İlahi rəhbəron-179

İlahi rəhbəron-179

İmom Rıza(ə) çı imoməti simo tərsim kardeyədə bıə bəyonoton dəvomış heste.əmmo bə çandə qılə nuktə nəzə kardey lozıme.Həştminə İmom(ə) qıləy şərayitədə jıqo şəffofə surətədə çı imoməti əzəməti həxədə çı Əbbosi hukuməti poytaxt bıə Mərvi şəhri Came məçitədə sıxan votedə ki,məmun çı ğudrəti ovc iyən pik həddədə be.İmom(ə) hiç qıləy vohimə və tars nıbə holədə de oşkoə holəti de İmomi barzə xıslət və xısusiyyəton tevsif iyn vəsf kardey məşğul be və ım xısləton bo milləti bəyon kardedəbe. coqləyni İmomi(ə) bəyonotonədə dığğət kardəninə muhimmə nuktə ıme ki,bə islomi qırd  fırğəon əks, peyğombəri(s) əsr və zəmonədə çəy bina noə bıə iyən de Xıdovəndi əmri Ğədiri-Xumi rujibə vırə rosney be və Əli(ə) bə Xıdo-Rəsuli(s) xilofəti iyən imoməti məsnəd və taxti nayil be və ə həzrət çı milləti imomət və rəhbərəti koş bəştə ehdə peqəte.coqlə əsosə mevzu ki,Həştminə İmomi(ə) bəy işorə kardedəbe,ım be ki,ım məğam de Xıdovəndi əmri de tosə rujıqori oxo,çı sıtəmkorə nizom  iyən zolımon  dimisə qıləy botıləti xətti kəşeydə.İmom(ə) de ın tərtibi nəyinki,çı əbbosiyon məxsusən çı məmuni məşruiyyət və qanuni bıey bə sıvoli ji bardedə,bəlkəm bə İslomi nəzə məbno iyən əsos ım nəzəon de tobə əbədi ruji bə rəsmiyyət zıneydəni.coqlə mevzu ım qıləy əsosə mevzuye ki,Xıdo xilofət iyən Xıdo-Rəsuli(s) imoməti məğam bə Əmirəl-Muminin Əli(ə) və İmom Həsən(ə) və İmom Huseiyn(ə) məxsus məğame.binobərin xəlifə unvon və məğam fəğət bə peyğombəri(s) pokə xanedan və xıyzoni məxsuse. oxonə nuktə həm ıme ki,fəğət İmom Məhdi(əc) hakimiyyəti zəmonədəy ki,islom İYƏN ÇI Ilahi həddonku nığo bədoe,mıhofizə bəkarde və Xıdo hukmon  icro bəbe.fəğət məsumə imominin ki,Xıdo zəmini dimisə əmin iyən boçəy bandəon bıə huccət və dəlilonin…..

Haftminə İmomi(ə) məzlumonə formədə bə şəhodət rəsey bəpeştə idastə de vağivifiyyə nomi bə əməl ome ki,əvon bo çə həzrəti zəmoniku baği mandə vucuhat və pulon təsərruf kardey iyən boştə peqəteyro cəhdışon karde və kulliyə surətədə əvon çı həzrəte İmom Rıza(ə) imomətışon inkor karde və deştə səhvə təsəvvıri çı İmoməti silsilə bə oxo rəsey nışon doey piyedəşonbe.ım qrup de ım inhirofə nəzə çoko ki, vindeşone  de Həştminə İmomi(ə) şərifə umriku çılı çandə sor dəvardey bə ico,çə ə həzrəti qıləy fərzəndış ni,ijən əvon bə səhnə omin və de dılışon hestebe iştimoyi fiki bəştə səmt dəkırnon və cəlbkon.ım mevzu bo ə şiəyone ki,əksəriyyət təşkil doydəbin,qıləy norohətkə mevzu be.boçi ki,bə peyğombəriku(s) iyən məsuumə imomonku(ə)rəsə xəbon əsos ım qıləy ğətiyə məsələ be ki,Xıdovənd hukmən bə ə həzrəti qıləy zoə fərzənd əto bəkarde ta həmonə imoməti məsir iyən roy dəvom bıdo.hətto qahi zəmon əvon bə İmom Rıza(ə) xıdmət rəseydəbin və çə həzrətiku tələb kardedəbin ki,dıvoko ta Xıdovənd bəy qıləy zoə fərzənd ətoko.ə həzrət həm bəvon dılvandi doə holədə hamyeşe:”beşəkk Xıdovənd bəmı qıləy fərznd bədoe ki,çımı bəpeştə varis iyən imom bəbe”.(Biharul-Ənvar,50-ə cild,səyfə-15)…..