İroni bə Şanqhay Təşkiloti uzv bıey
İroni bə Şanqhay Təşkiloti uzv bıey
İroni bə Şanqhay Təşkiloti uzv bıey
Şanqhay Həmkoəti Təşkiloti əsliyə həşt qılə kişvəri rəgbəron de İron İslom Respublikə çın təşkiloti mışohidəçi uzviku bə əsliyə uzvi təbdil bıey barədə ıştə roziyətişon elon və bəy ayid bıə sənədonışon imzo kardə.Uzbəkıston,Tocikiston,Pokıston,Çin,Rusiyə,Ğazaxıston,Ğığızıston və Hındıstoni yolon ıştə umudəvo bıeyışon ibzor karde ki,de ironi bə bə ın təşkiloti anqıl qıniye beynəlxalğ assambleyaonədə ın Onemoni təşəbbısi zumandko.
Bın zəminədə İroni Rusiyədə bıə sabiğ səfir və beynəlxalğ məsələon ekspert Məhmud Rıza Səccadi voteşe:İron İslom Respublikə hiçvəxti bə ğərbi zu tətbiğ kardə siyosəton təslim bıəni və hətto çı sultə nizomi təhmili iyən məcburi çərçivədə hərəkətış kardəni.İron beynəlxalğ assambleyaonədə dayima çı məzlumi tərədor bıə və sultə nizomış nəfy kardə və çı İroni ım nəzə bo Şanqhay Həmkoəti Təşkiloti qıləy dıjdə etibore......
De İron İslom Respublikə bə Şanqhay Həmkoəti Təşkiloti dayimi uzvəti çın təşkiloti siyosi iyən ixtisodi vəznış təsirinə formədə ziyodış kardə.İroni qıləy cıvonə cəmyət,mahir və mıtəxəssisə insoni ğıvvə,veyə ixtisodi resurson,mıhəndisəti texniki inkişofış heste və bə ğəbul bıəninə bumiyə texnologiyə soybe və çı Şanqhay bə miyoə Şərği havzə məntəğə vıjoron dast pəydu kardey koy həm hoston kardedə.
Şanqhay beynəlxalğə Mutoliyəon Mərkəzi uzv doktor Cim bın zəminədə voteşe:amerkə mıttəhid və mıtttəfiğ bıə kişvəron həm səy kardedən çı Şanqhay Həmkoəti Təşkiloti uzv bıbon və ım çın onemoni vəzni bəyon kardedə.de İron İslom Respublikə bə Şanqhay Həmkoəti Təşkiloti dayimi uzvəti çın onemoni ım vəznış təsirinə surətədə ziyodış kardə.həmçinin İron İslom Respublikə bə çın onemoni dayimi uzvəti ziyodə mənfəətış heste.məxsusən ısətnə zəmonədə ki,İron İslom Respublikə çı ğərbi tərəfiku bə təhrim iyən təzyiğon məruz mandə və ım uzvəti ım sanksiyon təsiriku bəkam bəkarde.əve ım qıləy penco-penco bıə həmkoətiye VƏ ÇI ANTİ-SULTƏ NİZOMİ TİKİ HƏM ĞOYM VƏ ZUMAND BƏKARDE....
Amerkə bın soronədə ziyodə cəhdonış karde ta İron İslom Respublikə inzivoədə oqəto və təcridko.əmmo həyğəton co çiyonku iborəte.ım deşmınətiyon de İroni milləti mislış nıbə mığovimət və çəvon inğılobi ideyalon himoyə kardey boyis bıə qırd ım bədxahəti bərəksə nəticəş doe və dınyo məmləkəton bə İroni beynəlxalğ və regiyonal mevğıyyəti dığğət kardə holədə de Tehroni ıştə həmkoəti ziyod kardey fikıədən.İroni Şanqhay Həmkoəti Təşkiloti uzvəti çı İron İslom Respublikə beynəlxalğ arenədə bıə mislış həyğəton və noiliyyətonku qıləy nımunə bə hisob omeydə.
Beynəlxalğ Mutaliyəon Mərkəzi uzv bıə doktor Cim votedə ki,İron de Şanqhay Həmkoəti Təşkilotədə dayimi uzvə bıey bəştə hədəfonku qıləyni rəse və İron de Şanqhay Həmkoəti Təşkiloti vositə ıştə həxtələbəti iyən ozodi sədo bə dınyo milləti quşon bərosne və ım ko bə Tehroni ğudrət iyən nufuzi ziyodəti boyis bəbe.İroni de ın dayimi uzviyyəti İron İslom Respublikə ixtisodi inkişofi bərnomə və plan həm surət pəydu bəarde və bə dınyo vıjoron dast pəydu bəkarde.....
