Ilahi rəhbəron-158
Ilahi rəhbəron-158
Mosə ibn Cəfər nəyinki,elmi nəzəku bəsə coqlə alimon iyən zınəkəsonku barz və bəpe be,bəlkəm əxloği fəziləton iyən isnoni barzə sıfəton cəhəto həm bəsə həmməkəsonsə barz və bəpe be.joqo ki,qırd alimon ki,de ə həzrəti de iftixori pur bıə jimoni oşno bin,çə həzrəti şəxsiyyəti əzəməti mığobilədə sə təzim kardedəbin.min cumlə əhlı-sınnəti dınyo məşhurə alim və muhəddis İbn Həcər Əsğəlani və həmçinin Şeyx Suleymon Ğunduzi nıvışteydə:”Mosa Kazım ıştə azizə pı elm,fəzl iyən kəmoli varis be və çı cokəson xəto iyən nodonəti mığobilədə ıştəku qıləy fevğəladə əfv iyən qızəştəti nışon doydəbe.Kazım yəni ıştə xım iyən ğəzəbi ebordənıkəsi mənoədəy.çəy zəmonədə hiçkəs İlahi maarif,elm iyən baxşeşədə bəçəy po və lıənqi rəseydə nıbe”....
İmom Sadığ(ə) de mənsur əbbosi məmuron vositə zəhrin be və çə həzrəti şəhodəri zəmonədə,mənsuri bə Mədinə fərmondori əmrış karde ki,bə ə həzrəti kə bışo və çəy varisi həm dərhol bıkışto.əmmo İmom Sadığ(ə) çəvon məkrinə plani vəyış qəte və fərmondor çə həzrəti vəsiyyotnomə bə dast vardə zəmonədə bə heyrət və təəccıbi ğərğ be.joqo ki,İmomi(ə) əyoş penc nəfəri nomış boştə varis ğeydış kardəbe.əvon çımonku iborət bin.bə zəmonə zolımə xəlifə mənsur dəvaniğ,muhəmməd ibn suleymon(Mədinə fərmondor), Əbdullah ibnn Cəfər ibn Muhəmməd(İmom Kazımi(ə) bıvə) Mosə ibn Cəfər(ə) və İmom Sadıği(ə) jimoni həmro Həmidə xanım
