Ilahi rəhbəron-181

Ilahi rəhbəron-181

İmom Cəvodi(ə) nəğl bıə ki,hamyəşe:”çımı bəpeştə omə İmom çımı fərzənd Əliye.çəy fərmon və sıxan çımı sıxane və bəy itoət kardey bəmı pemandey mənoədəy”.peşo İmom Həsən Əskəri(ə) barədə həm həmonə bəyonatış hamye və təkrorış karde.çə həzrətiku dəparseşone:ha Xıdo-Rəsuli(s) fərzənd ha! Həsəni bəpeştə imom kiye bəs?ə həzrət de  şiddəti bəme və peşo hamyeşe:”Həsəni bıəpeştə çəy fərzənd çəmə Ğayime(əc).sıvol be ki,çıro çəy nom Ğayime? ə həzrəti cəvobış doe ki,zira millət əy çı viro bekardey iyən əvon bə inhirofi səmt hərəkət kardey bəpeştə ə həzrət ğıyom bəkarde”.votey be ki,bə kom dəlili əsos bəy Muntəziri nomışon noə?yəni millət çəy intizori çəş kardedən? İmomi(ə) hamyeşe:”zira çəy ğeybət vey dıroz bəbe və çəy xolis iyən həyğiyə piyəkəson çəy zuhuri intizorədə bəmandeyn və şəkk kardə kəson çəy vucudi inkor bəkardeyn və bəy istehzo bəkardeyn”.peşo ə həzrət bə qıləy muhimmə mevzu işorəş karde və hamyeşone:”əvon ki,çı ğeybəti zəmopnədə boçəy zuhuri vaxt iyən zəmon təyin bəkardeyn,duə sıxan votedən və əkəson ki,çəy omeyədə(bə İlahi məşiyyəti əks)əcələ kardedən həlok bəbeyn.əmmo əvon ki,bə Xıdo əmri təslimin,nicot pəydu bəkardeyn”….(kifayətul-əsər)……

 İmom Rıza(ə) şəhodəti bəpeştə həşt sinnədə bə imoməti barzə məğami rəsə İmom Cavad(ə) çanədə həm  ğoymə istidlolon vardedəbe,əmmo ijən çəvon mıxolif iyən bəhonə dumo nəvə kəson bə ə həzrəti ələyh psixoloji muharibə bardedəbin və votedəbin ki,ım çokonə koye ki,həşt sinnədə bıə qıləy hırdən çı zəmonə imomət və rəhbərəti koş bəştə ehdəş peqətə.çəy nə elm və zıneyış heste və nə qıləy təcrubəş heste ki,ğadir bıbu çın təhlukənin iyən sanqinə koy ehdəku booy.

Im dastə ki,jıqo qıləy işkol və irodışon icod karde ta camiyə bə şəkko-şubhə dılə eğandon ya çəvon çı Kərimə-Ğıroniku xəbəşon nıbe və yaanki,xəbəşon hestebe və oşnobin,əmmo ıştənışon bə nodonəti iyən noaqahətiş jıəbe ta həxı punhonkon.çun Ğıron çı həzrəte İsa(ə) risolət iyıən nıbuvvəıtiku sıxan bə miyon vardedə ki,bə zəmon ə həzrət qofoədə be həzrəte Məryəmi(ə) mıttəhəm kardə kəson bovə nıkardə holədə ,ə pokə banu və xanım boştə pokdovnəti mıdofiyə kardero voteşe:”həyğəti çımı hırdəni zıvoniku bıməsənən”.ğəflətən əv zıvonış oj karde və voteşe:”az Xıdo bandə ki,bəmı kitobış doə və mınış peyğombər ğərolış doə və mı har vırədə həm bıbum,çı xəy və bərəkəti moyə ğərolış doə və çanədə ki, bəyjim bəmı nımoji bərpo kardey iyən zəkoti  pərdaxt kardey doeyış sıfarışış kardə”….(Məryəmi mıborəkə surə 3-31-ə mıborəkə ayəon)…….