İlahi rəhbəron-190

İlahi rəhbəron-190

İmom Hadi(ə)  ıştə imoməti bino kardey bənav de əbbosi dıqlə hakimi yəni de məmun və deçəy bıvə metəsimi hukuməti dimbədim be və çəvon şəytoniyə mohiyyət və siyosətonku komilə surətədə aqah be.əmmo, İmom Hadii(ə) jimoni həmməysə saxtə devron çə həzrəti imoməti zəmonədə be ki,de əbbosi çoqlə hakimi bə ico be.ə hukuməton ki,boştə mevğıyyəton təsbit kardero ıştə dasto omə har qıləy anti-insoni iyən vəhşiyonə əməlonışon bə vırə rosneşone.jıqo bızın əbbosi xəlifəon həmmə silsilə miyono mutəvəkkil əbbosi bəsə həmməysə bə Əhli-Beyti(ə) kin-kudurət və deşmınətiş hestebe və çəy ğəzəb və nifrəti ovc və pik hədd bəzəmon buruzış pəydu karde ki,Hicri-Ğəməri dıs sıvi şəşminə sori əmrış karde ki, çı şəhidon sərvər və əğə bıə Huseyn ibn Əli(ə) barqo və məğbərəş kulliyə formədə vironış karde və həmonə vırəş məzə və kaştemoni sahəş karde ta çə həzrəti aşığon həni əyo nıvon.əmmo bə torıxi nəğli əsos Əhli-Beyti(ə) aşığon de ıqrd ım təhdidon iyən təzyiğon bə ico ijən bə İmom Huseyni(ə) viron bıə barqo omeydəbin və ıştə məhəbbəti bə həzrəti nışon doydəbin…..

Ruji mutəvəkkli əbbosi hissış karde ki,çəy ım oko doə fəndon və yavə koon hiç qıləyni vey qədə həddədə həm bə Əhli-Beyti(ə) aşığon ım məhəbbəti zərəl rosneş nızıne.əv de şiddətinə norohətçəti bəştə saray odəmonku qıləyni votəşbe ki,çıro əmə çanədə səy kardeəmon ta millət əməni bıpyo,əmmo hiç qıləy foydəş ni və çanədə cəhd kardedəmon ki,çı peyğombəri(s) Əhli-Beyti(ə) eşği çəvon dılonku xarickəmon, əmmo bə hiç qıləy nəticə nırəsimon.həmonə məmuri de tarsı-larzi cəvobış doe:çunki,Əhli-Beyti(ə) bə dıl iyən ğəlbon hukumət kardedən və şımə bə cismon.Kərimə-Ğıron vey ğəşənq ım həyğətış bəyon kardə  və hamyedə:”həyğətən,imon vardə kəson iyən ləyoğətinə əməl əncom doə kəson Xıdovənd rəyrə çəvon eşğ iyən məhəbbəti dılonədə ğərol bədoe”.(Məryəmi mıborəkə surə-96-ə şərifə ayə)…..

Əbbosi xəlifə mutəvəkkil ım həyğəti dərəseydəbe ki,bo milləti çı Əhli-Beytiku(ə) bə diyəro kardero oko doə bıə de qırd ım hiyləon bə ico,rujbəruj çəvon mahbubiyyət və nufuz çı milləti miyono ziyod beydəbe. əve bənə məmuni ki,İmom Rızaş(ə) Mədinəku bə Mərv vardeşe və metəsimi həm İmom Cəvadış(ə)  bə Bağdad vardeşe,əv həm İmom Hadiş(ə) bə Samirraş vardeşe.əmmo ım həyğətış çı viro beklarde ki,bənə ıştə əslaf və əjdodon İlahi tədbiron mığobilədə mandey və istiğomət kardey nibəzıneyn və İmomi(ə) mahbubiyyət ki,İlahi məşiyyət və irodəku bə əməl omeydə,çəy vəy bıqəto.boçımi əsos nəyinki,çı milləti bə İmomi(ə) bıə məhəbbət və nufuz ziyod beydəbe,bəlkəm torıxi sənədon nışopn doydə ki,qahi vaxti çın nufuzi təsiron saray əhlədə həm ıştəni nışon doydəbe və çı hukuməti barzə məğamsi soyb bıə məsul şəxson bə ə həzrəti qıləy eşğ və məhəbbətışon hestebe.min cumlə çəvonku bə ərəbi məşhurə şayir və ədib bıə İbn Sikkkiti işorə kardey bəbe ki,əv çı mutəvəkkil əbbosi fərzəndon mellim və tərbiyə doəkəs be…..