəhətədə AİŞ beynəlxalğ inkişofi aqentəti 2003-ə sori elonış kardəbe ki,çı amerkə de iraği mıəssisəon miyono mıştərəkəti icod kardero 22 milyon dollar co kardey bıə və ım xarc bə İrağıjə tələbon handovney və təhsili baxşi məxsus bəbe.....