Kərbəlo əsiron,həyğəti mesaji vardə kəson-3

Kərbəlo əsiron,həyğəti mesaji vardə kəson-3

İslomi alim Şeyx Mufidi İrşadi kitobədə  bəyon bıə ki,Bəni Əsədi ğəbilə çı Kərbəlo ətrofədə sakin bin və İmom Huseyn(ə) iyən çə həzrəti bəfodorə əshobi şəhodəti dı ruj bəpeştə bə Kərbəlo hodisə məhəll və vırə omin və bəçəvon mıborəkə cəsədon nımoj handeşone və əvonışon dəfn kardeşone. mıvəssəğ iyən səhihə rəvoyaton jıqo nəğl kardedə ki,bə Kərbəlo şəhidon sə çəvon bədənonədə nıbey dəlili xoto,Bəni Əsədi ğəbilə sərqərdon və avarə mandəbin və zıneydə nıbin ki,ım bədənon kom qıləy şəhidon məxssue.ğəflətənn dıqlə niğb bəştə dimi jıə şəxs nez bin.çəvonku qıləyni İmom Səccod(ə) be ki,de Xıdovəndi izn iyən ğeybi imdodi bə həmonə vırə oməbin.ə həzrət besə bədənonış məlum kardeşe və peşo bəştə əzizə İmom Huseyni(ə) bədəni nımoj handeşe və ə həzrəti pokə bədənış dəfn kardeşe.de İmom Səccodi(ə) bə Kərbəlo şəhidon pokə cəsədon nımoj handey be və peşo de ə həzrəti koməki çəvon pokə bədənon dəfn kardey be.çı İmom Huseyni(ə) əshobon həmmə çə həzrəti nezi bə zəmin dəspardey be və həzrəte Əbulfəzl Əbbosi(ə) pokə bədən həm hejo çə həzrəti şəhid bıə vırədə dəfn kardey be və jıləvoni Kərbəlo bə aşığ iyən həxtələbon ziyorətqo təbdil be.ım rəvoyət de İmom Sadığ(ə) iyən İmom Rıza(ə) vositə zikr bıə.......

Kufə jenon iyən merdon de bəme iyən norohəti bə əsiron kərvoni nəzə kardeydəbin.jenon ıştə çəşi arsi ru kardedəbin və bo əsiron mısibəton bəme-şivən kardedəbin.bəvon çiç bıəbe?.bəqəm əvon ıştən de Xıdo-Rəsuli(s) fərzənd İmom Huseyni(ə) ıştə beyəti darıştey çı qırd odəmi norohətəkə mısibəton səbəbkor nıbin?bəqəm Kufə merdon de ibn ziyodi tətmii iyən şini doey vositə çı İmom Huseyni(ə) mığobilədə səffışon nıkəşe,nımandin və Əv iyən çə həzrəti əshobış şəhid nıkardeşone?bəqəm çəvon merdon çı İmom Huseyni(ə) xeyməonış ğarət nıkardeşone və jenon iyən hırdənonış zolımonə surətədə bə əsorət nıbardeşone.ısət əvon nolə və bəme-şivən kardedən? Zeynəbe-Kubra(ə) ki,qırd çın məsləonku aqah be de Kufə əhli şivən və bəmey mışohidə kardey bə milləti işorəş karde ki,ıstə sədo bıbırnon.de qıləy nəzə qırd qəvon dəvastey be və çı şaturon zanqi sədo hamuş be.macəra rəvoyətəkə votedə:hiçvaxti pardə peştono bəsə ə həzrətisə xoşə sıxan kardə qıləy jen  nıvindeme.jıqo bızın de Əli(ə) zıvoni sıxan votedə və həzrət Əli(ə) sədo çı Zeynəbi(s) həncərə və xırtəku məsey beydəbe....

Həzrəte Zeynəb(s) ıştə xutbəonış de Xıdovəndi sıtoyiş iyən bə həzrəte Muhəmmədi(s) iyən bə ə həzrəti pok iyən çokə ko soyb bıə xanedani səlom vığandey binoş karde.peşo hamyeşe:və əmmo bəəd.ha Kufə məxloğ ha!ha hiyləgər və xəyonətkorə millət ha! Şımə bəmeydon?şımə çəşon ars hışk nıbu və şımə noləon orom nıbu.həyğətən ki,şımə ko bənə ə jeni koye ki,ıştə rıştə ğoym kardey bəpeştə qılə-qılə ijən yəndeyku co kardedə.