İlahi rəhbəron-188

İlahi rəhbəron-188

İmom Hadi(ə)  barzə xıslət və fəziləton nəyinki,çı şiyə barzə elmi soyb bıə alimon palu,bəlkəm əhlı-sınnəti alimon həm ə həzrəti fəziləton həxədə de tarif iyən təmcidi sıxan votəşone.min cumlə Məkkə əhliku çı Malikiyon fəğih bıə Nuruddin ibn Səbbağ çı İmom Hadi(ə)  əzəməti həxədə votedə:Əbulhəsən Əli Hadi çı kəmol iyən fəziləton bə səyyorəon bıə barzə  ğullə və çəy fəziləti şua de tosə osmoni astovəon dəvomış heste və hiç qıləy barzə fəzilət mevcud ni illa ki,çəvon həmməysə iftixorofəyə qıləy çəy paluye və çəy zoti cevhərədə noey bıə ki,çəy barzə xısləton əvış bemislış kardə və çəy zot çı har qıləy ayb və noxsaniku poke və çəy çokə əxloğış heste.çəy vucudədə vuğar,sukun,fiğh,pərhizkorəti,elm iyən aqahəti de peyğombəri(s) şıə roy  iyən de Ələvi əxloğ iyən adəti dərostə bıə və çəy qıləy aliyə əzm iyən himmətış heste və hiçkəs mevğıyyət və məğami nəzəku bəy nibərəsəe”…..

 İmom Hadi(ə)  bənə ıştə buzurquvarə pı həşt sinnədıə bə bemisl iyən barzə mıəğam bıə imoməti məğami rəse….əmmo ijən əmə dəvardə bərnoməonədə votemone ki,ə həzrət hırdənəti zəmoniku rəhbərəti məğamədə ğərolış qəte.

Metəbərə rəvoyətonədə nəğl bıə kl,Mosə ibn İmran nomo barzə məğaminə şiəyonku qıləyni çə həzrətiku tələbış karde ki,bo İmomon(ə) mələkutiyə barqo ziyorətiro qıləy ziyorətnomə bəy omutu ki,har nəzəku komil bıbu. İmom Hadi(ə)   bəçəy tələbi mısbətə cəvobış doe və Camiəye-Kəbirə ziyorətnoməş bəy omuteşe ki,çəy qıləy məxsusə hədəfış hestebe.çunki,bəni-əbbos deştə qırd səyon bə dılon nufuz kardə çı İmom Hadi(ə) və millət bə ə həzrəti səmt hrəkət kardey vəy y bıqəto. İmom Hadi(ə)  bo bəni-əbbosi ım məkrinə planon və çəvon şəytoniyə hədəfon bə puç bekardeyro Camiəye-Kəbirə ziyorətnomədə çı Əhli-Beyti(ə) barzə məğamış bə tərsim kəşeşe ki,çəy təsəvvır bo Əhli-Byeti(ə) ğəddorə deşmınon və həmçinin bə Xıdo-Rəsuli(S) xanedani etığod nıbə kəson vey muşkile.çımisə əlovə həm Camiəye-Kəbirə ziyorətnomə çı   əbbosi zolımkorə hukuməton məxsusən çı mutəvəkkili mığobilədə çı İmom Hadi(ə)  ğətiyyətin iyən oşkoə mevğıyyəti bəyon kardedə.əbbosi xəlifəon bo Əhli-Byeti(ə) dəvəşə simon xərob kardero cəhd kardedəbin və xəlifə mutəvəkkil çı İmom Huseyni(ə) mələkutiyə barqo təxrib kardey əmrış bekard və çə həzrəti ğəbi viron kardey bədiqə həmonə zəminış şumış je və əyo ovış cari karde ta çə həzrəti aşığon bəçəy hərəmi cəm nıbon…..

Camiəye-Kəbirə ziyorətnomə iqlə hissəonədə jıqo omə:səlom bıbu bəşmə çı nıbuvvəti xanedan və riaoləti məağmi və şmə çı firiştəon şıə-omə vıron və vəhyi nozil bıə vırəy və rəhməti mədən çı elmi xəzinə və umməti rəhbəron və kəroməton rişə iyən səbri nəhoyətiyon……

Peyğombəri(S) Əhli-Beyti(ə) barzə xısləton ımi bəyon kardedə ki,çəvon həmonə barzə fəziləton de hiçkəsi xısusiyyəton mığoysə kardənin ni və əvon hr cəhəto barz və bəpeyin.İmom Hadi(ə) Camiəye-Kəbirə ziyorətnomə coqlə hissəonədə çı risoləti xanedan və xıyzoni hidoyətəkə bıey və çəvon kəmol ofəye həxədə bəhs kardedə və hamyedə:”səlom bıbu bə hidoyəti rəhbəron və bə toykətiyon ço və nurio və bə pərhizkorəti pərçəmon və bə ağli soybon və bə insonon pənohqo və bə peyğombəron varison.Və bə barzə ulqu iyən nımunəon və bə Xıdovəndi  dınyo iyən axırətədə bə qırd milləti dəvət iyən huccəti və Xıdo rəhmət və bərəkət bəşmə bıbu”……