Rəcəbə manqi xosə rujon
Rəcəbə manqi xosə rujon
Rəcəbə manq sori barz iyən de fəziləton pur bıə qıləy manqonkuye.qıləy nuyə fəsl ki,bə ilahi dərqo nez bıey aşiğonə tum bəvədə tişi jeydə və Xıdovəndi baxşeş və rəhməti nəsim bənə qıləy bədıl nıştə ətri odəmi coni ətrin kardedə.Rəcəbə manq çı qıno iyən ğəfləti dılədə pasış qətə dıl iyən conon şıştə və təmzi kardə manqe.qıləy manq ki,insoni ruf hasar və divoon darışteydə və bə ilahi dərqo səmt hərəkət kardedə.
Bın nuroniyə manqədə bo odəmi qıləy fırsət bənav beşeydə ta əv ıştə pərvərdıqori ibodətko və ım bandəçəti boştə ğənimət bızıno.əv bənə rujə,zikr və dıvo çı ğəflətiku oğo beydə ta çın de fəziləti pur bıə manqi mislış nıbə səmərə və mənəviyyati çok-çoki dərko.bın giromiyə manqədə bənə Əstəğfi...və ətu...və lailahə....zikri ziyod votey və bənə tohidi surəon handey,ziyodə məğfırət,rəhmət iyən həsənat dumo ıştə vardedə.
İmom Sadığ(ə)-iku nəğl bıə ki,həzrəte Muhəmməd(s) hamyəşe:”Rəcəbə manq çımı umməti istiğfori manqe.çən,bın manqədə məğfırət tələbkənən ki,Xıdovənd əbaxş iyən mehribone”.
İmom Kazım(ə) həm hamyedə:” Rəcəbə manq qıləy əzim(yolə) manqe ki, Xıdovənd odəmi çokə koon bəvədə çand bərobər bəkarde və qınoon məhv bəkarde.çən,hakəs bın manqədə iruj rujə bıqəto,isori roy mığdorədə çı cəhəndımiku bə diyəro bəbe və hakəs bın manqədə se ruj rujə bıqəto,vəhışt bəy vocib bəbe”....
Xıdo məhəbbətədə ıştə dıli girov nokəson,Rəcəbə manqi bərkətonku bəhrə bardey xoto,bə ın mıborəkə manqi an və ləzon,məxsusən bəçəy xassə rujon qıləy məxsusə dığğət kardedən. harçənd qırd Rəcəbə manq Xıdo iyən çəy giromiyə ovliya nəzdədə vey aziz və ğeymətine,lakin çəy kali vaxton qıləy xassə fəzilətışon heste.məsələn,Rəcəbə manqi iminə cımə şəvi qıləy məxsusə imtiyozış heste.İslomi-Peyğombər(s) hamyedə:”Rəcəbə manqi iminə cımə şəviku ğafil məbənən ki,məlayikon bəy”ləylətul-Rəğaib”(oruzoon şəv) votedən.çıro ki,şəvi sedə i hissə dəvardə zəmonədə,qırd firiştə və mələkon çı Kəbə kəy kəno muşərrəf bəbeyn.bın zəmon Xıdovənd deştə mərhəməti nəzə bəvon bəhamye:”çımı məlayikon çiçon piyedə,mıku tələbkənən.əvon bəvoteyn: bari-ilahi!çəmə hocət iyən tələbon ıme ki, tı bın Rəcəbə manqədə rujə qətəkəson bıbaxşoş! Xıdovənde-Mutəal bəhamye:”bəle,ın ləzə və anon bo tobə,inobə iyən aləmon mehribonə pərvərdıqori səmt oqardemoniro vey çokə zəmonone”.
