İlahi rəhbəron-186

İlahi rəhbəron-186

İmom Cəvod(ə) bo insonon hidoyəti boyis bıə  seqlə ğoymə roonku bəhs kardedə və hamyedə:bo şoyə fəzo icod kardeyro bə Xıdo etımod kardey,bo jimoni koon kifoyətiro bə Xıdo təvəkkul kardey və bə qıləy osonin və çı ziyononku əmonədə oqətə ğalə daxil bıeyro bə xıdo imon vardey həmməysə çok və usulu roonkuye.

İmom Cəvod(ə) bo qırd ım ideyalon və oruzon real kardey iyən bə həyğət rosnero  hamyedə:”izzətbaxşi rəmz iyən sırr bə  elmi xəzinəon dast pəydu kardero dindorəti iyən dinşınosətiye iyən bə qıləy nuroniyə fəzo daxil bıeyro  sukut və tam jıey və bo inhorofonku bə diyəro mandero həmməysə çokə ro təğva və zohdi roy qəteye”. Peşo Nəvminə İmom(ə) çı qıləy ciddiyə təhdidiku bəhs kardedə və hamyedə:”ğərəz dinədə bidət noey hiççi dini viron nibəkarde”.bidət noey yəni dini zohiri ranqi formədə ıştə nəzə və meylonku bəhs kardey.əmmo İslomi bənə Ğıron iyən itrəti bıə məbno hiç qıləyniyədə və dini əslə mətnonədə yəni çı Məsumə İmomon(ə) sıxan və əməlonədə çəvonku qıləy mevcud nıbu.ım təhlukəninə təzahur İslomi sıftədə bənə mınofiğon və təkfiri cərəyonon,xəvaric iyən co inhirofə dastəon bə əməl ome və ımi bə İslomi camiyə bədəmi qıləy əvəzış benışə zərəlo-ziyononış daxil kardeşe.ısət həm bənə DAİŞ iyən co təkfiri cərəyonon de Islomi nomi bəşəriyyəti ələyh dıjdə cinoyəton əncom doydən….

İmom Cəvadi(ə) zəmonədə nosalehə hukuməton boştə ğeyri-ğanuniyə ğudrət və hkuməti ıştə dastədə oqəteysə co qıləy hədəfışon nıbe.həm məmun əbbosi və həmən çəy bıvə mutəsim norohət bin ki, məbodə  İmom Cəvadi(ə) bəçəvon hakimiyyəti qıləy zərəl bırosno.əve əvon ə həzrətışon çı Mədinəku bə Bağdad vardeşone və  ta çı neziku əy ıştə nəzorəti jiyədə oqəton.

De Əbbosi xəlifəon qırd ın məhdudiyyəton bə ico,əmmo İmom Cəvadi(ə) bənə haftminə İmomi(ə) ki, çokonə ıştə çı haruni sarayədə yolə vəzifə ko kardə bənə Əliiyibni Yəğtini bıə nezə duson əmrış kardə be ki,təğiiyəko,çı haruni hukuməti hədəfonku xəbədo bıbu  və bə şiəyon koməko,ə həzrət həm bəştə Nuh ibn Dirac nomo nezə dusti əmrış karde ta bə əbbosi hukuməti aparati nufuzko və əyo vey həssosə poston bə dast bıqəto.İmom Cəvadi(ə) coqlə hərəkəton ım be ki,bənə Əhvoz, Sistan, Rey, Ğom, Bəsrə, Kufə, Bağdadi şəhron  iyən co muhimmə mərkəzonədə ıştə nımoyəndəon təyin kardedəbe və de ın roy vositə ıştə de milləti bıə irtiboti hifz kardeydəbe,oqəteydəbe və həmən inğılobi hərkəton cərəyonədə ğərol qəteydəbe.

Əbbosi xəlifə mutəsim ki,məmuni bədiqə bə ğudrət rəse,İmom Cəvadi(ə) fəoliyyətonış ıştə nəzorəti jiyədə oqətəşbe və çı qıləy fırsəti dumo be ki,ə həzrəti çı səhnəku xaricko ta asudə və rohətə formədə bəştə ğeyri-ğanuni hakimiyyəti dəvom bıdo.bə həmonə dəlili xoto,deçəy jimoni həmro çı məmuni kinə ummulfəzli roy vositə İmom Cəvdoi(ə) bə şəhodəti bırosno.məələsəf ummulfəzli bə mutəsimi ıştə bo ın koy icroro bıə hozzıətiş elon karde və Hicri-Ğəməri 220-ə sori qıləy holədə ki, İmom Cəvodi(ə) təğribən 25 sinnədə de zəhrinə xorəki bə ə həzrəti doey bə şəhodəti məğamış rosne…..