İlahi rəhbəron-187

İlahi rəhbəron-187

İmom Hadi(ə) Hicri-Ğəməri 212-ə sori Zilhiccə manqi nimədə peyğombəri(s) Əhli-Beyti(ə) xanedanədə bə hestemoni aləmi poş noe.qıləy xıyzon ki,çəy buzurquvarə pı İmom Cəvdoi(ə) iyən çəy erjin iyən barzə məğami soyb bıə inə həm ki,İmom Hadi(ə) çəy vəsfi həxədə jıqo hamyedə:”çımı moə çımı həxıku arif və xəbədo be.əv vəhışti əhle və çəy barzə xıslətonış hestebe.Yolə Xıdo çəy vucudış xolis kardəşbe ta şəyton bəy nufuz kardey və ne bıey nızıno.əv hanvə nıqətə Xıdovəndi çəşi vədə qıləy barzə məğami soyb be. çəyku hiç qıləy xəto bə əməl nıome.çunki,çı rostəvıjon,çokə ko soybon iyən salehon moon jıləvonin….

Beşək,pı-mo qıləy səbarzə xıyzoni bərpo bıey iyən bə formə dəşeyədə qıləy təyinəkə rol ifo kardedə və ə fərzəndon ki,həmonə xıyzonədə tərbiyəşon vində və perəseydən,qıləy məxsusə xıslətonışon heste. Məcidə-Ğıron jıqo qıləy xanedani məğami jıqo tərsim kardedə ki,har qıləy təğvanin iyən çı kəmoli dumo bıə  inson çəy oruzu kardedə,joqo ki,hamyedə:”Xıdolim ha! Bəmə qıləy jimoni həmroon iyən fərzəndon ətokə ki,bəçəmə çəşon ruşinəti boyis bıbu və əməni çı təğvaninə şəxson rəhbə və navəjən ğərol bıdə.”.

İmom Hadi(ə)  həm bənə ıştə buzurquvarə pı həşt sinnədə bə barzə məğam və msilış nıbə İmoməti məğami rəsəbe.əmmo çoko ki,əmə dəvardə bəhsonədə bəy işorə kardemone,qıləy səthi nəzə be ki, har insonəy deştə məhdudə elmi təhğığ kardeyədə boəy saxte omeydə ğəbulkəy ki,qıləy inson çı camiyə rəhbərəti məğamədə ğərol bıqəto ki,sinn və sori nəzəku ıştə hırdənəti devroni dəvordıneydə.`jıqo şəxson meyar sinni və sori təğvime,nəyinki,ağli təğvim.qıləy holədə ki,çı insonon həyğiyə erj iyən şəxsiyyəti təyin kardey de ağli meyaron vositə bə əməl omeydə.həlbəttə qıləy ağl ki,bə rəvoyəton təbiri əsos deçəy vositə bo Xıdo bandəçəti kardey beydə və inson de həmonə ağli roy vositə qıləy rostə royədə ğərol qəteydə ki,çəy oxo əy bə vəhışt bardedə.çımisə əlovə sətni nəzon nəfy iyən inkorədə ki,sinni mizon və mığdor meyare,votemone ki,həzrəte İsa-Msih(ə) qofoyədə voteşe:az Xıdo bandəm və əy mınış peyğombər ğərolış doə. Və həmçinin bə həzrəte Yəhya(ə) ıştə hırdənəti zəmonədə Xıdo tərəfiku bəy peyğombərəti məğam doey bıəbe.çəmə çın mığəddimə tikror kardeyku hədəf boçəmə zehn iyən ağli qıləy komilə insoni  təsviri vardeye və əvon çı komilə ziyorətnoməonku qıləyni ki,İmom Hadi(ə) tərəfiku çı Şiyə etığodi mənşurnomə bə yodiqor mandə…..