Kərbəlo əsiron,həyğəti mesaji vardə kəson-11

Kərbəlo əsiron,həyğəti mesaji vardə kəson-11

Kərbəlo əsiron kərvon bə Dəməşği daxil bıey bənav carçiyon şəhri dılədə cərışon je:bırniyə bıə səon,jenon iyən hırdənonku iborət çəmə deşmınon bə şəhr daxil beydə və əvon İrağədə hukuməti peqordıney fikədə bin.çən,ibn ziyodi əvonış kıştə və çəvon jenonış əsir qətə.çən,de ın dıjdə ğələbə xoşə ruji mınosibəti çı mısılmınon xəlifə yəzidi fərmonış doə ki,har qıləy vırə və məkonədə şərovi məclisi bərpokənən və de eyşo-işrəti koy məşğul bıbənən.

Şamıvıjon ki,təhrif bıə İslomışon çı muaviyə iyən yəzidiku omutəşone,de xəbə məsey bə hərəkət dəşin.əvon ıştə kəon piyo ranqəranqə pərçəmonışon rost karde və deştə nuyə oləton bə tan kardey bə kuçə və xiyobonon beşin ta de şoyvonəti mərosimon bərpo kardey,bə əsiron vəy beşon.ravi votedə ki,jenı-merdonku iborət pencsa həzo nəfərSaati dərvozə kəno mandəbin və çəş kardedəbin.şımri məlun  həm əsiron kərvonış çə həmonə dərvozə və bəku bə Dəməşği varid kardeşe ta ziyodə insonon bə Kərbəlo əsiron kərvoni təmşokon.....

Səhl ibn Sə`d Saidi Xıdo-Rəsuli(s) əshobonku iyən çı İmom Əli(ə)dustonku be,de Beytul-Mığəddəsi ziyorəti məğsədi çı Mədinəku xaric be.əv roy nimədə bə Şami şəhri daxil be və de təəccıbi mışohidəş karde ki,şəhri həmmə vıron dərostə bıə və bın şəhrədə idə mərosimon və şoyvonəti məclison dəvordıneydən.əv votedə ki,ikəsiku dəparseme:aya Şamədə qıləy id heste ki, əmə çəyku xəbəmon niəy voteşe:ha piyə merd ha!bəqəm tı bın şəhrədə ğəribiş?.voteme:az Səhl ibn Sə`d Saidi və çı Xıdo-Rəsuli(s) əshobonku qıləynim və mı ə həzrətım vində iyən çəyku hədisonım məsə.əy voteşe:ım şoyvonəti iyən idə mərosimon boçəy xotoye ki,çı Huseyn ibn Əli(ə) sə çı İrağiku bo yəzidi bənə hədiyyə bə Şam vardəşone.xəbəm se:kom dərvozəku vardedən? əv bə Saati nomo dərvozə işorəş karde.bə həmonə dərvozə səmt hərəkətım karde. əyom vinde ki,ziyodə cəmyət əyo cəm bıə və çəvon dastədə çı kufr iyən zəloləti pərçəmon hım çəvon dastədə be.sıftədə qıləy nuroni iyən ğəşənqə sə nizə sədə vindeme və dərəsim ki,ım nuroniyə sə çı Əbulfəzlul-Əbbosi nuroniyə səy.ğəflətən mışohidə kardem ki,qıləy asbo çı həzrət İmom Huseyni(ə) mıborəkə səş çı arşiyə nizə sədə şıkırneydə.peşo Şami millət de İmom Huseyni(ə) mıborəkə sə və əsiron vindey binoşon karde bo nosəzoə sıxanon votey və əvon çı peyğombəri(s) Əhli-Byeti(ə) xarici hisob kardedəbin.

Səhl ibn Sə`d Saidi votedə:qıləy piyəjeni iqlə sığış peqəte və bə Seyyiduş-Şuhədo(ə) bırniyə sə jeşe və məstı-xumorə şamıjon həm bəy tabe bıə holədə binoşon karde bə Şəhidon pokə sə iyən əsiron kərvoni sığ ğandey.deəvon ziyodə be ehtıroməti və ıştə kəon boniku bə ə həzərti mıborəkə sə sığ ğandey vositə,çı aləmon ozodə isnonon sərvər və əğə İmom Huseyni(ə) pok iyən mınborəkə sə çandə kərə bəsə zəminisə eqıniye.......

Şami millət məst bıə və hiççiku xəbəş nıbə odəmon,çı vırniyə bıə səon miyono raxs kardedəbin və i hissə odəmon həm təbl iyən dəf jeydəbin.yəzidi məlun həm bəştə saray barzə vırə rost bıəbe və bə kərvoni vəzyəti iyən şami milləti şoyvonətiyon de məğrurəti təmşo kardedəbe.

Qırd ım iftixoroton bə çandə həzo ləşkəri bəsə qıləy hırdə ləşkərisə səbarzəti xoto be.qırd ım səro-sədo iyən şoyvonəti mərosimon bə qıləy cismi cəhəto noxəş merdi iyən bepənohə həşto qıləy jen və hırdəni əsir qətey xoto be.

Bəle Kərbəloədə de kofiron dasti şəhid bıə kəs,zəmini dimisə çı məxloğati həmməysə xosə qıləyni be həmmə aləm iyən odəmon erj de İmom Huseyni(ə) mısovi nıbin və yezid ıştən boştə fik kardedəbe ki,de İmom Huseyni(ə) kıştey qırd İslomi məhf bəkarde.əve əv həmonə vey şo və məsrur be.

Kərbəlo bə qıləy mıəyyənə zəmon iyən məkoni ayid ni.bəlkəm bənə nuri bə hestemoni aləmi qırd vıron pevolo bıə.Kərbəlo bənə qıləy dıjdə tufoni qırd əsr və ğərnonədə seyr kardedə və İmom Huseyni(ə)  çı eşği kəşti sukondore ki, hejo çandə sa qılə kərvoni dılon deştə bə ico bardedə və çə həzrəti dayima mısofir həzrəte Zeynəbe(s) ki,çı İmom Huseyni(ə) eşğ tosə əbəd çəy dılədə bəqıliye.

Zeynəb(s) ki,çı şami cəhəndımədə çı qırd təhğır iyən tohinon miyono  səbrış karde və orom mande.....

Səhl ibn Sə`d Saidi votedə: de zəhməti bə əsir bıə jenonku qıələyni ıştənım nez karde və dəparseme:tı kiş?həmonə xanımi voteşe:az çı Huseyni(ə) kinə Səkinəm.rəyrə voteme: az ıştı cədd Xıdo-Rəsuli(s) əshobonku qıləyni bıə Səhl ibn Sə`d Saidim .mı bəşmə çiç komək kardey bəzınem?.Səkinə de qıləy renc və ahi voteşe:tıni ğəssəm doydəm bə Xıdo,əgər kardey bəzıneşbu, bə nizədoron bıvot ki,bırniyə bıə səon çı kərvoni miyono xarickon ta çı millət ıştə çəşon çı peyğombəri(s) Hərəmiku peqəton və tikəy kam qınokon.Səhl ibn Sə`d Saidi bilofosilə ıştənış bə nizədoron yoli rosneşe və  voteşe ki,bə çordə dirhəmi xoto çımı votey bəkardeş?həmonə nizədori voteşe:ıştı xahiş çiçe?Suheyli voteşe:şəhidon səon çı kərvoni miyopniku bekə və əvoni çı kərvoni vədə hərəkət bıdə.nizədori əvış ğəbul karfde və şəhidon səonış çı əsiron kərvoni miyono xaricış karde.......