İmon Həsən(ə)

İmon Həsən(ə)

Şami podşo muaviyə saxtə əndişədə be və həni bə İmom Həsəni(ə) tov vardey zıneydə nıbe.çəy hiyləon İmomış(ə) çı millətiku co kardey zıneydə nıbe.əve əv bo İmom Həsəni(ə) çı miyoniku bardero çı qıləy ro dumo be.əv zıneydəbe ki,coyli jıqo qıləy cinoyəti bə vırə rosney nibəzıne və dılış nıbe de Xıdo-Rəsuli(s)pokə nəvə Həsən ibn Əli(ə) ğatil nomi zıney bıbu.əv bəpe cokəson həm bə ım cərəyoni daxil kardənin be.əmr as çı Misri hukuməti mığobilədə çı İmomi(ə) terrori məsələş bəştə ehdəş peqəte.əmmo ım kifoyt kardedə nıbe.muaviyə həni həm bə ziyodə fik və koməki ehtiyociş heste.əv mərvanış həm bəştə ım hovlnokə məkrinə plani varid kardeşe. həmməysə vey muhim bə qıləy şəxsi ehtiyociş heete ki,çı İmomi(ə) ğətli bəştə ehdə peqəto.bəpe qıləy punhoniyə fərd əv həm sırrinə fromədə hərəkətko.joqo ki,ifşo bıə holədə bo bəni-uməyyə hukuməti hiç qıləy xətər və təhlukə icod nıko.

De qırd ım şərayiton nəzədə qətə holədə əşəs ibn ğeysi kinə və İmomi(ə) jimoni həmro cu`də boım yavə plani bə əməl vardero həmməysə çokə varyant be.zira əv həm çı İmon Həsən(ə)kədə jimon kardedəbe və həmən bəçəy xıyzoni exrocəti dəvardəyon xoto ım ko bə vırə rosney ğabiliyyətış hestebe.

Jıqo qıləy məxsusə mevğıyyət bo muaviyə vey erjin be.bəçəy xoto bə rumi podşo qıləy noməş nıvışte və çəyku qıləy təsirinə zəhrış tələb karde və əvışş  bo mərvani vığandeşe və bəy voteşe ki, əy bə cu`də bıdo və bəy sa həzo dirhəm həm və duyədə bıvoto ki,muaviyə əy boştə zoə yəzidi jen bəkarde ta əv İmomi(ə) şəhidko.c`udə ki,qıləy mınofiğə merdi kinə be,de hostonə formə bə muaviyə puçə və`dəonış ğəbul karde və bə İmon Həsən(ə) şıti dılə zəhrış ekarde.

Həvo vey qam be və İmomi(ə) rujəş qətəbe.ıştə ko bə vırə rosney bəpeştə bəştə kə oqarde.iftori zəmonədə cu`də qıləy şıtə ğabış bə həzrəti doşe.İmomi(ə) əvış peşome və çoko ki,çın suyi-ğəsdiku aqah be və hamyeşe:” ha Xıdo deşmın ha!mnı kışte,Xıdo tıni bıkışto!bə Xıdo ğəssəm ki, tı çımı bəpeştə  bə hiç qıləy vırə nibərəseyş və Xıdo tıni xar və zəlil bəkarde”.         

İmon Həsən(ə) zəhri hardey bəpeştə çandə ruj noxəş be və nəhoyətən jıqo qıləy rujədə Hicri-Ğəməri 50-ə sori Səfə manqi haftədə bə şəhodəti məğami rəse......

İmon Həsən Mujtəbo(ə) Nəbəvi həşiku qıələy nur be ki,Hicri-Ğəməri seminə sori çı vəhyi kədə bə dınyo çəşış oj karde.əv çı kəromət və fəziləton mədən bıə xıyzoni dılədə ozavziye və yol be və bənə İslomi peyğombəri(s) bıə şəxsonku bəhrəş barde.harçənd ım devron 7 sorisə həm vey nıdəkəşe.əmmo de Xıdo-Rəsuli(s) ım həmnışinəti bın dırozə soornədə jıqo şin be ki,İmom Həsən(ə) hejo həmonə devroni de çokəti zikr kardeəbe və ıştə de peyğombəri(s) bıə çokə xotırəon ıştə viro bekardedənıbe.İslomi peyğombəri(s) rehləti tikəy bəpeştə  de həzrəte Fatməye-Zəhro(s) şəhodəri İmon Həsəni(ə) jimon bə qıləy nuyə mərhələ daxil be.ə həzrət peyğombəri(s) bəpeştə çı camiyə etat-petatədə ıştə azizə pı çı həzrəte Əli(ə) kəno və si sor de ə həzrəti i zəmonədə jimonış karde.bın mıddıətədə ə həzrəti ıştə buzurquvarə pıku ziyodə təcrubəonış omuxte və çı həzrət Əli(ə) elm iyən hikməti sərçeşməku veyə bəhrəonış barde.İmon Həsən(ə) ıştə azizə pı şəhodəti bəpeştə çı İslomi camiyə rəhbərəti iyən imoməti məsuliyyətış bəştə ehdəş peqəte....