İlahi rəhbəron-182

İlahi rəhbəron-182

Qıləy co nımunə ki,bəy istinod kardey bəbe,çı həzrəte Yəhya(ə) peyğombəri  cərəyone ki,Xıdovəndi çəy vilodət və bə dınyo omey bənav bə həzrəte Zəkəriyya(ə) bəşorətış doəbe və hətto çəy nomış həm təyin kardəşbe və hamyedə:”ha Zəkəriyya ha! əmə bətı de qıləy zoə(vilodəti)  ki,çəy nom Yəhyay.mıjdəvonəti doydəmon ki,çəy bənav boəy qıləy həmnom ğərolımon doə nıbe.(Məryəm—7).çımisə həm əlovə Yolə Xıdo həzrəte Yəhyaş(ə) çəy hırdənəti zəmonədə bə peyğombərəti məğami rosneşe və bəy xitobən hamyeşe:”ha Yəhya ha! Im kitobi(Tevrati) de zumandəti iyən ğıvvə bıqət və bəy(həm) hırdənəti vaxti (nıbuvvəti)hukmımom doe.”.(Məryəmi mıborəkə surə-12)….

Çın ayəonku çop-çoki məticə sıey beydə ki,nıbuvvət iyən imoməti məğam fəğət de İlahi intisobi bə əməl omeydə.və hişkəs,hiç qıləy qrup və hiç qıləy ummət bın zəminədə vıjnemoni həxış ni.əmmo Səğifə hodisə bə əməl vardə kəson ım İlıahi əsl və prinsipi və Ğədiri-Xumi ruji tale həlləkə hodisə ki,de Xıdovəndi əmri peyğombər(s) həzrət Əli(ə) bə İmoməti məğamış mıntəsib kardeşe, nəzədə nıqətə holədə əvəzışon karde və de qıləy co metod iyən şivə hərəkətışon karde.əvon bə İlahi intisobi usuli bəfodorəti nışon doə kəson və ıştə həxə royədə ğoym mandə kəson ,Xıdovəndi tərəfiku vıjniyə bıə nıbuvvət iyən imoməti pokə xıyzoni tərədoron  bin ki,qıləyni bəsə coqləyni bəpeştə omən və çı İslomi umməti rəhbərəi iyən imoməti məğamədə ğərolışon qətə və çəvon hədəf həm ğərəz insonon bə İlahi siratəl-mustəğimədə hidoyət kardey co qıləy hədəfışon bıəni və bə qırd xəlifəon əks çəvon qırd fik və ğəm islomə dini muhafizə və bə Kərimə-Ğıron iyən sınnəti əməli surətədə əməl kardey be….

Dığğət kardəninə nuktə ıme bızınəmon ki,fəğəd İmom Cavad(ə) nıbe ki,hırdənəti zəmonədə de İlahi irodə bə imoməti barzə məğami rəse,bəlkəm çə həzrəti buzurquvarə fərzənd İmom Hadi(ə) həm həşt sinnədə bın barzə məğamədə ğərolış qəte və çəysə həm vey muhim İlahi oxonə zəxirə və ehtiyot bıə həzrəte Məhdi(əc)  ıştə buzurquvarə pı İmom Həsəni Əskəri(ə)  şəhodəti bəpeştə penc sinnədə bə Xıdo-Rəsuli(s) həxə canişinəti,İmomət iyən xilofəti məğami noyil be.şiəyon jıqo hisob kardedəbin ki,İmomət iyən Xıdo-Rəsuli(s) xilofəti məğam bəpe çı pərvərdıqori tərəfiku elon kardey bıbu.çun Əv alim iyən hikməti soybe və bə bəşəri qırd  daxili iyən xarici ehtiyopcon qıləy komilə əhotəş heste və ım qıləy əbno iyən usuliyə etığode ki,komilə surətədə bə tohidi əsos bə əməl omə.həmçinin Kərimə-Ğıron bəy de oşkoə formə işorə kardedə və hamyedə:” Xıdo vey çok zıneydə ki,ıştə risoləti komco ğərol bıdo”…(Ənami mıborəkə surə-124….