Kərbəlo əsiron,həyğəti mesaji vardə kəson
Kərbəlo əsiron,həyğəti mesaji vardə kəson
Kərbəlo əsiron,həyğəti mesaji vardə kəson
Məhərrəmə manqi donzəminə ruji Kərbəlo daşti əsiron bə Kufə şəhri varid bin.qıləy şəhr ki,de hiylə iyən kələki pur be.qıləy şəhr ki,çəy merfdon çandə sa qılə beyəti nomə bo İmom Huseyni(ə) vığandəşon be və bə Xıdo-Rəsuli(s) nəvə bəfodorəti sıxanışon doəbe.əmmo de rohətə formə əvon ıştə əhdı-peymonışon darışte və ıştə dinışon bə dınyo mol və məğami həvatışone. əvon nəyinki,ıştə beyətışon darışte,bəlkəm roşon bo İmom Huesyn(ə) iyən boçəy xıyzoni dəbastışone və kərbəlo telə vağiyəşon bə əməl varde.bə jıqo qıləy milləti pur bıə bə qıləy diyor iyən şəhri daxil bıey,bo əsiron kərvoni məxsusən bo həzrəte Zeynəb(ə) iyən bo İmom Səccodi(ə) vey saxt iyən çətin be...
Kufə şəhr de ziyodə hıvoskə və nığovonon çı nəzorəti jiyədə be.əvon tarseydəbin ki,Əhli-Beyti(ə) piyəkəson de Kərbəlo şəhidon səon iyən əsiron vindey ğıyomkon.çoko ki,əmniyyətışon hiss karde,munadi vanqış je ki,ım səon bə kəson məxsuse ki,de yəzidi beyət kardəşon ni və bə mısılmınon xəlifə ələyh xuruc və ğıyom kardəşone.Kufə xəbisə vali ıbn ziyod ki,Kərbəlo hodisə bə əməl vardəşbe,Əhli-Beyti(ə) bə Kufə şəhri varid bıey bənav çı Kərbəlo şəhidon səonış bə umər s`ədi oqordınışe və əmrış karde ki,həmonə səon bəsə niyzəonsə ejənon və çı Əhli-Beyti(ə) navədə bə şəhri daxilkon.əv de ın yavə rəftor və beehtıroməti dılış hestebe çı yəzidi ğələbə və səbarzəti bə milləti nışon bıdo və milləti çı hukumətiku bıə tarsi ziyodko.....
Nizə bə dast qətəkəson bə şəhri varid beyədə İmom Huesyn(ə) mıborkə sə qıləy holədə ki,xuni dılədə be,çı naviku hərəkətədə be.əmmo bənə qıləy Həşi dəvəşedəbe.de Kərbəlo şəhidon səon iyən əsiron bə şəhri daxil bıey milləti binoş karde bo bəme iyən şivəni.
Muslim Gəckar nomo qıləy şəxs çı əsiron kərvoni və şəhidon səon bə Kufə şəhri varid bıey barədə jıqo nəğl kardedə:ibn ziyod bəmı fərmondorəti bina təmir kardey əmrış kardəbe.deştə koy məşğul bim ki,Kufə ətrofədə sər-sədo və hay-huyım məse.demı bıə xadimiku dəparseme ki, Kufədə qırd ım nolə və bəme sədo çiçe?voteşe:bın saətədə bə yəzidi ələyh beşə xariciyon səon vardedən.voteme:ım xariciyon kiyonin?voteşe:Huseyn ibn Əli.çoko ki,ımım məse,cınqıri səbrım karde ta həmonə xadim bə kəno beşo.peşo bə ziyodə ğəmi xoto,az bəştə dimi qıləy ğoymə sillim je.fərmondorəti binaku xaric bim və vindeme ki,təğribən çıl qılə şatur bə şəhr daxil beydə ki, hırdən iyən jenon bəvon suvar bıəbin.çəvon miyono həzrəte Seyyiduş-Şuhədo jenon iyən hərəm və Fatmə(s) əvlodon bin və İmom Səccod(ə) ki,bəçəy qərdən.daston iyən lınqon zəncir jıey bıəbe vindeme ki,bə zənciron şiddəti xoto xun çəy qıy və qərdəni rəğıku cari beydəbe......
Muslim ıştə sıxanon dəvomədə votedə:Kufə millət bə hırdənon nun de xımo doydəbin ki, ğəflətən Ummu-Kulsumi bə Kufə əhli səmt fəryodış je və hamyeşe:”innəs-sədəğətə ələyna həramon”-sədəğə bəmə Əhli-Beyti(ə) hərome VƏ ƏVONIŞ ÇI HIRDƏNON DASTİKU SEŞE Və bə diyəro ğandeşe.ah,çokonəye ki,peyğombəri(s) nəvə İmiom Huseyni(ə) nohəxədə kıştəkəson bəçəy fərzəndon nun iyən xımo doydən? Va əcəba çı Kufə camaati dastiku!Ummu Kulsum de Kufə camaati bəme və bəvon dıl sutey mışohidə kardey,ıştə səş çı məhməl iyən kəcovəku xaricış karde və fəryodış je:”ha əhle Kufəha!sakit bıbənən və şımə merdon əməni kıştedən və şımə jenon bəmə bəmeydon?Xıdovənd ğıyoməti ruji çəmə deşmə miyono hukmko!.....
