Sərdəştədə humanitarə fociyə

Sərdəştədə humanitarə fociyə

Maşki İraği Bəəs rejimi bə İroni ələyh bıə həşt sornə təhmili canqi bino bıə ruje.qıləy canq ki,Həşi sori 1359-ə sori(1980-ə milodi sori) bino be və bın canqi dırozi İraği Bəəs rejimi bə İroni milləti ələyh 252 kərə kimyəvi həmləş karde.ın həmləon zəmonədə ziyodə insonon kıştə və zəxmin ki,çəvonku mandə kəson ısət həm  həmonə kimyəvi maddəon zərələon təsiriku əziyyət kəşeydən.

Sərdəşti şəhri kimyəvi bombaron kardey qıləy canqi cinoyətbe ki,İraği həvo ğıvvon 1366-ə sori tir manqi 7-ə ruji(1987-ə sori iyuni 28-ədə) Sərdəşti şəhrışon de kimyəvi bombəon bombardımon kardeşone.marzi kəno bıə Sərdəşti şəhri kimyəvi bombaron kardey qıləy həmməysə veyə fociyəvi kimyəvi hucum be ki,əy ziyodə mənfi təsiron və muşkilotonış bə əməl varde.İron İslom Respublikə ım hucumış ğeyri-insoni elonış karde və Sərdəşti şəhrış çı Herosima  de atom bomba ğətl am kardey bədiqə dınyo səviyyədə de kimyəvi bomabon vəsilə ğıboni bıə iminə şəhrış  nomış noe.dınyo İştimoiyyət bə səddam huseyni himoyədoron nufuzi xoto jəqo qıləy təsirinə rolışon ifo kardey nızıne və avropə iyən amerkə kişvəron de səddami siloh həvatey çın fociyə təşəbbıskor bin,səyışon kardey ım hodisə adi cilvə bıdon və hətto əvon ımi inkor kardey fikədə həm bin.

Bə rəsmi statistikə əsos Sərdəşti donzə həzo nəfərinə şəhri 8025 nəfər sakin zəxmin bin və çın mığdor odəmonku 4500 xonəxo bə təcili tibbi koməkon ehtiyiciş hestebe.bın həmlədə çın şəhri 110 nəfər ğeyri-hərbi sakinonku kıştə bin ki,çəvonku 20 nəfər hejo çı bombardımoni sıftənə saatonədə ıştə conışon doe və şəhid bin və əmandəni çın hodisə yəni ın şəhri bombardımoni  i manqi mıddəti bədiqə bə şəhodəri məğami rəsin. ....

əmmo ım çı macəra oxo nıbe.çı xərdəli ğazi təsiron dayimiye və ım ğaz bə sipiyə cigəron mənfi təsir kardedə və qahi zəmon əy çı miyoniku bardedə və jıqo noxəşon ğərəz de həmonə holi jimon kardey co qıləy çorəşon mandedəni.kimyəvi silohon əks təsiron bənə çəşi pandomey iyən doji,pusti həye və sı bıey,tanqənəfəsti,hərəkəti zəmonədə muşkiloton və xroniki sıstəti.

Isət İronədə kimyəvi həmləon zəmoni zəxmin bıə çandə həzo noxəşon jimon kardedən ki,de çın fociyə dramatik iyən trajediyə bo bə ico,bın zəminədə  kamə sənədinə film və kinoon kəşə bıə.Sərdəşti şəhri cinoyəti bədiqə beynəlxalğ iştimoiyyəti zıne-zıne tam jıey məxsusən avropə kişvəron ıştən kimyəvi bombaon çı səddami ixtiyorədə ğərol doey,boyis bıə ki,çın fociyə vəhşətnokə təsiron dınyoədə kam məsey bıə.