Kərbəlo əsiron,həyğəti mesaji vardə kəson-10
Kərbəlo əsiron,həyğəti mesaji vardə kəson-10
Kərbəlo əsiron,həyğəti mesaji vardə kəson-10
Kərbəlo əsiron kərvon qıləy holədə ki,çı əsorəti rismon bəçəvon po və dasti jıey bıəbe və şami diyor vardey be.yəzidi əmrış karde ki,əsiron bə ısətnə Dəməşği daxil bıey bənav çı şəhri dərvozə peştədə se ruji mıddətədə oqətey bin.torıxi əsəronədə omə ki,Kərbəlo əsiron Dəməşği xariciku qıləy vey nomınosibə vırədə məskun bin.qıləy məkonədə ki,çəy zəmin de sıği pur be və çəy əttrofədə qıləy divo kəşə bıəbe və jıqo bızın əyo bımyon dəfn kardedəbin.həmonə vırə pentono oj be və həşi şiddətinə şuon bə Kərbəlo səiron dətevedəbe və bəşəvnəy həm odəmi bədəni sutunə vo bə əsiron dardı-ğəmi tiki həm əlovə kardedəbe.votedən ki,əsiron çəyo xaric kardey bəpeştə bə həşi iyən sardi təsiri xoto,çəvon bədənon pust ziyodə ziyonış vindəbe.yəzid məlun deştə ım yavə ko və əsiron jəqo nımonisbə məkonədə vırə dopey məğsəd bo Əhli-Beyti(ə) ziyodə təhğır iyən əziyyət kardey xoto be....
Şam çı yəzidi xilofəti mərkəz be və qıləy dıjdə şəhr be ki,çı yəzidi məşhur iyən ğəşənqə sarayon çın şəhri miyonədə ğərolış qətəbe.bın se rujədə,Şami şəhrədə bo yəzidi bəçəy deşmıni zohirədə bıə qıləy ğələbə bə hisob omeydəbe,dərostə bıəbe və əyo şoyvonəti mərosimon bərpo beydəbe. Həsən ibn Əli Təbəri nıvışteydə:Şami şəhr jıqo dərostey bıəbe ki,tobə əruji ın şəhr jıqo təzyin bıə nıbe.peşo Şami millətiku ponsə həzo nəfəf jenı-merd de təbl iyən dəfi bə ico ıştə kəonku xaric bıəbin və nuyə olətışon bəştə tan kardəbe.əvon ıştənışon çok-çoki dərsotəşon be və cəmyət anədə ziyod be ki,millət iyande miyono bənə ləpə bın tərə-bətərəf şeydəbin.
Kali təfsirəvonon ki,Şamiku dəvardedəbin,çı millətiku dəparseydəbin ki,aya iyo id bərpo kardedən? əvon jıqo cəvob doşone:çı xəlifə bə diniku xaric bıə kəson səbarzəti id və şoyvonətiye və çəvon əsironışon həm xəlifə saray bardəşone.şəhri qırd vıronədə çı təbl iyən musiği sədo pevolo beydəbe və ziyodə millət bə şəhri əsliyə dərvozə və cəm bıəbe ta bə əsiron kərvoni təmşokon.bın miyono İmom Huseyn(ə)iyən həzrəte Zeynəbi(s) hovə Ummu-Kulsum çı şımri palu şe və voteşe ki,ıştıku qıləy xahişim heste.tı əməni çı şami xəlvətə vırəku bə ın şəhri daxilkə ta əmə çı noməhrəmon nəzəku əmonədə bımandəmon.şımri qıləy cəvobış nıdoe və qıləy holədə ki,sıriyedəbe,əmrış karde ki,çı şəhidon səon bəsə nizəonsə bıjənon....
Şami şəhr çandə soron ərəzədə bə bəni-uməyyə mınhərifə fərhənqi təbliğati şoyd bin.Şami millət çı muaviyə məluni perosnə qıləy camaat bin və əvon de Əhli-Beyti(ə) deşmınəti kardedəbin.əvon jıqo təsəvvır kardedəbin ki,bəni uməyyə çı peyğombəre-əkrəmi(s) həmməysə nezə odəm be və Əli(ə) iyən Əhli-Beyt(ə) çı deşmınonkuon.şami camaat haruj məseydəbin ki,çı şəhri qırd minbəronku bə həzrəti Əli(ə) lənət handey beydə və bə ə həzrəti ələyh həmməysə yavə sıxanon votey beydəbe.
